କୁଜଙ୍ଗ: ଜଗତସିଂହପୁର ଜିଲ୍ଲା କୁଜଙ୍ଗ ଥାନା ଅଂଚଳର ଜନୈକ ବ୍ୟକ୍ତିଙ୍କୁ ଏଟିଏମ୍ ଆଗରୁ ଇମା ଗ୍ୟାଙ୍ଗର ସଦସ୍ୟ ମାରଣାସ୍ତ୍ର ଦେଖାଇ ମାଡ ମାରିବା ସହିତ ୩୦ ହଜାର ଟଙ୍କା ଲୁଟ୍ କରିଥିଲେ। ଏହି ଘଟଣାରେ କୁଜଙ୍ଗ ପୋଲିସ୍ ମୁଖ୍ୟ ଅଭିଯୁକ୍ତ ମହମ୍ମଦ ଇମ୍ରାନ୍ ଓରଫ୍ ଇମାକୁ ଗିରଫ କରିବା ସହିତ ତାର ଆଉ ଦୁଇ ସହଯୋଗୀଙ୍କୁ ଗିରଫ କରିଥିଲା। ଅନ୍ୟ ସହଯୋଗୀମାନେ ସେହିଦିନଠାରୁ ଫେରାର ଥିଲେ।
ଗତକାଲି ବିଶେଷ ସୂତ୍ରରୁ ଖବର ପାଇ ଥାନା ଅଧିକାରୀ ରଶ୍ମୀରଂଜନ ଦାଶଙ୍କ ତତ୍ୱାବଧାନରେ ଏକ ଟିମ୍ ଜିଲ୍ଲା ବାହାରୁ ଅନ୍ୟ ଜଣେ ଅଭିଯୁକ୍ତଙ୍କୁ ଗିରଫ କରିଛି। ସେ ହେଲେ ପଙ୍କପାଳ ଅଂଚରଳର ରାକେଶ ସେନାପତି।
ପ୍ରକାଶ ଯେ, କୁଜଙ୍ଗ ଅଂଚଳର ଜନୈକ ବ୍ୟକ୍ତି ଏଟିଏମ୍ରୁ ୩୦ ହଜାର ଟଙ୍କା ଉଠାଣ କରି ବାହାରକୁ ଆସୁଥିବା ବେଳେ ଇମା ଓ ତାର ସହଯୋଗି ବିଜୟ, ସ୍ମୃତିରଞ୍ଜନ, ରାକେଶ ତାଙ୍କୁ ମାରଣାସ୍ତ୍ର ଦେଖାଇ ମାଡମାରି ଟଙ୍କା ଲୁଟ୍ କରି ନେଇଯାଇଥିଲେ। ପରେ ଜନୈକ ବ୍ୟକ୍ତି କୁଜଙ୍ଗ ଥାନାରେ ଲିଖିତ ଅଭିଯୋଗ ପରେ ପୋଲିସ୍ କେସ୍ ନଂ ୩୬୦/୨୩ ମୋକଦ୍ଦମା କରିଥିଲା। ତତ୍କ୍ଷଣାତ୍ ପୋଲିସ୍ ମୁଖ୍ୟ ଅଭିଯୁକ୍ତ ଇମାକୁ ଗିରଫ କରିଥିବା ବେଳେ ସହଯୋଗୀମାନେ ଫେରାର ହୋଇଯାଇଥିଲେ।
