ନୂଆଦିଲ୍ଲୀ: ରୁଷ୍ ମହାସଂଘର ପ୍ରଥମ ଉପ-ପ୍ରଧାନମନ୍ତ୍ରୀ ଡେନିସ ମାନ୍ତୁରୋଭ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି।
ବାଣିଜ୍ୟ, ଅର୍ଥନୈତିକ ବନ୍ଧୁତ୍ୱ ସମେତ ଶକ୍ତି, ଯୋଗାଯୋଗ ଆଦି କ୍ଷେତ୍ରରେ ପାରସ୍ପରିକ ସହଯୋଗ ପାଇଁ ସେମାନଙ୍କ ମଧ୍ୟରେ ଆଲୋଚନା ହୋଇଥିଲା।
ନିକଟରେ ତାଙ୍କ ଗସ୍ତ ଅବସରରେ ରାଷ୍ଟ୍ରପତି ପୁତିନଙ୍କ ସହ ଭେଟ ସମୟରେ ଭାରତ-ରୁଷିଆ ରଣନୀତିକ ଭାଗିଦାରିତାକୁ ଅଧିକ ସୁଦୃଢ଼ କରିବାକୁ ନିଆଯାଇଥିବା ନିଷ୍ପତ୍ତିଗୁଡ଼ିକୁ ଲାଗୁ କରିବାକୁ ଉଭୟ ଦେଶ ପକ୍ଷରୁ ହୋଇଥିବା ପ୍ରଚେଷ୍ଟାକୁ ପ୍ରଧାନମନ୍ତ୍ରୀ ମୋଦୀ ସ୍ୱାଗତ କରିଥିଲେ।
ରାଷ୍ଟ୍ରପତି ପୁତିନଙ୍କ ପ୍ରତି ପ୍ରଧାନମନ୍ତ୍ରୀ ଶ୍ରୀ ମୋଦୀ ହାର୍ଦ୍ଦିକ ଶୁଭେଚ୍ଛା ଜଣାଇବା ସହ ଭବିଷ୍ୟତରେ ଆଲୋଚନା ପାଇଁ ଇଚ୍ଛୁକ ଥିବା କହିଥିଲେ।
