ଭୁବନେଶ୍ବର: ନିର୍ବାଚନ ଯେତିକି ପାଖେଇବାରେ ରାଜ୍ୟ ରାଜନୀତି ସେତିକି ଗରମାଗରମ ହେବାରେ ଲାଗିଛି। କିଏ କେଉଁଠି ଛିଡା ହେବ, କାହାକୁ କେଉଁ ଦଳ ଟିକେଟ ଦେବ ସେ ନେଇ ଚାଲିଛି ଚର୍ଚ୍ଚା। ଏହି ଭିତରେ ଆଉ ଏକ ବଡ ଖବର ଆସିଛି। ତାହା ହେଲା କଂଗ୍ରେସର ବରିଷ୍ଠ ନେତା ତଥା ବିଧାୟକ ନରସିଂହ ମିଶ୍ରଙ୍କ ଘୋଷଣା।
ନରସିଂହ ମିଶ୍ର ଆଉ ନିର୍ବାଚନ ଲଢିବେ ନାହିଁ ବୋଲି ସେ ଘୋଷଣା କରିଛନ୍ତି। ବଲାଙ୍ଗିରର ବିଭିନ୍ନ କର୍ମି ସମ୍ମିଳନୀରେ ନରସିଂହ ଏହି ଘୋଷଣା କରିଛନ୍ତି। ସେ କହିଛନ୍ତି ଯେ, ମୁଁ ଆଉ ନିର୍ବାଚନ ଲଢିବି ନାହିଁ। ମୋର ସାନ ପୁଅ ସମରେନ୍ଦ୍ର ମିଶ୍ରକୁ ଦଳ ଟିକେଟ ଦେବାକୁ ଚାହୁଁଛି। ସେଥିପାଇଁ ନିର୍ବାଚନ ରାଜନୀତିରୁ ମୁଁ ଅବସର ନେଲି ବୋଲି ନରସିଂହ କହିଛନ୍ତି।
ନରସିଂହଙ୍କ ସାନ ପୁଅ ସମରେନ୍ଦ୍ର ପୂର୍ବରୁ କଂଗ୍ରେସରୁ ଲୋକସଭା ପ୍ରାର୍ଥୀ ହୋଇ ହାରିଯାଇଥିଲେ। ବର୍ତ୍ତମାନ ସେ ବିଧାନସଭା ପାଇଁ ଛିଡା ହେଲେ ବଲାଙ୍ଗିରରୁ ଲୋକସଭା ପ୍ରାର୍ଥୀ କିଏ ହେବ ସେ ନେଇ ଚାଲିଛି ଚର୍ଚ୍ଚା। ତେବେ ପୂର୍ବରୁ ନରସିଂହ ନିର୍ବାଚନ ଲଢିବେ ନାହିଁ ବୋଲି ସୂଚନା ଦେଇଥିଲେ।
