ରଣପୁର: ରଣପୁର ସମ୍ବାଦ ସାହିତ୍ୟ ଘର ପକ୍ଷରୁ “ସ୍କୁଲ ଚାଲ ଅଭିଯାନ” କାର୍ଯ୍ୟକ୍ରମକୁ ସଫଳ ଭାବେ ପାଳନ କରିବା ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଅସ୍ଥାୟୀ ସଭାପତି ତଥା ଆଇନୀଜୀବୀ ସୁବାଷ ଚନ୍ଦ୍ର ଜେନାଙ୍କ ସଭାପତିତ୍ୱରେ ସାହିତ୍ୟ ଘରର ଏହି କାର୍ଯ୍ୟକ୍ରମ ପରିଚାଳିତ ହୋଇଥିଲା।
ବୈଠକରେ ସମ୍ପାଦକ ତଥା ଶିକ୍ଷାବିତ ଅଶୋକ କୁମାର ଦାଶ, କୋଷାଧକ୍ଷ ଶୁଭେନ୍ଦ୍ର କୁମାର ସିଂଦେଓ ଓ ଉପଦେଷ୍ଟା ସତ୍ୟ ରଞ୍ଜନ ମତ୍ତା ପ୍ରମୁଖ “ସ୍କୁଲ ଚାଲ ଅଭିଯାନ”ର ରୂପରେଖା, ଉଦ୍ଦେଶ୍ୟ ଓ ସଚେତନତା କାର୍ଯ୍ୟକ୍ରମ ବିଷୟରେ ବିସ୍ତୃତ ଆଲୋଚନା କରିଥିଲେ। ଗ୍ରାମାଞ୍ଚଳରେ ଶିକ୍ଷାର ପ୍ରସାର ସହ ସ୍କୁଲଛାଡ଼ା ଶିଶୁଙ୍କୁ ପୁନର୍ବାର ବିଦ୍ୟାଳୟମୁଖୀ କରିବା ଓ ଅଭିଭାବକଙ୍କ ମଧ୍ୟରେ ଶିକ୍ଷା ସଚେତନତା ବୃଦ୍ଧି କରିବା ଉପରେ ବିଶେଷ ଗୁରୁତ୍ୱ ଦିଆଯାଇଥିଲା। କୁନି କୁନି ଛାତ୍ରଛାତ୍ରୀଙ୍କୁ ମଧ୍ୟ ଆଗାମୀ ଦିନରେ ସମ୍ବାଦ ସାହିତ୍ୟ ଘରର ପରିବାରରେ ସାମିଲ କରିବା ପାଇଁ ନିଷ୍ପତି ନିଆଯାଇଥିଲା। ସମ୍ବାଦ ପ୍ରତିନିଧି ବିଶ୍ୱରଂଜନ ଆଚାର୍ଯ୍ୟ କାର୍ଯ୍ୟକ୍ରମର ସଂଯୋଜନା କରିଥିଲେ।
ଅନ୍ୟମାନଙ୍କ ମଧ୍ୟରେ ବିଶିଷ୍ଟ ଶିକ୍ଷାବିତ ବିରୁପାକ୍ଷ ମହାପାତ୍ର, ଚିତ୍ତରଞ୍ଜନ ଦାଶ, ବିଦେଶିନୀ ପତି, ଶିକ୍ଷକ ଅଜୟ କୁମାର ସାହୁ, ସୁଶୀଲ କୁମାର ରଣା, ବିଭୂତି ଜେନା ଓ ଆଇନୀଜୀବୀ ଉମେଶ ସାହୁ ପ୍ରମୁଖ ଉପସ୍ଥିତ ଥିଲେ।
ସମସ୍ତଙ୍କ ମିଳିତ ପ୍ରୟାସରେ “ସ୍କୁଲ ଚାଲ ଅଭିଯାନ”କୁ ସଫଳ କରି ଅଞ୍ଚଳରେ ଶିକ୍ଷାର ମାନ ଉନ୍ନତ କରିବାକୁ ବକ୍ତାମାନେ ଆହ୍ୱାନ ଦେଇଥିଲେ।