ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କୁଏତର ଯୁବରାଜ ଶେଖ୍ ସବାହ୍ ଅଲ୍-ଖାଲିଦ୍ ଅଲ୍-ହମାଦ୍ ଅଲ୍-ମୁବାରକ୍ ଅଲ୍-ସବାହଙ୍କ ସହ ଆଲୋଚନା କରି ଶୁଭେଚ୍ଛା ଜଣାଇବା ସହିତ ଆଞ୍ଚଳିକ ସୁରକ୍ଷା ବିକାଶର ସମୀକ୍ଷା କରିଥିଲେ।
ପ୍ରଧାନମନ୍ତ୍ରୀ କୁଏତର ଯୁବରାଜ ମହାମହିମ ଶେଖ୍ ସବାହ୍ ଅଲ୍-ଖାଲିଦ୍ ଅଲ୍-ହମାଦ୍ ଅଲ୍-ମୁବାରକ୍ ଅଲ୍-ସବାହଙ୍କ ସହ କଥା ହୋଇଥିଲେ ଏବଂ ଆଗାମୀ ଇଦ୍ ପର୍ବ ଅବସରରେ ଶୁଭେଚ୍ଛା ଜଣାଇଥିଲେ। ଆଲୋଚନା ସମୟରେ, ଶ୍ରୀ ମୋଦୀ ଏବଂ ଯୁବରାଜ ପଶ୍ଚିମ ଏସିଆର ପରିବର୍ତ୍ତିତ ପରିସ୍ଥିତି ଉପରେ ମତ ବିନିମୟ କରିଥିଲେ ଏବଂ ସାମ୍ପ୍ରତିକ ଘଟଣାକ୍ରମ ଉପରେ ଚିନ୍ତା ବ୍ୟକ୍ତ କରିଥିଲେ। ପ୍ରଧାନମନ୍ତ୍ରୀ କୁଏତର ସାର୍ବଭୌମତ୍ୱ ଏବଂ ଆଞ୍ଚଳିକ ଅଖଣ୍ଡତା ଉପରେ ଆକ୍ରମଣକୁ ଭାରତର ନିନ୍ଦାକୁ ଦୋହରାଇ ହର୍ମୁଜ୍ ଜଳମାର୍ଗ ମାଧ୍ୟମରେ ନିରାପଦ ଏବଂ ମୁକ୍ତ ନୌଚାଳନା ସୁନିଶ୍ଚିତ କରିବା ସର୍ବାଗ୍ରେ ପ୍ରାଥମିକତା ବୋଲି ଗୁରୁତ୍ୱାରୋପ କରିଥିଲେ। ଆଞ୍ଚଳିକ ଶାନ୍ତି ଏବଂ ସ୍ଥିରତା ପାଇଁ ନିରନ୍ତର କୂଟନୈତିକ ସମ୍ପର୍କ ଅପରିହାର୍ଯ୍ୟ ବୋଲି ଉଭୟ ନେତା ସହମତ ହୋଇଥିଲେ। କୁଏତରେ ଭାରତୀୟ ସମ୍ପ୍ରଦାୟର ସୁରକ୍ଷା ଏବଂ କଲ୍ୟାଣ ପାଇଁ ନିରନ୍ତର ସମର୍ଥନ ଲାଗି ପ୍ରଧାନମନ୍ତ୍ରୀ ମଧ୍ୟ ଯୁବରାଜଙ୍କୁ ଧନ୍ୟବାଦ ଜଣାଇଥିଲେ।
ପ୍ରଧାନମନ୍ତ୍ରୀ ‘ଏକ୍ସ ’ ରେ ଲେଖିଛନ୍ତି;
“କୁଏତର ଯୁବରାଜ ମହାମହିମ ଶେଖ ସବାହ ଅଲ-ଖାଲେଦ ଅଲ-ହମାଦ ଅଲ-ମୁବାରାକ ଅଲ-ସବାହଙ୍କ ସହ କଥା ହେଲି ଏବଂ ଆଗାମୀ ଇଦ୍ ପର୍ବ ପାଇଁ ଶୁଭେଚ୍ଛା ଜଣାଇଲି।
ଆମେ ପଶ୍ଚିମ ଏସିଆର ବର୍ତ୍ତମାନର ପରିସ୍ଥିତି ଉପରେ ମତ ବିନିମୟ କରିଥିଲୁ ଏବଂ ସାମ୍ପ୍ରତିକ ଘଟଣାକ୍ରମ ଉପରେ ଚିନ୍ତା ବିନିମୟ କରିଥିଲୁ। କୁଏତର ସାର୍ବଭୌମତ୍ୱ ଏବଂ ଆଞ୍ଚଳିକ ଅଖଣ୍ଡତା ଉପରେ ଆକ୍ରମଣକୁ ଭାରତର ନିନ୍ଦାକୁ ଦୋହରାଇଲି। ହରମୁଜ୍ ଜଳମାର୍ଗ ମାଧ୍ୟମରେ ନିରାପଦ ଏବଂ ମୁକ୍ତ ନୌଚାଳନା ସୁନିଶ୍ଚିତ କରିବା ଆମର ପ୍ରମୁଖ ପ୍ରାଥମିକତା।
ଆଞ୍ଚଳିକ ଶାନ୍ତି ଏବଂ ସ୍ଥିରତା ପାଇଁ ନିରନ୍ତର କୂଟନୈତିକ ସମ୍ପର୍କ ଅପରିହାର୍ଯ୍ୟ ବୋଲି ଆମେ ସହମତ ହୋଇଛୁ।
କୁଏତରେ ଭାରତୀୟ ସମ୍ପ୍ରଦାୟର ସୁରକ୍ଷା ଏବଂ କଲ୍ୟାଣ ପାଇଁ ନିରନ୍ତର ସମର୍ଥନ ସକାଶେ ମୁଁ ତାଙ୍କୁ ଧନ୍ୟବାଦ ଜଣାଉଛି।’’