ତିନୋଟି ଟ୍ରେନର ସମୟ ପ୍ରତ୍ୟକ ତିନୋଟି ଷ୍ଟେସନ ଠାରେ ସମୟରେ ପୁନଃ ନିର୍ଦ୍ଧାରଣ

ଭୁବନେଶ୍ବର: ଯାତ୍ରୀମାନଙ୍କ ସୁବିଧା ପାଇଁ ଏବଂ ପରିଚାଳନାଗତ ପ୍ରତିବନ୍ଧକକୁ ଏଡ଼ାଇବା ପାଇଁ, ଢେଙ୍କାନାଳ-ଅନୁଗୁଳ ଏବଂ ଜଖପୁରା-ନୟାଗଡ଼ ରେଳ ସେକ୍ସନ ର ପ୍ରତ୍ୟକ ତିନୋଟି ଭିନ୍ନ ଷ୍ଟେସନରେ ତିନୋଟି ଟ୍ରେନର ସମୟ ପରିବର୍ତ୍ତନ କରିବାକୁ ନିଷ୍ପତ୍ତି ନିଆଯାଇଛି।

12894 ବଲାଙ୍ଗୀର-ଭୁବନେଶ୍ୱର ଇଣ୍ଟର ସିଟି ଏକ୍ସପ୍ରେସ ଅନୁଗୁଳ, ତାଳଚେର ରୋଡ ଏବଂ ମେରାମଣ୍ଡଳୀ ରେଳ ଷ୍ଟେସନ ମାନଙ୍କରେ 16 ଅଗଷ୍ଟ 2023 ଠାରୁ ବର୍ତ୍ତମାନର ନିର୍ଦ୍ଧାରିତ ସମୟ ସାରଣୀ ପରିବର୍ତ୍ତେ ନୂତନ ସଂଶୋଧିତ ସମୟ ସାରଣୀରେ ଚଳାଚଳ କରିବ ଯାହାକି ପୁରୁଣା ସମୟ ସାରଣୀ ଠାରୁ କିଛି ସମୟ ପୂର୍ବରୁ ଯାତ୍ରା କରିବ। ବାଲାଙ୍ଗୀରରୁ ଛାଡୁଥିବା ଏହି ଟ୍ରେନ୍ ବର୍ତ୍ତମାନ ଅନୁଗୁଳ ଠାରେ ସନ୍ଧ୍ୟା 07ଘ.10 ମି.ରେ ପହଞ୍ଚି ସନ୍ଧ୍ୟା 07ଘ.12 ମି.ରେ ଛାଡିବ, ତାଳଚେର ରୋଡ଼ ଠାରେ ସନ୍ଧ୍ୟା 07ଘ.15 ମି.ରେ ପହଞ୍ଚି ସନ୍ଧ୍ୟା 07ଘ.17 ମି.ରେ ଛାଡିବ ଓ ମେରାମଣ୍ଡଳୀ ଠାରେ ସନ୍ଧ୍ୟା 07ଘ.37 ମି.ରେ ପହଞ୍ଚି ସନ୍ଧ୍ୟା 07ଘ.38 ମି.ରେ ଛାଡି ଭୁବନେଶ୍ୱର ଅଭିମୁଖେ ଯାତ୍ରା କରିବ।

18303 ସମ୍ବଲପୁର-ପୁରୀ ଇଣ୍ଟର ସିଟି ଏକ୍ସପ୍ରେସ ଅନୁଗୁଳ, ତାଳଚେର ରୋଡ ଏବଂ ମେରାମଣ୍ଡଳୀ ରେଳ ଷ୍ଟେସନ ମାନଙ୍କରେ 16 ଅଗଷ୍ଟ 2023 ଠାରୁ ବର୍ତ୍ତମାନର ନିର୍ଦ୍ଧାରିତ ସମୟ ସାରଣୀ ପରିବର୍ତ୍ତେ ନୂତନ ସଂଶୋଧିତ ସମୟ ସାରଣୀରେ ଚଳାଚଳ କରିବ ଯାହାକି ପୁରୁଣା ସମୟ ସାରଣୀ ଠାରୁ କିଛି ସମୟ ପୂର୍ବରୁ ଯାତ୍ରା କରିବ। ସମ୍ବଲପୁରରୁ ଛାଡୁଥିବା ଏହି ଟ୍ରେନ୍ ବର୍ତ୍ତମାନ ଅନୁଗୁଳ ଠାରେ ପୂର୍ବାହ୍ନ 08ଘ.35 ମି.ରେ ପହଞ୍ଚି ପୂର୍ବାହ୍ନ 08ଘ.37 ମି.ରେ ଛାଡିବ, ତାଳଚେର ରୋଡ଼ ଠାରେ ପୂର୍ବାହ୍ନ 08ଘ.45 ମି.ରେ ପହଞ୍ଚି ପୂର୍ବାହ୍ନ 08ଘ.46 ମି.ରେ ଛାଡିବ ଓ ମେରାମଣ୍ଡଳୀ ଠାରେ ପୂର୍ବାହ୍ନ 09ଘ.03 ମି.ରେ ପହଞ୍ଚି ପୂର୍ବାହ୍ନ 09ଘ.04 ମି.ରେ ଛାଡି ଭୁବନେଶ୍ୱର ଅଭିମୁଖେ ଯାତ୍ରା କରିବ।

ସେହିଭଳି, 18415 ବଡ଼ବିଲ-ପୁରୀ ଏକ୍ସପ୍ରେସ ନୟାଗଡ଼, ପର୍ଜନପୁର ଏବଂ ଗୋଆଲଡିହ ରେଳ ଷ୍ଟେସନ ମାନଙ୍କରେ 20 ଅଗଷ୍ଟ 2023 ଠାରୁ ବର୍ତ୍ତମାନର ନିର୍ଦ୍ଧାରିତ ସମୟ ସାରଣୀ ପରିବର୍ତ୍ତେ ନୂତନ ସଂଶୋଧିତ ସମୟ ସାରଣୀରେ ଚଳାଚଳ କରିବ ଯାହାକି ପୁରୁଣା ସମୟ ସାରଣୀ ଠାରୁ କିଛି ସମୟ ପୂର୍ବରୁ ଯାତ୍ରା କରିବ। ବଡ଼ବିଲରୁ ଛାଡୁଥିବା ଏହି ଟ୍ରେନ୍ ବର୍ତ୍ତମାନ ନୟାଗଡ଼ ଠାରେ ଅପରାହ୍ନ 12ଘ.52 ମି.ରେ ପହଞ୍ଚି ଅପରାହ୍ନ 12ଘ.53 ମି.ରେ ଛାଡିବ, ପର୍ଜନପୁର ଠାରେ ଅପରାହ୍ନ 01ଘ.03 ମି.ରେ ପହଞ୍ଚି ଅପରାହ୍ନ 01ଘ.04 ମି.ରେ ଛାଡିବ ଓ ଗୋଆଲଡିହ ଠାରେ ଅପରାହ୍ନ 01ଘ.14 ମି.ରେ ପହଞ୍ଚି ଅପରାହ୍ନ 01ଘ.15 ମି.ରେ ଛାଡି ପୁରୀ ଅଭିମୁଖେ ଯାତ୍ରା କରିବ।

ଅନ୍ୟାନ୍ୟ ନିର୍ଦ୍ଧାରିତ ଷ୍ଟେସନରେ ଉପରୋକ୍ତ ଟ୍ରେନ୍ଗୁଡ଼ିକର ସମୟ ସାରଣୀ ଅପରିବର୍ତ୍ତିତ ରହିବ।