ଢେଙ୍କାନାଳ: ଢେଙ୍କାନାଳ ଜିଲ୍ଲା ଭାପୁର ଥାନା ଅଞ୍ଚଳରେ ଚାଞ୍ଚଲ୍ୟ । ଢେଙ୍କାନାଳରେ ମହିଳାଙ୍କୁ ଦୁଷ୍କର୍ମ ପରେ ମୁହଁକୁ ହାଣି ପକାଇଲେ । ପୀଡ଼ିତାକୁ ଉଦ୍ଧାର କରି ଟ୍ରଲି ଯୋଗେ ଡାକ୍ତରଖାନାକୁ ନେଲେ ଲୋକେ । ଗୁରୁତର ଅବସ୍ଥାରେ ପୀଡ଼ିତା କଟକକୁ ସ୍ଥାନାନ୍ତର କରାଯାଇଛି । ମିଳିଥିବା ସୂଚନା ଅନୁସାରେ ପୀଡ଼ିତା ଜଣଙ୍କ ନଇରେ ଗାଧୁଆ ଥିବାବଳେ ଦୁବୃର୍ତ୍ତ ବୁଦାକୁ ଟାଣି ନେଇ ଦୁଷ୍କର୍ମ କରିଥିଲା। ଏହାପରେ ପୀଡ଼ିତାଙ୍କ ମୁହଁକୁ ହାଣି ପକାଇଥିଲା ।
ତେବେ ଏଠି ପ୍ରଶ୍ନ ଉଠୁଛି ଯେ ପୀଡ଼ିତାଙ୍କୁ କାହିଁକି ଏମ୍ବୁଲେନ୍ସରେ ଡାକ୍ତରଖାନା ନିଆଗଲାନି ? ଦୁବୃର୍ତ୍ତ ଜଣକ ପୂର୍ବରୁ ଏମିତି ବହୁବାର କରିଥିବା ସତ୍ତ୍ୱେ ଅପରାଧୀ ଜଣକ ବାହାରେ ବୁଲୁଥିବା ପୋଲିସର କାର୍ଯ୍ୟ ପ୍ରତି ଅଙ୍ଗୁଳି ନିର୍ଦ୍ଦେଶ କରୁଛି ।
ରାଜ୍ୟ ସରକାର ହୁଅନ୍ତୁ ଅଥବା କେନ୍ଦ୍ର ସରକାର ମହିଳା ସଂରକ୍ଷଣ ବିଲ ଆଣିବାକୁ ତତ୍ପର ଥିବାବେଳେ ଏପରି ଘଟଣା ମହିଳାଙ୍କ ସୁରକ୍ଷା ପ୍ରତି ପ୍ରଶ୍ନ ଉଠାଉଛି । ସମ୍ପ୍ରତି ରାଜ୍ୟରେ ଅପରାଧର ମାତ୍ରା ବଢି ଚାଲିଥିବାବେଳେ ଏଥିରେ ଲଗାମ ଲାଗିବାର ସମୟ ଆସିଛି। ସରକାର ଏଇ ଦିଗ ପ୍ରତି ଯଥେଷ୍ଟ ଦୃଷ୍ଟି ଦେଇ କଡା କାର୍ଯ୍ୟାନୁଷ୍ଠାନ କରିବାର ଆବଶ୍ୟକତା ହୋଇପଡିଛି ।