ନୂଆଦିଲ୍ଲୀ: କ୍ଷମତା ପରିବର୍ତ୍ତନ ପରଠାରୁ ମାଲଦ୍ୱୀପ ଏବଂ ଭାରତ ସହ ସମ୍ପର୍କ ଖରାପ ହୋଇଯାଇଛି। ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲକ୍ଷଦୀପ ଗସ୍ତ ପରେ ଦୁଇ ଦେଶ ମଧ୍ୟରେ ସମ୍ପର୍କକୁ ନେଇ ଏକ ବଡ଼ ମତଭେଦ ଦେଖାଦେଇଛି। ଏହି ମାମଲାରେ ମାଲଦ୍ୱୀପର ଜମହୁରି ପାର୍ଟି (ଜେପି) ନେତା କାସୀମ ଇବ୍ରାହିମ ରାଷ୍ଟ୍ରପତି ମହମ୍ମଦ ମୁଇଜୁଙ୍କୁ ପ୍ରଧାନମନ୍ତ୍ରୀ ମୋଦୀ ଏବଂ ଭାରତବାସୀଙ୍କୁ କ୍ଷମା ମାଗିବାକୁ କହିଛନ୍ତି।
କାସୀମ ଇବ୍ରାହିମ କ’ଣ କହିଛନ୍ତି?
ମାଲଦ୍ୱୀପର ବିରୋଧୀଦଳ ନେତା କହିଛନ୍ତି ଯେ, “କୌଣସି ଦେଶ, ବିଶେଷ କରି ପଡୋଶୀ ଦେଶ ବିଷୟରେ ଏପରି ବିବୃତ୍ତି ଦିଆଯିବା ଉଚିତ ନୁହେଁ, ଯାହା ସମ୍ପର୍କ ଉପରେ ପ୍ରଭାବ ପକାଇବ। ଆମ ଦେଶ ପ୍ରତି ଆମର ଦାୟିତ୍ଵ ଅଛି ଯାହାକୁ ଆମେ ବିଚାର କରିବା ଉଚିତ୍। ରାଷ୍ଟ୍ରପତି ସୋଲିହ ଏହି ଦାୟିତ୍ଵକୁ ବିଚାର କରି “ଇଣ୍ଡିଆ ଆଉଟ୍” ଅଭିଯାନକୁ ପ୍ରତିବନ୍ଧକ ଲଗାଇବା ପାଇଁ ଏକ ରାଷ୍ଟ୍ରପତି ନିର୍ଦ୍ଦେଶ ଜାରି କରିଛନ୍ତି।
ସେ ଆହୁରି କହିଛନ୍ତି ଯେ, “ବର୍ତ୍ତମାନ, ୟାମିନ୍ ପ୍ରଶ୍ନ କରୁଛନ୍ତି ଯେ ତାଙ୍କ ସହିତ ଇଣ୍ଡିଆ ଆଉଟ୍ ଅଭିଯାନରେ ଅଂଶଗ୍ରହଣ କରିଥିବା ମୁଇଜୁ କାହିଁକି ରାଷ୍ଟ୍ରପତିଙ୍କ ନିଷ୍ପତ୍ତିକୁ ବାତିଲ କରିନାହାଁନ୍ତି? ଏହି ଆଦେଶକୁ ବାତିଲ କରାଯିବା ଉଚିତ ନୁହେଁ କାରଣ ଏହା କେବଳ ଦେଶ ପାଇଁ କ୍ଷତି ପହଞ୍ଚାଇବ। ମୁଁ ମୁଇଜୁଙ୍କୁ କହିବି ଯେ ଏହା କରିବା ଉଚିତ୍ ନୁହେଁ। ଏଥି ସହିତ ମୁଁ ରାଷ୍ଟ୍ରପତି ମୁଇଜୁଙ୍କୁ ଚୀନ୍ ଗସ୍ତ ପରେ ତାଙ୍କ ମନ୍ତବ୍ୟ ସମ୍ପର୍କରେ ଭାରତ ସରକାର ଏବଂ ପ୍ରଧାନମନ୍ତ୍ରୀ ମୋଦୀଙ୍କୁ କ୍ଷମା ମାଗିବାକୁଆହ୍ଵାନ କରୁଛି।
