ଭୁବନେଶ୍ବର: ଖୁବ ଶିଘ୍ର ବିଜେପିରୁ ଇସ୍ତଫା ଦେବେ ବିଜେପିର ପୂର୍ବତନ ବିଧାୟିକା ରାଧାରାଣୀ ପଣ୍ଡା। ଏ ନେଇ ତାଙ୍କ ସମର୍ଥକମାନେ ଖୋଲମଖୁଲା କହିସାରିଲେଣି। ବିଜେପି ଏଥର ତାଙ୍କୁ ବ୍ରଜରାଜନଗରରୁ ଟିକେଟ ନ ଦେଇ ସାଂସଦ ସୁରେଶ ପୂଜାରୀଙ୍କୁ ଦେଇଛି। ଯାହାକୁ ନେଇ ରାଧାରାଣୀ ବେଶ ଉତକ୍ଷିପ୍ତ ହୋଇଛନ୍ତି। ତେବେ ସେ ଏ ପର୍ଯ୍ୟନ୍ତ କୌଣସି ନିଷ୍ପତି ନେଇପାରି ନାହାଁନ୍ତି।
ତେବେ ଏହାକୁ ନେଇ ପ୍ରତିକ୍ରିୟା ରଖିଛନ୍ତି ନିଜେ ରାଧାରାଣୀ। ସେ କହିଛନ୍ତି ଦଳ ପାଇଁ ମୁଁ ବେଶ ପରିଶ୍ରମ କରିଛି। ହେଲେ ଦଳ ତାହାର ମୂଲ୍ୟ ବୁଝିଲା ନାହିଁ। ବର୍ତ୍ତମାନ ବିଜେଡି ତରଫରୁ ଡକରା ଆସିଛି। କର୍ମୀମାନଙ୍କ ସହିତ ଆଲୋଚନା କରି ନିଷ୍ପତି ନେବି। ତେବେ ରାଧାରାଣୀ ଖୁବଶିଘ୍ର ବିଜେଡିରେ ମିଶିବେ ବୋଲି ଜଣାପଡିଛି। ରାଧାରାଣୀ ୨୦୧୪ ରେ ବ୍ରଜରାଜନଗରର ବିଧାୟିକା ଥିଲେ।
