ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଦିଗପହଣ୍ଡି ଥାନା ଅନ୍ତର୍ଗତ ଘୋଡ଼ା ହାଡ଼ ରାସ୍ତାରେ ଦୁଇ ମୋଟରସାଇକେଲ ମୁହାଁମୁହିଁ ଧକ୍କା ହୋଇଥିବା ଜଣାପଡିଛି। ଯେଉଁଥିରେ ବୁଲେଟ୍ ଚାଳକ ତଥା ନିକଟସ୍ଥ ସିଦ୍ଧେଶ୍ୱର ଗ୍ରାମର ଗଣେଶ ରେଡି ପ୍ରାଣ ହରାଇଥିବା ବେଳେ ଆରୋହୀ ଚେରୁ ରେଡ଼ି, ସ୍କୁଟି ଚାଳକ ଓ ଆରୋହୀ ରାଜା ପ୍ରଧାନ ଓ ଆଦର୍ଶ ଦଳେଇ ଗୁରୁତର ଆହତ ହୋଇଛନ୍ତି। ଆହତମାନଙ୍କୁ ପ୍ରଥମେ ଦିଗପହଣ୍ଡି ଡାକ୍ତରଖାନା ଓ ପରେ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି।
ଗଣେଶ ଚେରୁ ନିଜ ଗ୍ରାମକୁ ଫେରୁଥିବା ବେଳେ ସ୍କୁଟି ଚାଳକ ଓ ଆରୋହୀ ଭୁଷୁଣ୍ଡା ଗ୍ରାମକୁ ଫେରୁଥିଲେ। ଖବର ପାଇ ଘଟଣାସ୍ଥଳରେ ପୋଲିସ ଉଭୟଙ୍କ ଗାଡ଼ି ଜବତ କରିବା ସହ ମୃତ ଗଣେଶଙ୍କୁ ବ୍ୟବଚ୍ଛେଦ ପାଇଁ ପଠାଇ ଏକ ମାମଲା ନଂ ୭୦/୨୬ ରୁଜ୍ଜୁ କରିଛି।