ଭୁବନେଶ୍ବର: ରାଜ୍ୟ ଓ କେନ୍ଦ୍ରରେ ବିଜେପି ଶାସନ ଥିଲେ ମଧ୍ୟ ଏବେ ବି ବିଜେଡିର ଦବଦବା ଜାରୀ ରହିଛି। ଯାହାର ପ୍ରମାଣ ହେଲା ଗତକାଲି ଭୁବନେଶ୍ବର ମହାନଗର ନିଗମର ହୋଇଥିବା ବିଭିନ୍ନ ଷ୍ଟାଣ୍ଡିଂ କମିଟ ଅଧ୍ୟକ୍ଷ ନିର୍ବାଚନ। ଏଥିରେ ମୋଟ 9 ଟି କମିଟ ଅଧ୍ୟକ୍ଷ ନିର୍ବାଚନ ହୋଇଥିଲା। ସେଥି ମଧ୍ୟରୁ ବିଜେଡି 8 ଟି ହାତେଇ ଥିବା ବେଳେ ବିଜେପି ଗୋଟିଏ ଅଧ୍ୟକ୍ଷ ପଦ ନେଇଛି।
ତେବେ ମିଳିଥିବା ସୂଚନା ଅନୁସାରେ ବିଜେଡି ହାତେଇଥିବା 8 ଟି ଅଧ୍ୟକ୍ଷ ପଦ ମଧ୍ୟରୁ 7 ଟିରେ ଅପରବର୍ତ୍ତିତ ରହିଛି। ଜଣେ କେବଳ କର୍ପୋରେସନ ଏଷ୍ଟାବିଲ୍ସମେଣ୍ଟ ଷ୍ଟାଣ୍ଡିଂ କମିଟର ଅଧ୍ୟକ୍ଷ ପରିବର୍ତ୍ତନ କରାଯାଇ ନୂଆ କରର୍ପୋରେଟଙ୍କୁ ଦିଆଯାଇଛି। ସେ ହେଉଛନ୍ତି 24 ନମ୍ବର ୱାର୍ଡର କରର୍ପୋରେଟର ଦୀପକ କୁମାର ମିଶ୍ର। ସେହିପରି ଶିକ୍ଷା ଓ ରିକ୍ରିଏସନ କମିଟର ଅଧ୍ୟକ୍ଷ ଭାବେ ବିଜେପିର ରାମଚନ୍ଦ୍ର ରଣସିଂହ ବିଜେଡିର ମୋନାଲିସା ବେହେରାଙ୍କୁ ହରାଇ ଦେଇଥିଲେ।
ଏହି କମିଟର ବିଜେଡି ତରଫରୁ 2 ନମ୍ବର ୱାର୍ଡର କର୍ପୋରେଟର ମୋନାଲିସା ବେହେରା ପ୍ରାର୍ଥୀ ପତ୍ର ଦାଖଲ କରିଥିଲେ। ହେଲେ ବିଜେପି ତରଫରୁ 50 ନମ୍ବର ୱାର୍ଡର ରାମଚନ୍ଦ୍ର ରଣସିଂହ ପ୍ରାର୍ଥୀ ପତ୍ର ଦାଖଲ କରିଥିଲେ। ଫଳରେ ସେହି ଅଧ୍ୟକ୍ଷ ପଦ ପାଇଁ ନିର୍ବାଚନ ହୋଇଥିଲା। ତେବେ ଜଣ ସ୍ବାଧୀନ ପ୍ରାର୍ଥୀ ବିଜେପିକୁ ଭୋଟ ଦେବା ଦ୍ବାରା ସେ ଜିତିଗଲେ। ତେବେ ଅନ୍ୟସବୁ ଅଧ୍ୟକ୍ଷପଦ ନିର୍ଦ୍ବନ୍ଦରରେ ନିର୍ବାଚିତ ହୋଇଛନ୍ତି।