OBCC Tender: ରାଜ୍ୟ ସରକାରଙ୍କ ଏକ ଡ୍ରିମ ପ୍ରୋଜେକ୍ଟ ହେଉଛି ଗୋଦାବରୀଶ ମିଶ୍ର ଆଦର୍ଶ ପ୍ରାଥମିକ ବିଦ୍ୟାଳୟ ଯୋଜନା। ଏହି ଯୋଜନା ଅନୁସାରେ ସାରା ରାଜ୍ୟରେ ପ୍ରଥମ ପର୍ଯ୍ୟାୟରେ ୨୨୦୦ଟି ସ୍କୁଲ ନିର୍ମାଣ କରାଯିବ। ଏସବୁ ସ୍କୁଲ ପାଇଁ ଜିଲ୍ଲାପାଳ ଜମି ଚିହ୍ନଟ କରି ଶିଘ୍ର ଜଣାଇବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି। ତେବେ ଜିଲ୍ଲାର ଯେଉଁ ଯେଉଁ ସ୍ଥାନରେ ଜମି ଚିହ୍ନଟ ସରିଛି ସେଠାରେ କାମ ପାଇଁ ଟେଣ୍ଡର ପକ୍ରିୟା ଆରମ୍ଭ ହୋଇଛି। ଏହି ଟେଣ୍ଡର ଓବିସିସି ବା ଓଡିଶା ସେତୁ ନିର୍ମାଣ ନିଗମ ଆହ୍ବାନ କରିଛି।
ଟେଣ୍ଡର ଅନୁସାରେ ଖୋର୍ଦ୍ଧା ଜିଲ୍ଲାରେ ପାଞ୍ଚ ସ୍ଥାନରେ ଏହି ଆଦର୍ଶ ବିଦ୍ୟାଳୟ ନିର୍ମାଣ ପାଇଁ ଏ କ୍ଲାସ କଣ୍ଟ୍ରାକ୍ଟରଙ୍କୁ ଆହ୍ବାନ କରାଯାଇଛି। ଖୋର୍ଦ୍ଧା ଜିଲ୍ଲାର ଯେଉଁ ସ୍ଥାନଗୁଡିକରେ ପ୍ରଥମ ପର୍ଯ୍ୟାୟରେ କାମ ଆରମ୍ଭ ହେବ ସେଗୁଡିକ ହେଲା ଭୁବନେଶ୍ବର ତମାଣ୍ଡୋ ନିଟକସ୍ଥ ନାରଗୋଦା, କାଇପଦର, ଗୋଳବାଇ, ଟାଙ୍ଗୀ ବଡପାରି ଏବଂ ବାଣପୁର। ଏହି ପାଞ୍ଚଟି ମଧ୍ୟରୁ କେବଳ ବାଣପୁରଟି ମଡେଲ-2 ହୋଇଥିବା ବେଳେ ଅନ୍ୟ ଚାରିଟି ମଡେଲ-1 ରହିଛି। ଚଳିତ ମାସ 30 ତାରିଖ ଟେଣ୍ଡର ପକାଇବାର ଶେଷ ତାରିଖ ରଖାଯାଇଛି।