ଓଡିଶା ବିଧାନସଭାର ଗୃହ କମିଟି ହିମାଚଳ ପ୍ରଦେଶ ଗସ୍ତରେ ଯାଇଛନ୍ତି । ଇ ବିଧାନ ପ୍ରକଳ୍ପ କାର୍ଯ୍ୟାନ୍ବୟନ ସମ୍ପର୍କରେ ଅଧ୍ୟୟନ ନିମନ୍ତେ ଯାଇଥିବା ଏହି ଦଳ ହିମାଚଳ ବାଚସ୍ପତି ରାଜୀବ ଜିନ୍ଦଲଙ୍କୁ ଭେଟିଥିଲେ । ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ନେତୃତ୍ବରେ ଯାଇଥିବା ଏହି ଦଳ ବିଧାନସଭା କମ୍ପ୍ୟୁଟରୀକରଣ ସମ୍ପର୍କରେ ସମସ୍ତ ଜ୍ଞାନ ଆହରଣ କରିଥିଲେ । ଉଭୟ ବାଚସ୍ପତିଙ୍କ ମଧ୍ୟରେ ଆଲୋଚନା ପରେ ସଦସ୍ୟ ମାନେ ବିଧାନସଭାର ବିଭିନ୍ନ ଶାଖା ପରିଦର୍ଶନ କରିବା ସହିତ ଏହି ପ୍ରକଳ୍ପ ଉପରେ ଆଲୋଚନା କରିଥିଲେ । ହିମାଚଳ ପ୍ରଦେଶ ବିଧାନସଭା ଅଧିବେଶନ ଚାଲିଥିବା ସମୟରେ ବିବରଣୀର ପ୍ରତ୍ୟକ୍ଷ ଅନୁଭୂତି ଲାଭ କରିଥିଲେ । ବିବରଣୀ ବ୍ୟତିରେକ ପ୍ରଶ୍ନୋତ୍ତର, ବିଲ୍, ଆଇନ୍, ପ୍ରସ୍ତାବ କିଭଳି ଅନ୍ଲାଇନ୍ କରାଯାଉଛି ସେ ସମ୍ପର୍କରେ ଜ୍ଞାନ ଆହରଣ କରିଥିଲେ ଗୃହ କମିଟି । ବାଚସ୍ପତିଙ୍କ ସହ ଆଲୋଚନା ପୂର୍ବରୁ ହିମାଚଳ ମୁଖ୍ୟମନ୍ତ୍ରୀ ଜୟରାମ ଠାକୁର ମଧ୍ୟାହ୍ନ ଭୋଜନର ଆଲୋଚନା କରିଥିଲେ । ପ୍ରଦୀପ୍ତ କୁମାର ନାୟକ, ବିକ୍ରମ କେଶରୀ ଆରୁଖ, ତୁଷାରକାନ୍ତି ବେହେରା, ପ୍ରମିଳା ମଲ୍ଲିକ, ତାରା ପ୍ରସାଦ ବାହିନୀପତି, ସୁବାସ ଚନ୍ଦ୍ର ପାଣିଗ୍ରାହୀ, ଦାଶରଥି ଶତପଥୀ, ପୂର୍ଣ୍ଣଚନ୍ଦ୍ର ଦଳାଇ, ଆଶିଷ ରଞ୍ଜନ ଖୁଣ୍ଟିଆ, ଦିଲ୍ଲୀପ ମହାନ୍ତି ପ୍ରମୁ୍ଖ ଏହି କମିଟିରେ ସାମିଲଥିଲେ ।
