ନୂଆଦିଲ୍ଲୀ: ତାମିଲନାଡୁ ମୁଖ୍ୟମନ୍ତ୍ରୀ ସି. ଜୋସେଫ ବିଜୟ ଆଜି ବିଧାନସଭାରେ ସୀମା ନିର୍ଦ୍ଧାରଣ ସମ୍ପର୍କିତ ଏକ ପ୍ରସ୍ତାବ ଆଗତ କରିଛନ୍ତି। ଏଥିରେ କେନ୍ଦ୍ର ସରକାରଙ୍କୁ ସ୍ଥାୟୀ ଭାବରେ ଲୋକସଭା ଆସନ ସଂଖ୍ୟା ୫୪୩ ବଜାୟ ରଖିବାକୁ ଅନୁରୋଧ କରାଯାଇଛି। ମୁଖ୍ୟମନ୍ତ୍ରୀ ବିଜୟ କହିଛନ୍ତି ଯେ, ମହିଳାଙ୍କ ପାଇଁ ୩୩ ପ୍ରତିଶତ ସଂରକ୍ଷଣ ଲାଗୁ କରିବାରେ ଆଉ ବିଳମ୍ବ ହେବା ଉଚିତ୍ ନୁହେଁ।
ସେ କହିଛନ୍ତି ଯେ, “ମହିଳା ସଂରକ୍ଷଣ ଏକ ରିହାତି ନୁହେଁ ବରଂ ଏକ ସାମ୍ବିଧାନିକ ଅଧିକାର। ମହିଳା ସଂରକ୍ଷଣ ବିଲ୍ କୁ ସୀମା ନିର୍ଦ୍ଧାରଣ ସହିତ ଯୋଡ଼ିବା ଦ୍ୱାରା ଏହାର କାର୍ଯ୍ୟକାରୀତାରେ ବିଳମ୍ବ ହେବ।”
ମୁଖ୍ୟମନ୍ତ୍ରୀ ବିଜୟ ୨୦୨୯ ରେ ଆଗାମୀ ଲୋକସଭା ନିର୍ବାଚନରେ ମହିଳାଙ୍କ ପାଇଁ ୩୩ ପ୍ରତିଶତ ସଂରକ୍ଷଣ କାର୍ଯ୍ୟକାରୀତାକୁ ସମର୍ଥନ କରି ତାଙ୍କ ପ୍ରସ୍ତାବରେ କହିଛନ୍ତି ଯେ, ପ୍ରସ୍ତାବିତ କୋଟା ଲୋକସଭା (ନିମ୍ନ ସଦନ) ରେ ବର୍ତ୍ତମାନର ୫୪୩ ଆସନ ଉପରେ ଆଧାରିତ ହେବା ଉଚିତ।
ବିଜୟ ତାଙ୍କ ପ୍ରସ୍ତାବରେ କହିଛନ୍ତି ଯେ, ଏହା କେନ୍ଦ୍ରର ଦାୟିତ୍ୱ ଯେ ଯେଉଁ ରାଜ୍ୟଗୁଡ଼ିକ ଜନସଂଖ୍ୟା ନିୟନ୍ତ୍ରଣ କାର୍ଯ୍ୟକ୍ରମ କାର୍ଯ୍ୟକାରୀ କରିଛନ୍ତି ସେମାନେ ସୀମା ନିର୍ଦ୍ଧାରଣ ପ୍ରସ୍ତାବ ଦ୍ୱାରା ପ୍ରତିକୂଳ ଭାବରେ ପ୍ରଭାବିତ ନ ହୁଅନ୍ତୁ।