ନୂଆଦିଲ୍ଲୀ: ରାଷ୍ଟ୍ରୀୟ ସ୍ୱୟଂସେବକ ସଂଘ (RSS)କୁ ନେଇ କର୍ଣ୍ଣାଟକ ସରକାରଙ୍କ ମନ୍ତ୍ରୀ ପ୍ରିୟାଙ୍କ ଖଡଗେ ଉଠାଇଥିବା ପ୍ରଶ୍ନ ପରେ ରାଜନୈତିକ ଉତ୍ତେଜନା ବୃଦ୍ଧି ପାଇଛି। RSSର ଆଇନଗତ ସ୍ଥିତି ଏବଂ ସ୍ୱଚ୍ଛତା ସମ୍ପର୍କରେ ଚିଠି ପରେ ବରିଷ୍ଠ ଓକିଲ ମହେଶ ଜେଠମଲାନି ସୋସିଆଲ ମିଡିଆ ପ୍ଲାଟଫର୍ମ X ରେ ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ। ଜବାବରେ ପ୍ରିୟାଙ୍କ ଖଡଗେ ଜବାବ ଦେଇଥିଲେ ଯେ, ଜେଠମଲାନିଙ୍କୁ “ଉପଦେଶ” ଦେବା ପୂର୍ବରୁ ପ୍ରକୃତ ପ୍ରଶ୍ନର ଉତ୍ତର ଦେବାକୁ ପରାମର୍ଶ ଦେଇଥିଲେ।
RSSକୁ ପ୍ରଶ୍ନ କରୁଥିବା ଚିଠି ଉପରେ ଜେଠମଲାନିଙ୍କ ଆକ୍ରମଣ
ମହେଶ ଜେଠମଲାନି X ରେ ଏକ ଲମ୍ବା ପୋଷ୍ଟ ସେୟାର କରି କହିଛନ୍ତି ଯେ, ପ୍ରିୟାଙ୍କ ଖଡଗେଙ୍କ ଚିଠି ଏକ ସାମ୍ବିଧାନିକ ତଦନ୍ତ ନୁହେଁ ବରଂ “ରାଜନୈତିକ ଉତ୍ତେଜନା ପାଇଁ ଜାଣିଶୁଣି ପ୍ରୟାସ” ଥିଲା। ସେ କହିଛନ୍ତି ଯେ, RSS ଗତ ୧୦୦ ବର୍ଷ ଧରି ଖୋଲାଖୋଲି ଭାବରେ ଦେଶ ସେବା କରିଆସୁଛି, ଏବଂ ସମ୍ବିଧାନର ଧାରା ୧୯(୧)(ସି) ନାଗରିକମାନଙ୍କୁ ସଂଗଠନ ଗଠନ କରିବାର ସ୍ୱାଧୀନତାର ଗ୍ୟାରେଣ୍ଟି ଦିଏ। କେବଳ ରାଜନୈତିକ ଇଚ୍ଛାଶକ୍ତି ଉପରେ ଆଧାର କରି କୌଣସି ସ୍ୱେଚ୍ଛାସେବୀ ସଂଗଠନ ପାଇଁ ପଞ୍ଜିକରଣ ବାଧ୍ୟତାମୂଳକ କରାଯାଇପାରିବ ନାହିଁ।
ମହେଶ ଜେଠମାଲାନି ତାଙ୍କ ପୋଷ୍ଟରେ ଲେଖିଛନ୍ତି ଯେ, ମନ୍ତ୍ରୀ ପଦରେ ବସିବା ଅର୍ଥ ନୁହେଁ ଯେ, ସେ ଯେକୌଣସି ସଂଗଠନକୁ ତାଙ୍କ ଇଚ୍ଛା ଅନୁଯାୟୀ କାର୍ଯ୍ୟ କରିବାକୁ ନିର୍ଦ୍ଦେଶ ଦେବେ। ମହେଶ କହିଛନ୍ତି ଯେ, ଆଇନ ସର୍ବୋପରି ଏବଂ ଯେଉଁ ଆଇନ ବାଧ୍ୟତାମୂଳକ ନୁହେଁ, ସେହି ଆଇନ ପାଳନ କରିବାକୁ RSSକୁ ବାଧ୍ୟ କରାଯାଇପାରିବ ନାହିଁ।