ନୂଆଦିଲ୍ଲୀ : କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା ଅଧୀନରେ ଏପର୍ଯ୍ୟନ୍ତ ଚାଷୀମାନଙ୍କୁ ମୋଟ ୨୨ଟି କିସ୍ତି ପ୍ରଦାନ କରାଯାଇଛି। ଏହି ଯୋଜନା ଅଧୀନରେ, ଯୋଗ୍ୟ ଚାଷୀମାନଙ୍କୁ ବାର୍ଷିକ ୬୦୦୦ ତ ଙ୍କ ପ୍ରଦାନ କରାଯାଏ। ଚାଷୀମାନେ ଏବେ ୨୩ ତମ କିସ୍ତି ପାଇଁ ନଜର ରଖିଛନ୍ତି, କିନ୍ତୁ ସରକାର ଏହି ନିୟମରେ କିଛି ପରିବର୍ତ୍ତନ କରିଛନ୍ତି।
୨୩ତମ କିସ୍ତି ପାଇଁ, ସରକାର ଚାଷୀ ପଞ୍ଜିକରଣ ତଥା ଚାଷୀ ପରିଚୟପତ୍ରକୁ ବାଧ୍ୟତାମୂଳକ କରିଛନ୍ତି। ଏହାର ଅର୍ଥ ହେଉଛି ଯେଉଁ ଚାଷୀମାନଙ୍କ ପାଖରେ ଏହି ପରିଚୟପତ୍ର ନାହିଁ ସେମାନେ ସେମାନଙ୍କର ୨୩ତମ କିସ୍ତି ପାଇବାରେ ବିଳମ୍ବର ସମ୍ମୁଖୀନ ହୋଇପାରନ୍ତି । ଚାଷୀ ପରିଚୟପତ୍ର ବିନା, ଚାଷୀମାନେ ଆଉ ଏହି ଯୋଜନାର ଲାଭ ପାଇପାରିବେ ନାହିଁ । ଏହି ପଦକ୍ଷେପ ଅନେକ ରାଜ୍ୟର ଚାଷୀଙ୍କ ପାଇଁ ବାଧ୍ୟତାମୂଳକ କରାଯାଇଛି । ଏହି ପରିଚୟପତ୍ର ମାଧ୍ୟମରେ, ଟଙ୍କା ସିଧାସଳଖ ଯୋଗ୍ୟ ଚାଷୀଙ୍କ ବ୍ୟାଙ୍କ ଆକାଉଣ୍ଟରେ ପହଞ୍ଚିବ।
କେଉଁ ରାଜ୍ୟର ଚାଷୀଙ୍କ ପାଇଁ ପରିଚୟପତ୍ର ବାଧ୍ୟତାମୂଳକ?
ଛତିଶଗଡ଼, ଗୁଜୁରାଟ, କର୍ଣ୍ଣାଟକ, କେରଳ, ମଧ୍ୟପ୍ରଦେଶ, ମହାରାଷ୍ଟ୍ର, ଓଡିଶା, ରାଜସ୍ଥାନ, ତାମିଲନାଡୁ, ତେଲେଙ୍ଗାନା, ଉତ୍ତରପ୍ରଦେଶ, ଆନ୍ଧ୍ରପ୍ରଦେଶ, ଆସାମ
କିଷାନ ପରିଚୟପତ୍ର କିପରି ପାଇବେ ତାହା ଜାଣନ୍ତୁ?
ଅନଲାଇନ୍ କୃଷି ପୋର୍ଟାଲ୍ ରେ ଚାଷୀମାନେ ସେମାନଙ୍କର ପରିଚୟପତ୍ର ପାଇପାରିବେ । ସେହିପରି ସେମାନେ ଉଝଉ କେନ୍ଦ୍ର ଏବଂ ସ୍ୱତନ୍ତ୍ର ଶିବିରରେ ମଧ୍ୟ ଏନେଇ ଆବେଦନ କରିପାରିବେ।
ପ୍ରଧାନମନ୍ତ୍ରୀ କିଷାନର ୨୩ତମ କିସ୍ତି କେବେ ଆସିବ?
ପ୍ରଧାନମନ୍ତ୍ରୀ କିଷାନ ଯୋଜନା ଅଧୀନରେ ପ୍ରତିବର୍ଷ ତିନୋଟି କିସ୍ତି ଜାରି କରାଯାଏ। ସାଧାରଣତଃ, ପ୍ରତ୍ୟେକ କିସ୍ତି ଚାରି ମାସର ବ୍ୟବଧାନରେ ଜାରି କରାଯାଏ। ଶେଷ କିସ୍ତି ୨୦୨୬ ମାର୍ଚ୍ଚରେ ଜାରି କରାଯାଇଥିଲା । ତେଣୁ, ୨୩ତମ କିସ୍ତି ୨୦୨୬ ଜୁନ୍ କିମ୍ବା ଜୁଲାଇରେ ଜାରି ହେବାର ସମ୍ଭାବନା ଅଛି। କିଷାନ ପରିଚୟପତ୍ର ପାଇବା ବର୍ତ୍ତମାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ଯାହା ଦ୍ୱାରା ଆପଣଙ୍କର ୨୩ତମ କିସ୍ତି ସିଧାସଳଖ ଆପଣଙ୍କ ବ୍ୟାଙ୍କ ଆକାଉଣ୍ଟରେ ବିନା କୌଣସି ଅସୁବିଧାରେ ଜମା ହୋଇପାରିବ।
ଭୁବନେଶ୍ୱରରେ ୨୩ତମ ପିଏମ୍-କିଷାନ୍ କିସ୍ତି ହସ୍ତାନ୍ତରର ଲାଇଭ୍ ୱେବକାଷ୍ଟ୍