ରେଢ଼ାଖୋଲ (କନ୍ଦର୍ପ ବେହେରା): ଆଜି ଆଞ୍ଚଳିକ ଚଷା ସମାଜର ବାର୍ଷିକ ସଭା ସଭାପତି ରବିନାରାୟଣ ଧଳଙ୍କ ସଭାପତିତ୍ବରେ ସରକାରୀ ମଧ୍ୟ ଇଂରାଜୀ ବିଦ୍ୟାଳୟ, ବିଜାଗଡ ନିକଟସ୍ଥ ସହାଗୃହରେ ଅନୁଷ୍ଠିତ ହୋଇଯାଇଛି। ଏହି ସଭାରେ ନୂତନ କମିଟି ସଭାପତିଙ୍କ ନିର୍ଦ୍ଦେଶ କ୍ରମେ ଚୟନ କରାଯାଇଛି। ସଭାପତି ରୂପେ ଭକ୍ତବଲ୍ଲଭ ପ୍ରଧାନ, ଉପ ସଭାପତି ଯୁଧିଷ୍ଟିର ସାହୁ, ସମ୍ପାଦକ ଗୌତମ ମୋହନ ପ୍ରଧାନ, ସହ ସମ୍ପାଦକ ଦୁର୍ଲଭ ସାହୁ ଓ କୋଷାଧ୍ୟକ୍ଷ ଭାବେ ନେତ୍ରାନନ୍ଦ ରାଉଳ ଙ୍କୁ ମନୋନୀତ କରାଯାଇଛି। ଏହା ସହିତ ବୟୋଜ୍ୟେଷ୍ଠ ଭଦ୍ର ବ୍ୟକ୍ତି ମାନଙ୍କୁ ନେଇ ଏକ ୨୫ ଜଣିଆ ଉପଦେଷ୍ଟା କମିଟି ଗଠନ କରାଯାଇଛି।
