ସାମୁଦ୍ରିକ ଝଡ ବାୟୁର ପ୍ରଭାବ ସେୟାର ବଜାର ଉପରେ ଅନୁଭୂତ ହୋଇଛି। ବିଗତ ପାଞ୍ଚ ଦିନ ଧରି ସବୁଜ ରହିଥିବା ଶେୟାର ବଜାର ଆଜି ଲାଲକୁ ଆସିଛି। ସେନସେକ୍ସ ଏହି ସମୟରେ ୧୦୦ ପଏଣ୍ଟ ତଳକୁ ଖସି ଆସିଥିବା ବେଳେ ନିଫ୍ଟୀ ୩୦ ପଏଣ୍ଟ ତଳକୁ ଖସି ଆସିଛି। ସେନସେକ୍ସ ୧୩୦.୩୫ ପଏଣ୍ଟ ହ୍ରାସ ପାଇବା ସହିତ ୩୯୬୨୬.୪୬ ପଏଣ୍ଟରେ ରହିଥିବା ବେଳେ ନିଫ୍ଟୀ ୩୫.୯୦ ପଏଣ୍ଟ ତଳକୁ ଖସି ୧୧୮୭୦.୩୦ ପଏଣ୍ଟରେ ରହିଛି। ଏହି ସମୟରେ ଇଣ୍ଡସଇଣ୍ଡ ବ୍ୟାଙ୍କ, ସନ୍ ଫାର୍ମା, ବେଦାନ୍ତ, ଟାଟା ଷ୍ଟିଲ, ଏବଂ ଟାଟା ମୋଟର୍ସର ଅଂଶଧନ ମୂଲ୍ୟ ହ୍ରାସ ପାଇଥିବା ବେଳେ ଏଲ୍ ଆଣ୍ଡ ଟି, ଟିସିଏସ୍, ଆକ୍ସିସ୍ ବ୍ୟାଙ୍କ ଏବଂ ବଜାଜ ଫାଇନାନ୍ସର ଅଂଶଧନ ମୂଲ୍ୟରେ ବୃଦ୍ଧି ଘଟିଛି।
