ଭୁବନେଶ୍ବର: ଆଜି ଅର୍ଥମନ୍ତ୍ରୀ ତଥା ମୁଖ୍ୟମନ୍ତ୍ରୀ ମୋହନ ମାଝୀ ବିଧାନସଭାରେ ଓଡିଶା ବଜେଟ 2026 ଉପସ୍ଥାପନା କରିଛନ୍ତି। ଏଥର ସେ ୩ ଲକ୍ଷ ୧୦ ହଜାର କୋଟି ଟଙ୍କାର ବଜେଟ୍ ଉପସ୍ଥାପନ କରିଛନ୍ତି। ଏଥିରେ ସେ ପ୍ରାୟ 17ଟି ନୂଆ ଯୋଜନା ଘୋଷଣା କରିଥିବା ବେଳେ ମହିଳାମାନଙ୍କ ବିକାଶ କ୍ଷେତ୍ରରେ ବିଶେଷ ଧ୍ୟାନ ଦିଆଯାଇଛି। ସେହିପରି ଏଥର ବଜେଟରେ ଓଡିଆ ଭାଷା ସାହିତ୍ୟ ଓ ସଂସ୍କୃତି ବିଭାଗକୁ 615 କୋଟି ଟଙ୍କା ପ୍ରଦାନ କରାଯାଇଛି।
ତେବେ ଏହି ବଜେଟକୁ ନେଇ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଟାକ୍ଷ କରିଛନ୍ତି। ସେ ଆଜି ବିଧାନସଭାରେ ପୁରା ବଜେଟ ଶୁଣିବା ପରେ ବାହାରକୁ ଆସି ତାଙ୍କର ପ୍ରତିକ୍ରିୟା ପ୍ରଦାନ କରିଛନ୍ତି। ସେ କହିଛନ୍ତି ଯେ, ଏହି ବଜେଟକୁ ନେଇ ମୁଁ କଣ କହିବି କିଛି ଭାବି ପାରୁ ନାହିଁ। ଏହା ହେଉଛି Full Menu in Empty Kitchen । ଅର୍ଥାତ ବହୁ ନୂଆନୂଆ କଥା ବଜେଟରେ ରହିଛି ହେଲେ ପାଖରେ ପଇସା ନାହିଁ।