ଭୁବନେଶ୍ବର: ୱାକଫ ବିଲ୍ କୁ ନେଇ ବିଜେଡି ରାଜ୍ୟସଭା ସାଂସଦ ଦେବାଶିଷ ସାମନ୍ତରାୟ ଏକ ବିସ୍ପୋରକ କଥା କହିଛନ୍ତି। ସେ ଏକ ଗଣମାଧ୍ୟମକୁ କହିଲେ ଯେ, ନବୀନ ପଟ୍ଟନାୟକଙ୍କ ପରାମର୍ଶଦାତାଙ୍କ ପାଇଁ ଏପରି ମତ ପରିବର୍ତ୍ତନ କରାଗଲା। ତେବେ ସେହି ପରାମର୍ଶଦାତା କିଏ ସେ ନେଇ ଦେବାଶିଷ କୌଣସି ଉତ୍ତର ରଖିଲେ ନାହିଁ। ଏପରିକି ସେ ଭି କେ ପାଣ୍ଡିଆନ କି ବୋଲି ପଚାରିବା ପରେ ମଧ୍ୟ ସେ କହିଥିଲେ ସେ ଲୋକ କିଏ ସମସ୍ତେ ଜାଣିଛନ୍ତି।
ଦେବାଶିଷ କହିଛନ୍ତି ଯେ, ବହୁ ପୂର୍ବରୁ ଦଳର ନିଷ୍ପତି ଥିଲା ଯେ, ୱାକଫ ବିଲ୍ କୁ ବିରୋଧ କରାଯିବ। ଶଙ୍ଖଭବନରେ ମଧ୍ୟ ନବୀନ କହିଲେ ଯେ, ୱାକଫ ବିଲ କୁ ବିରୋଧ କରାଯିବ। ସେହି ଅନୁସାରେ ଆମେ ପ୍ରସ୍ତୁତ ରହିଲୁ ବୋଲି ଦେବାଶିଷ କହିଛିନ୍ତି। ଏପରିକି ଯେଉଁଦିନ ଏହି ବିଲ ସଂପର୍କରେ ଆଲୋଚନା ହେଲା ସେତେବେଳ ଦଳ ନିଷ୍ପତି କଲା ଯେ, ମୁନ୍ନା ଖାଁ ଦଳ ତରଫରୁ କହିବେ।
ମୁନ୍ନା ଖାଁ ଗୃହରେ ବିଲ କୁ ବିରୋଧ କରାଯିବ ବୋଲି ଘୋଷଣା କଲେ। ମୋର ଦଳ ମୋର ନେତା ନବୀନ ପଟ୍ଟନାୟକ ଏହି ନିଷ୍ପତି ନେଇଛନ୍ତି ବୋଲି ସେ କହିଲେ। ହେଲେ ତାଙ୍କର ବକ୍ତବ୍ୟ ପରେ ପରେ ସସ୍ମିତ ଏକ ଟୁଇଟ କରି କହିଲେ ଯେ, ଦଳ ତରଫରୁ କୌଣସି ହୁଇପ ଜାରୀ କରାଯାଇ ନାହିଁ। ତେଣୁ ବିଜେଡି ସାଂସଦମାନେ ତାଙ୍କ ବିବେକ ଅନୁସାରେ ଭୋଟ ଦେବେ। ଏହା ଜାଣିବା ପରେ ମୁଁ ଭୋଟ ଦାନରୁ ବିରତ ରହିଲି ବୋଲି ଦେବାଶିଷ କହିଛନ୍ତି।
