ଶ୍ରୀନଗର: ଜାତୀୟ ଅନୁସନ୍ଧାନକାରୀ ସଂସ୍ଥା (ଏନଆଇଏ) ଲଶ୍କର-ଏ-ତୋଇବା ସହ ଜଡିତ ସନ୍ଦିଗ୍ଧ ଆତଙ୍କବାଦୀ ଆଦିଲ ମଞ୍ଜୁର ଲମ୍ବୁଙ୍କ ସମ୍ପତ୍ତି ଜବତ କରି କଡା କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଶ୍ରୀନଗରର ଶାଲା କଦଲ ଅଞ୍ଚଳରେ ଦୁଇ ଜଣ ଅଣ-କାଶ୍ମୀରୀ ହତ୍ୟା ମାମଲାରେ ଆଦିଲ ମଞ୍ଜୁର ମୁଖ୍ୟ ଅଭିଯୁକ୍ତ। ଏହି ହତ୍ୟାକାଣ୍ଡରେ ବ୍ୟବହୃତ ଅସ୍ତ୍ରଶସ୍ତ୍ର ଏବଂ କାର୍ଟ୍ରିଜକୁ ମଧ୍ୟ ଏନଆଇଏ ଜବତ କରିଛି, ଯାହା ଲମ୍ବୁଙ୍କ ପିତାଙ୍କ ସମ୍ପତ୍ତିରେ ଲୁଚି ରହିଥିଲା।
ଏନଆଇଏ ଅନୁଯାୟୀ, ଆଦିଲ ମଞ୍ଜୁର ତାଙ୍କ ସହଯୋଗୀ ଏହରନ୍ ରସୁଲ ଡର ଏବଂ ଦାଉଦଙ୍କ ସହ ଏହି ହତ୍ୟା ଯୋଜନା କରିଥିଲେ। ସମସ୍ତ ଆତଙ୍କବାଦୀ ପାକିସ୍ତାନର ଲଶ୍କର-ଏ-ତୋଇବା ସହିତ ଯୋଗାଯୋଗ କରିଥିଲେ। ସେମାନଙ୍କର ଉଦ୍ଦେଶ୍ୟ ଥିଲା ବାହାର ରାଜ୍ୟରୁ ଆସୁଥିବା ଲୋକଙ୍କୁ ଭୟଭୀତ କରିବା ଏବଂ କାଶ୍ମୀରର ପରିବେଶକୁ ଖରାପ କରିବା। ଏକ ଷଡଯନ୍ତ୍ରର ଅଂଶ ଭାବରେ ଫେବୃଆରୀ ୭ ତାରିଖରେ ସେ କାଶ୍ମୀରରେ ଦୁଇଜଣ ଅଣ-କାଶ୍ମୀରୀ ଲୋକଙ୍କୁ ହତ୍ୟା କରିଥିଲେ।
ଏହି ପରିପ୍ରେକ୍ଷୀରେ ପାକିସ୍ତାନରେ ରହୁଥିବା ମାଷ୍ଟରମାଇଣ୍ଡ ଜାହାଙ୍ଗୀର ଏବେ ବି ଫେରାର ଅଛି। ଏହି ଘଟଣାରେ ଏନଆଇଏ ଅନେକ ଅଭିଯୁକ୍ତଙ୍କୁ ଗିରଫ କରିଛି ଯେଉଁମାନେ ବର୍ତ୍ତମାନ ଶ୍ରୀନଗର ଜେଲରେ ଅଛନ୍ତି। ଏନଆଇଏର ଏହି କାର୍ଯ୍ୟ ଆତଙ୍କବାଦୀ ସଂଗଠନର ପରିକଳ୍ପନାକୁ ଏକ ବଡ ଝଟକା ଦେଇଛି।