ଆସିଛି ବୁଥ ବାହୁଡା ମତ । ଏହାସହ କିଏ କେଉଁଠି ଅଧିକ ସିଟ ପାଉଛି । ଆଉ କିଏ ବହୁ ମତରେ ସରକାର ଗଢୁଛି ତାକୁ ନେଇ ବିଭିନ୍ନ ସଂସ୍ଥା ନିଜର ସର୍ଭେ ରିପୋର୍ଟ ପ୍ରଦାନ କରିଛନ୍ତି । ତେବେ ବୁଥ ବାହୁଡା ମତ ସହ ପଶ୍ଚିମବଙ୍ଗକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି । ବୁଥ ବାହୁଡା ମତ ଅନୁସାରେ ଏଥର ଟିଏମସିକୁ ଝଟକା ଲାଗିପାରେ । ଏହି କ୍ରମରେ ବିଜେପି ୧୫୦ରୁ ୧୭୫ ଆସନ ଜିତିବା ନେଇ ଆକଳନ କରାଯାଇଥିବାବେଳେ ଟିଏମସି ୧୧୮ ରୁ ୧୩୮ ଆସନ ଜିତବା ନେଇ ଆକଳନ କରାଯାଇଛି ।
ପୋଲ ଡାଏରୀ ଅନୁଯାୟୀ, ଟିଏମସିକୁ ୯୯-୧୨୭ ଆସନ, ବିଜେପିକୁ ୧୪୨-୧୭୧, କଂଗ୍ରେସକୁ ୩ ରୁ ୫ ଏବଂ ଅନ୍ୟାନ୍ୟଙ୍କୁ ୫ ରୁ ୯ ଆସନ ମିଳିବ ବୋଲି ଆଶା କରାଯାଉଛି।
ପ୍ରଜା ପୋଲ ସର୍ଭେ ବିଜେପି ପାଇଁ ଏକ ଦୃଢ଼ ବିଜୟର ପୂର୍ବାନୁମାନ କରିଛି। ଟିଏମସି 85 ରୁ 110 ଆସନ, ବିଜେପି 178 ରୁ 208 ଆସନ ଏବଂ ଅନ୍ୟାନ୍ୟ 0 ରୁ 5 ଆସନ ଜିତିବେ ବୋଲି ଆକଳନ କରାଯାଇଛି।
ବଙ୍ଗଳା ପାଇଁ MATRIZE ଏକଜିଟ୍ ପୋଲ ଆଧାରରେ TMC 125-140 ଆସନ ଜିତିପାରେ ଓ BJP 146-161 ଆସନ ଜିତିପାରେ ଅନ୍ୟମାନେ 6-10 ଆସନ ଜିତିବେ ବୋଲି ଆକଳନ କରାଯାଇଛି ।