ଭୁବନେଶ୍ବର: ଓଡିଶାରେ ଆସନ୍ତା ଲୋକସଭା ଓ ବିଧାନସଭା ନିର୍ବାଚନ ପାଇଁ ଅଫିସର ସ୍ତରରେ ଏକ ବଡ ଧରଣର ଅଦଳବଦଳ ହେବ। ଏ ନେଇ ଭାରତ ନିର୍ବାଚନ କମିଶନର ଓଡିଶା ମୁଖ୍ୟ ଶାସନ ସଚିବଙ୍କୁ ଚିଠି ଲେଖି ଅବଗତ କରାଇଛନ୍ତି।
ଏଥିରେ ସେ ଦର୍ଶାଇଛନ୍ତି ଯେ ଯେଉଁ ଅଧିକାରୀ ଗୋଟିଏ ସ୍ଥାନରେ ତିନିବର୍ଷରୁ ଉର୍ଦ୍ଧ ସମୟ ଅଛନ୍ତି ତାଙ୍କୁ ତୁରନ୍ତ ବଦଳ କରାଯାଉ। ସେହିପରି ଏଥିରେ କୁହାଯାଇଛି ଯେ ଯେଉଁ ଅଧିକାରୀ ତାଙ୍କ ନିଜ ଅଞ୍ଚଳରେ କାମ କରୁଥିବେ ତାଙ୍କୁ ମଧ୍ୟ ବଦଳି କରାଯାଉ।
ଏହି ଚିଠିରେ କୁହାଯାଇଛି ଯେ, ଆସନ୍ତା ବର୍ଷ ଲୋକସଭା ନିର୍ବାଚନ ସହିତ ଆନ୍ଧ୍ର ପ୍ରଦେଶ, ଅରୁଣାଞ୍ଚଳ ପ୍ରଦେଶ, ଓଡିଶା ଏବଂ ସିକ୍କିମର ବିଧାନସଭା ନିର୍ବାଚନ ହେବ। ଓଡିଶା ବିଧାନସଭା ଆସନ୍ତାବର୍ଷ ଜୁନ 2 ତାରିଖରେ ଶେଷ ହେଉଥିବାରୁ ତା ପୂର୍ବରୁ ନିର୍ବାଚନ ପକ୍ରିୟା ଆରମ୍ଭ ହେବ।
ଏହି ଚିଠି ଆସିବା ପରେ ବର୍ତ୍ତମାନ କେଉଁ କେଉଁଠି କେତେ ବର୍ଷ ଅଛି ଏବଂ କିଏ ନିଜ ଅଞ୍ଚଳରେ ଚାକିରୀ କରିଛି ତାହାର ଖୋଳତାଡ ଆରମ୍ଭ ହୋଇଯାଇଛି।
Tags: Election24, ନିର୍ବାଚନ2024
