ଭୁବନେଶ୍ଵର: ଏମ୍ସ ଭୁବନେଶ୍ୱରର ମାନସିକ ରୋଗ ବିଭାଗ ପକ୍ଷରୁ ଏକ ଅତ୍ୟାଧୁନିକ ନ୍ୟୁରୋ ମଡୁଲେସନ ସେବା କେନ୍ଦ୍ର ଆରମ୍ଭ କରାଯାଇଛି। ଏହି କେନ୍ଦ୍ରରେ ଅତ୍ୟାଧୁନିକ ନନ୍ଇନ୍ଭେସିଭ୍ ବ୍ରେନ ଷ୍ଟିମୁଲେସନ ଥେରାପି ମାଧ୍ୟମରେ ଗୁରୁତର ମାନସିକ ରୋଗୀଙ୍କ ଚିକିତ୍ସା କରାଯିବ। ଏମ୍ସ ଭୁବନେଶ୍ୱରର କାର୍ଯ୍ୟନିର୍ବାହୀ ନିର୍ଦ୍ଦେଶକ ଡକ୍ଟର ଆଶୁତୋଷ ବିଶ୍ୱାସ ଏହି ସେବା କେନ୍ଦ୍ରର ଉଦଘାଟନ କରିଛନ୍ତି। ଏହା ଓଡିଶା ଓ ପଡୋଶୀ ରାଜ୍ୟର ଲୋକମାନଙ୍କୁ ସର୍ବାଧୁନିକ ତଥା ପ୍ରଭାବଶାଳୀ ଚିକିତ୍ସା ଯୋଗାଇଦେବ। ଏହି କେନ୍ଦ୍ରରେ ନ୍ୟୁରୋ ମଡୁଲେସନ ପ୍ରଯୁକ୍ତି ରହିଛି ଯେଉଁଥିରେ କି ରିପିଟେଟିଭ୍ ଟ୍ରାନ୍ସକ୍ରାନିଏଲ ମ୍ୟାଗ୍ନେଟିକ ଷ୍ଟିମୁଲେସନ ୟୁନିଟ, ଅଲ୍ଟ୍ରା-ବ୍ରିଫ୍ ପଲ୍ସ ଇସିଟି ୟୁନିଟ କାର୍ଯ୍ୟକ୍ଷମ ହେବ ବୋଲି ଡକ୍ଟର ବିଶ୍ୱାସ କହିଛନ୍ତି।