ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗୋପାଳପୁର ଥାନା ଅନ୍ତର୍ଗତ ଗଉଞ୍ଜୁ ଗ୍ରାମରେ ସୁନୀଲ ନାମକ ଜଣେ ଯୁବକଙ୍କ ଫାଉଡ଼ା ମାଡରେ ସତ୍ୟ ଦାସ ନାମକ ଜଣେ ବୃଦ୍ଧ ବ୍ୟକ୍ତିଙ୍କ ମୃତ୍ୟୁ ଘଟିଥିବା ଜଣାପଡିଛି। ପୁରୀ ଜିଲ୍ଲାରୁ ଆସି ଗଉଞ୍ଜୁ ଗ୍ରାମରେ ସତ୍ୟ ଦାସଙ୍କ ପଡୋଶୀ ଘରେ ରହୁଥିବା ସୁନୀଲ ଜଣେ ମଦ୍ୟପ ଯୁବକ ଓ ଗତ କିଛି ମାସ ପୁର୍ବେ ସତ୍ୟଙ୍କ ଝିଅ ଗୁରୁତର ଅସୁସ୍ଥ ହେତୁ ରକ୍ତର ଆବଶ୍ୟକ ପଡ଼ିଥିଲା। ଏହି ଭଳି ପରିସ୍ଥିତିରେ ସୁନୀଲ ରକ୍ତ ଦାନ କରି କିଛି ଅର୍ଥ ଦାବି କରିଥିଲା। କିନ୍ତୁ ମୃତ ସତ୍ୟ ଅର୍ଥ ଦେବାରେ ହେଳା ଯୋଗୁଁ ସୁନୀଲ ମଦ୍ୟପାନ କରି ଉତ୍ୟକ୍ତ ଅବସ୍ଥାରେ ଏକ ଫାଉଡ଼ା ଧରି ସତ୍ୟଙ୍କୁ ମାରଣାନ୍ତକ ଆକ୍ରମଣ କରି ଘଟଣାସ୍ଥଳରୁ ଚମ୍ପଟ୍ ମାରିବା ପାଇଁ ଚେଷ୍ଟା କରୁଥିବା ବେଳେ ଗ୍ରାମବାସୀ ତାଙ୍କୁ କାବୁ କରି ପୋଲିସକୁ ହସ୍ତାନ୍ତର କରିଥିଲେ।
ଅନ୍ୟପକ୍ଷରେ ରକ୍ତ ଜୁଡୁବୁଡୁ ଅବସ୍ଥାରେ ସତ୍ୟଙ୍କୁ ଗାଁ ଲୋକେ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରିଥିଲେ। କିନ୍ତୁ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ଡାକ୍ତରଖାନାରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଆରମ୍ଭ କରିଛି।