କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ଗତକାଲି ରାତିରେ ଏକ ବୋଲବମ୍ ଭକ୍ତ ଗଣ ଆସ୍କା ରୁଷିକୁଲ୍ୟା ନଦୀରୁ ପାଣି ନେଇ ନିଜ ଗ୍ରାମ ବୁଗୁଡ଼ା ବ୍ଳକ ଅନ୍ତର୍ଗତ ଅରଖପୁରକୁ ଫେରୁଥିବା ବେଳେ ଭେଟନଇ ନିକଟରେ ଦୁର୍ଘଟଣା ଘଟି ଘଟଣାସ୍ଥଳରେ ଅନୀତା ସ୍ବାଇଁ ନାମ୍ନୀ ଜଣେ ମହିଳାଙ୍କର ମୃତ୍ୟୁ ହୋଇଥିବା ବେଳେ ଡ଼ାକ୍ତରଖାନାରେ ମୁକୁନା ବେହେରା ନାମକ ଜଣେ ଯୁବକଙ୍କ ମୃତ୍ୟୁ ଘଟିଛି।
ଅନ୍ୟ ଗୁରୁତର ଆହତ ଭକ୍ତମାନେ ବ୍ରହ୍ମପୁର ବଡଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଖବର ପାଇ ପୋଲସରା ବିଧାୟକ ଶ୍ରୀକାନ୍ତ ସାହୁ ଆସ୍କା ଡାକ୍ତରଖାନାକୁ ଯାଇ ଦିବଙ୍ଗତ ଅଙ୍ଗନବାଡି କର୍ମୀଙ୍କର ଶେଷ ଦର୍ଶନ କରିବା ସହ ଶବ ବ୍ୟବଚ୍ଛେଦ ପାଇଁ ଡାକ୍ତରଙ୍କ ସହ ଆଲୋଚନା କରିଥିଲେ। ଅନ୍ୟ ମୃତ ବ୍ୟକ୍ତି ମୁକୁନାଙ୍କ ଅରଖପୁର ସ୍ଥିତ ବାସଭବନକୁ ଯାଇ ଶୋକ ସନ୍ତପ୍ତ ପରିବାରକୁ ଶ୍ରୀ ସାହୁ ସମବେଦନା ଜଣାଇଛନ୍ତି।
