ବାଣପୁର: ସ୍ତ୍ରୀକୁ ହତ୍ୟା କରିଥିବା ଅଭିଯୋଗରେ ସ୍ୱାମୀକୁ ଗିରଫ କରାଯାଇଛି। ଖୋର୍ଦ୍ଧା ଜିଲ୍ଲା ବାଣପୁର ଥାନା ହଳନ୍ଦା ଗ୍ରାମରେ ଏଭଳି ଏକ ଅଭାବନୀୟ ଘଟଣା ଘଟିଛି। ଉକ୍ତ ଗ୍ରାମର କୁନି ନାୟକଙ୍କ ଝିଅ ଟିକିନା ବିଷୋୟୀ (୩୭) ସେହି ଗ୍ରାମର ରବି ବିଷୋୟୀଙ୍କୁ ୧୧ ବର୍ଷ ପୂର୍ବେ ବିବାହ କରିଥିଲେ।
ତେବେ ଆଜି ଟିକିନା ପାରିବାରିକ କଳହ ଲାଗି ତାଙ୍କ ଘରେ ଥିବା ବାଉଁଶରେ ରଶି ଲଗାଇ ଝୁଲିପଡ଼ିଥିବା ଚର୍ଚ୍ଚା ହେଉଥିବା ବେଳେ ଖବର ପାଇ ମା’ କୁନି ଟିକିନାଙ୍କୁ ଶ୍ୱଶୁର ଘର ଲୋକ ମାରିଦେଇଥିବା ବାଣପୁର ଥାନାରେ ଲିଖିତ ଅଭିଯୋଗ କରିଛନ୍ତି।
ଅଭିଯୋଗ ଆଧାରରେ ପୋଲିସ ତଦନ୍ତ ଜାରି ରଖିଥିବା ବେଳେ ସ୍ୱାମୀ ରବିଙ୍କୁ ଗିରଫ କରି କୋର୍ଟ ଚାଲାଣ କରିଛି। ମୃତ ଟିକିନାଙ୍କ ୩ ଗୋଟି ସନ୍ତାନ ଥିବା ଜଣାପଡିଛି।
