ଭୁବନେଶ୍ବର: ରାଜ୍ୟରେ ଦୀର୍ଘ ବର୍ଷ ଧରି ଆୟୁର୍ବେଦ ଓ ହୋମିଓପ୍ୟାଥିକ ଚିକିତ୍ସା ପଦ୍ଧତିର ସ୍ଥିତି କିଭଳି ବିପର୍ଣ୍ଣ ଆଡ଼କୁ ଗତି କରୁଛି ସେ ସମ୍ପର୍କରେ ଅଲ ଓଡିଶା ଆୟୁଷ ଛାତ୍ର ସଙ୍ଗଠନ ର ଏକପ୍ରତିନିଧି ଦଳ ଓଡିଶା ରାଜ୍ୟପାଳ ଙ୍କୁ ଭେଟି ବିସ୍ତୃତ ଆଲୋଚନା ସହିତ ଏକ ଦାବିପତ୍ର ପ୍ରଦାନ କରିଛନ୍ତି।
ଆୟୁଷ ସଂଗଠନ ପକ୍ଷରୁ ପ୍ରଦାନ କରାଯାଇଥିବା ଏହି ପତ୍ରରେ ରାଜ୍ୟରେ ଏକୋଇଶ ବର୍ଷ ଧରି ରାଜ୍ୟ ସରକାର ଆୟୁଷ ଡିସ୍ପେନସାରି ନ ଖୋଲିବା,ରାଜ୍ୟର ସମସ୍ତ ସରକାରୀ ଆୟୁଷ କଲେଜ ଭିତ୍ତିଭୂମିର ବିପର୍ଣ୍ଣ ସ୍ଥିତି, ଆୟୁଷ ଭେଷଜ ଛାତ୍ରଛାତ୍ରୀଙ୍କୁ ସରକାରୀ ସ୍ତରରେ କିଭଳି ଉପେକ୍ଷା କରାଯାଇଛି ତତସହିତ ରାଜ୍ୟରେ ଲୋକମାନଙ୍କ ଚାହିଦା ମୁତାବକ ଆୟୁଷ ଡିସ୍ପେନସାରିର ଅଭାବ ଦୂର କରିବା କ୍ଷେତ୍ରରେ ରାଜ୍ୟ ସରକାରଙ୍କ ଉପେକ୍ଷା ଆଦି ସମ୍ପର୍କରେ ଆଲୋଚନା କରିବା ସହିତ ବିହିତ ପଦକ୍ଷେପ ନେବାକୁ ପ୍ରତିନିଧି ଦଳ ରାଜ୍ୟପାଳ ଙ୍କୁ ଅନୁରୋଧ କରିଥିଲେ।
ରାଜ୍ୟପାଳ ଏ ସମ୍ପର୍କରେ ରାଜ୍ୟ ସରକାରଙ୍କ ସହିତ ଆଲୋଚନା କରି ପଦକ୍ଷେପ ନେବାକୁ ପ୍ରତିଶୃତି ଦେଇଥିଲେ। ଏହି ପ୍ରତିନିଧି ଦଳରେ ଡା ପ୍ରିୟଙ୍କା ରାଉତ, ଡା ଲୋପାମୁଦ୍ରା ଖଟୋଇ, ଡା ରାଜେଶ ମିଶ୍ର, ଡା ଅମୀୟ ଦାସ, ପ୍ରୀତିରଞ୍ଜନ ଦାସ ପ୍ରମୁଖ ସାକ୍ଷାତ ଆଲୋଚନା କରିଥିଲେ।
