ଭୁବନେଶ୍ବର: ଓଡିଶାର ପାରଂପାରିକ କଳାର ଲୋକପ୍ରିୟ କରାଇବା ପାଇଁ ରାଜ୍ୟ ସଂସ୍କୃତି ବିଭାଗ ତରଫରୁ ଚାଲିଛି ପ୍ରୟାସ। ସେହିକ୍ରମରେ ଗତକାଲି ଭୁବନେଶ୍ବରର ଭଂଜକଳା ମଣ୍ଡପରେ ଆୟୋଜିତ ହୋଇଛି ଦୁଇ ଦିନିଆ ରାଜ୍ୟ ସ୍ତରୀୟ ଦାସକାଠିଆ ଓ ପାଲା ଉତ୍ସବ। ଏଥିରେ ବିରଞ୍ଚିନାରାୟଣ ତ୍ରିପାଠୀ, ରବିନାରାୟଣ ବେହେରା, ପ୍ରଜ୍ଞା ରାଉତ ଓ ମିନତି ସ୍ବାଇଁ ପ୍ରମୁଖ ଦାସକାଠିଆ ଓ ପାଲା ପରିବେଷଣ କରିଥିଲେ।
ଓଡିଶା ସଂଗୀତ ନାଟକ ଏକାଡେମୀ ଦ୍ବାରା ଆୟୋଜିତ ଏହି ଉତ୍ସବରେ ଓଡିଶାର ଆଠ ଜଣ ଲୋକ କଳାକାରଙ୍କୁ ସମ୍ବର୍ଦ୍ଧିତ କରାଯାଇଥିଲା। ସେମାନଙ୍କୁ ସଂସ୍କୃତି ବିଭାଗ ନିର୍ଦ୍ଦେଶକ ଶ୍ରୀ ଦିଲୀପ ରାଉତରାଏ ସମ୍ବର୍ଦ୍ଧନା କରିଥିଲେ। ଏଥିରେ ଏକାଡେମୀ ଉପସଭାପତି ଡ. ମନ୍ନଥ ଶତପଥୀ ଏବଂ ସଚିବ ପ୍ରବୋଧ ରଥ ଯୋଗଦେଇଥିଲେ।
