Election News: ବହୁ ପ୍ରତୀକ୍ଷାର ଆଜି ଅନ୍ତ ଘଟିବ। ଆଜି ଘୋଷଣା ହେବ ଲୋକସଭା ଏବଂ ବିଧାନସଭା ନିର୍ବାଚନ ତାରିଖ। ଆଜି ଶନିବାର ଅପରାହ୍ନ ୩ ଟାରେ ଏହି ତାରିଖ ଘୋଷଣା କରାଯିବ ବୋଲି ଭାରତର ନିର୍ବାଚନ ଆୟୋଗ ଶୁକ୍ରବାର ଦିନ କହିଛନ୍ତି। ନିର୍ବାଚନ କମିସନଙ୍କ କାର୍ଯ୍ୟାଳୟ ତରଫରୁ ସାମାଜିକ ଗଣମାଧ୍ୟମରେ ରେ ଏକ ସଂକ୍ଷିପ୍ତ ବିବୃତ୍ତି ପୋଷ୍ଟ କରିଛି। ସେଥିରେ କୁହାଯାଇଛି ଯେ ଲୋକସଭା ଏବଂ ଚାରିଟି ରାଜ୍ୟର ବିଧାନସଭା ନିର୍ବାଚନ ପାଇଁ ତାରିଖ ପ୍ରକାଶ ପାଇବ।
ଆଜି ତାରିଖ ଘୋଷଣା ହେବା ମାତ୍ରେ ସାରା ଦେଶରେ ନିର୍ବାଚନ ଆଚରଣ ବିଧି ଲାଗୁ ହେବ।୨୦୧୯ ନିର୍ବାଚନ ଏପ୍ରିଲ ୧୧ ରୁ ମେ ୧୯ ପର୍ଯ୍ୟନ୍ତ ସାତୋଟି ପର୍ଯ୍ୟାୟରେ ଅନୁଷ୍ଠିତ ହୋଇଥିଲା ଏବଂ ଫଳାଫଳ ଚାରି ଦିନ ପରେ ଘୋଷିତ ହୋଇଥିଲା। ଯେଉଁ ଚାରିଟି ରାଜ୍ୟରେ ବିଧାନସଭା ନିର୍ବାଚନ ହେବ ସେଗୁଡିକ ହେଉଛି ଅରୁଣାଚଳ ପ୍ରଦେଶ, ଆନ୍ଧ୍ରପ୍ରଦେଶ, ଓଡିଶା ଏବଂ ସିକ୍କିମ।
