ରେଢ଼ାଖୋଲ (କନ୍ଦର୍ପ ବେହେରା): ସବୁଜ ବନାନି ଘେରା ଏବଂ ଘଞ୍ଚ ଜଙ୍ଗଲ ଓ ଉଚ୍ଚ ପର୍ବତ ମାଳାରେ ପର୍ଯ୍ୟବେଶିତ, ଚମ୍ପାଳୀ ନଦୀ କୂଳରେ ଥିବା ପ୍ରସିଦ୍ଧ ଐତିହ୍ୟ ପୀଠ ଭୀମ ମଣ୍ଡଳୀ ରାଜ୍ୟ ସରକାରଙ୍କ ଦ୍ୱାରା ପର୍ଯ୍ୟଟନ ସ୍ଥଳୀର ମାନ୍ୟତା ପାଇବା ପରେ ପ୍ରଥମ କରି ସମ୍ବଲପୁର ସାଂସଦ ତଥା କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗସ୍ତ କରିଛନ୍ତି। ଆଜି ପୂର୍ବାହ୍ନରେ ଶ୍ରୀ ପ୍ରଧାନ ଭୀମ ମଣ୍ଡଳୀ ଗସ୍ତକରି ପ୍ରଥମେ ଭୀମମଣ୍ଡଳୀ ଗୁମ୍ଫା ପାର୍ଶ୍ଵରେ ଅବସ୍ଥିତ ଗୁପ୍ତେଶ୍ୱର ଦର୍ଶନପରେ ଭୀମମଣ୍ଡଳୀ ବୁଲି ଦେଖିଥିଲେ। ଗୁମ୍ଫାଗୁଡିକର ପ୍ରସ୍ତର ଦେହରେ ଥିବା ବିଭିନ୍ନ ଶୀଳାଲେଖ ଗୁଡିକ ଅନୁଧ୍ୟାନ କରିଥିଲେ। ସ୍ଥାନୀୟ ଅଧିବାସୀଙ୍କ ସହ ମିଶିଲେ ଓ କଥା ହେଲେ। ଏଏସଆଇ ଅଧିକାରୀଙ୍କ ସହ ଏହି ଐତିହ୍ୟ ସ୍ଥାନର ଉତ୍ପତି, ଐତିହ୍ୟ ଓ ଇତିହାସ ଉପରେ ଆଲୋଚନା କରିଛନ୍ତି।
ଐତିହାସିକଙ୍କ ମତରେ ପାଖାପାଖି ୩୦ ହଜାର ବର୍ଷ ପୂର୍ବରୁ ଭୀମମଣ୍ଡଳୀରେ ମାନବ ସଭ୍ୟତା ଗଢି ଉଠିଥିଲା ବୋଲି କହିଛନ୍ତି। ଶ୍ରୀ ପ୍ରଧାନ ଭାରତ ସରକାରଙ୍କ ଆଇସିଏଚଆର ସମେତ ବିଭିନ୍ନ ମାଧ୍ୟମରେ ଉଚ୍ଚସ୍ତରୀୟ ଗବେଷଣା କରାଯିବ। ଜାତୀୟ ସ୍ତରରେ ଡେବ୍ରୀଗଡ଼ ଓ ଭୀମମଣ୍ଡଳୀର ପ୍ରଚାର ପ୍ରସାର ପାଇଁ ପ୍ରୟାସ ହେବ। ଡେବ୍ରିଗଡ, ଭୀମମଣ୍ଡଳୀ ଓ ହୀରାକୁଦକୁ ନେଇ ଏକ ପର୍ଯ୍ୟଟନ କ୍ଳଷ୍ଟର କରିବାପାଇଁ ଜିଲ୍ଲା ପ୍ରଶାସନ ସହ ଆଲୋଚନା କରିଛନ୍ତି।
ଏହି ଐତିହ୍ୟ ଅଞ୍ଚଳର ପ୍ରସିଦ୍ଧି ବଢିବା ପରେ ସ୍ଥାନୀୟ ଅଞ୍ଚଳରେ ବ୍ୟାପକ ରୋଜଗାର ସୃଷ୍ଟି ହେବ। ପ୍ରଧାନମନ୍ତ୍ରଙ୍କ ଦ୍ୱାରା ଆକାଂକ୍ଷା ବ୍ଲକ ଅଧୀନରେ ପରିବର୍ତ୍ତନ ହୋଇଥିବା ଦେଶର ୫୦୦ ବ୍ଲକ ମଧ୍ୟରୁ ନାକଟିଦେଉଳ ବ୍ଲକ ଅନ୍ୟତମ। ଜିଲ୍ଲାପାଳ ସମ୍ବଲପୁର ସିଦ୍ଧେଶ୍ବର ବଳିରାମ ବନ୍ଦର ସଭା ପରିଚାଳନା କରିଥିବା ବେଳେ ଅନ୍ୟ ଅତିଥି ମାନଙ୍କ ମଧ୍ୟରେ ରାଜ୍ୟ ସରକାରଙ୍କ ପଂଚାୟତରାଜ ଓ ପାନୀୟ ଜଳ ଓ ଗ୍ରାମ୍ୟ ଉନ୍ନୟନ ମନ୍ତ୍ରୀ ରବି ନାରାୟଣ ନାୟକ, ଉତ୍ତରାଞ୍ଚଳ ଆଇଜୀ ସମ୍ବଲପୁର ହିମାଂଶୁ ଲାଲ, ଉତ୍ତରାଞ୍ଚଳ ରାଜସ୍ବ କମିସନର ସଚିନ ରାମଚନ୍ଦ୍ର ଯାଦବ, ଏସପି ମୁକେଶ ଭାମୁ,ଗଙ୍ଗାଧର ମେହେର ବିଶ୍ୱବିଦ୍ୟାଳୟର ଭିସି ଏନ ନାଗରାଜୁ ରାଓ, ରେଙ୍ଗାଲିର ପୂର୍ବତନ ବିଧାୟକ ନାଉରି ନାଏକ, ଐତିହାସିକ ଦୀପକ ପଣ୍ଡା, ଗଙ୍ଗାଧର ମହେର ବିଶ୍ୱବିଦ୍ୟାଳୟର ଇତିହାସ ବିଭାଗର ସହକାରୀ ଅଧ୍ୟାପକ ଅତୁଳ ଚରଣ ପ୍ରଧାନ, ନାକଟିଦେଉଳ କଲେଜର ଇତିହାସ ଅଧ୍ୟାପକ ଦେବେଶ କୁମାର ବିଶ୍ୱାଳ ପ୍ରମୁଖ ଉପସ୍ଥିତ ଥିଲେ।
