ନୟାଗଡ (ସୁଧିର କୁମାର ଦାସ): ନୟାଗଡ ଜିଲ୍ଲା ମାଳିସାହି ପଞ୍ଚାୟତ ଅନ୍ତର୍ଗତ ଗୁଡୁପାଙ୍ଗି ଗ୍ରାମରେ ଓଡିଶା ପାନୀୟ ଜଳ ଯୋଜନା ଅଧିନରେ ପ୍ରତ୍ୟେକ ଘର ଆଗରେ ପାଣି ଟ୍ୟାପ ସଂଯୋଗ କରାଯାଇଥିଲେ ମଧ୍ୟ ବର୍ତ୍ତମାନ ସେଗୁଡିକ ଅଚଳ ଓ ଭଗ୍ନ ଅବସ୍ଥାରେ ପଡ଼ିରହିଛି। ଫଳରେ ଗ୍ରାମବାସୀମାନେ ବାଧ୍ୟ ହୋଇ ନଳକୂପ ପାଣି ଉପରେ ନିର୍ଭର
କରୁଛନ୍ତି।
ସୂଚନା ଅନୁଯାୟୀ ଗ୍ରାମାଞ୍ଚଳରେ ବିଶୁଦ୍ଧ ପାନୀୟ ଜଳ ଯୋଗାଇବା ଉଦ୍ଧେଶ୍ୟରେ ଏହି ପ୍ରକଳ୍ପ ଅଧୀନରେ ପ୍ରତ୍ୟେକ ଘରକୁ ପାଣି ସଂଯୋଗ କରାଯାଇଥିଲା। କିନ୍ତୁ ପ୍ରକଳ୍ପଟି କାର୍ଯ୍ୟକାରୀ ନ ହେବାରୁ ଟ୍ୟାପ ଗୁଡ଼ିକ ବ୍ୟବହାର ଉପଯୋଗୀ ହୋଇ ପାରିନାହିଁ।
ଅନେକ ଜାଗାରେ ଟ୍ୟାପ ଭାଙ୍ଗି ଯାଇଥିବା ବା ଅଚଳ ଅବହେଳିତ ଅବସ୍ଥାରେ ପଡିରହିଥିବାର ଦେଖିବାକୁ ମିଳୁଛି। ଗ୍ରାମବାସୀ କହିବା ଅନୁଯାଇ ଏହି ସମସ୍ୟା ସମ୍ପର୍କରେ ବାରମ୍ବାର ପ୍ରଶାସନଙ୍କ ଦୃଷ୍ଟି ଆକର୍ଷଣ କରାଯାଇ ଥିଲେ ମଧ୍ୟ
କୌଣସି ସ୍ଥାୟୀ ସମାଧାନ ହୋଇନାହିଁ? ସମ୍ପୃକ୍ତ ବିଭାଗ ଅଧିକାରୀ ବା ଜଳ ପ୍ରତିନିଧି ଅଧିକାରୀମାନେ ମଧ୍ୟ ସ୍ଥଳ
ପରିଦର୍ଶନ କରି ପ୍ରକଳ୍ପ ସମସ୍ୟା କରିନଥିବା ଅଭିଯୋଗ କରିଛନ୍ତି। ଗ୍ରାମବାସୀମାନେ ଶୀଘ୍ର ଅଚଳ ଜଳଯୋଗାଣ ବ୍ୟବସ୍ଥା ମରାମତି କରି ପ୍ରକଳ୍ପକୁ କାର୍ଯ୍ୟ କରିବା ପାଇଁ ସମ୍ପୃକ୍ତ ବିଭାଗ ନିକଟରେ ଦାବି କରିଛନ୍ତି।