Close Menu
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ମନୋରଂଜନ
  • ଅନ୍ତରାଷ୍ଟ୍ରୀୟ
  • ଜୀବନ ଶୈଳୀ
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use
Facebook X (Twitter) LinkedIn
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ଅନ୍ୟାନ୍ୟ
    • ମନୋରଂଜନ
    • ଅନ୍ତରାଷ୍ଟ୍ରୀୟ
    • ଜୀବନ ଶୈଳୀ
Eng
The Samikhsya OdiaThe Samikhsya Odia
Eng
Home»ଆଜିର ଖବର»ଶୋ’ରୁମ୍‌ରେ ଚୋରର ହାଇଡ୍ରାମା: କଫି ପିଇଲା, ନାଚିଲା, ବାଇକ୍‌ ନେଇ ମାରିଲା ଛୁ’
ଆଜିର ଖବର

ଶୋ’ରୁମ୍‌ରେ ଚୋରର ହାଇଡ୍ରାମା: କଫି ପିଇଲା, ନାଚିଲା, ବାଇକ୍‌ ନେଇ ମାରିଲା ଛୁ’

August 13, 2026No Comments2 Mins Read
Share Facebook Twitter LinkedIn Email WhatsApp Copy Link

ବାରାଣସୀ: ଚୋରି କରିବାକୁ ଆସିଥିଲା, କିନ୍ତୁ ଚୋରର କାରନାମା ଏବେ ଚର୍ଚ୍ଚାର ବିଷୟ। ଉତ୍ତରପ୍ରଦେଶର ବାରାଣସୀର ଏକ ପ୍ରସିଦ୍ଧ ବାଇକ୍‌ ଶୋ’ରୁମ୍‌ରେ ଜଣେ ଚୋର ପଶି ପ୍ରଥମେ କଫି ତିଆରି କରି ପିଇଥିଲା, ପରେ ବାଇକ୍‌ କଭରରେ ଲୁଙ୍ଗି ତିଆରି କରି ପିନ୍ଧି ନାଚିଥିଲା। ଏତିକିରେ ସରିନଥିଲା ତା’ର କାରନାମା। ଶୋ’ରୁମ୍‌ରେ ଗାଧୋଇବା ସହ ପୋଷାକ ଧୋଇ ଶୁଖାଇବା ପରେ ଶେଷରେ ମ୍ୟାନେଜରଙ୍କ ନୂଆ KTM Adventure ବାଇକ୍‌ ନେଇ ଫେରାର ହୋଇଥିଲା।

ଚୋରି ହୋଇଥିବା ବାଇକ୍‌ର ମୂଲ୍ୟ ପ୍ରାୟ ୪.୭୧ ଲକ୍ଷ ଟଙ୍କା। ଘଟଣାର ସମସ୍ତ ଦୃଶ୍ୟ ଶୋ’ରୁମ୍‌ରେ ଲାଗିଥିବା ସିସିଟିଭିରେ କଏଦ ହୋଇଛି। ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଘଟଣାଟି ଚର୍ଚ୍ଚାକୁ ଆସିଛି। ତେବେ ପୁଲିସ ଏବେ ଅଭିଯୁକ୍ତକୁ ଗିରଫ କରିବା ସହ ଚୋରି ହୋଇଥିବା ବାଇକ୍‌ ମଧ୍ୟ ଜବତ କରିଛି।

ସୂଚନା ଅନୁସାରେ, ମାଦୁଆଡିହ ଥାନା ଅଞ୍ଚଳରେ ଥିବା ଏହି ବାଇକ୍‌ ଶୋ’ରୁମ୍‌କୁ ସୋମବାର ରାତି ପ୍ରାୟ ୧୦ଟାରେ କର୍ମଚାରୀମାନେ ବନ୍ଦ କରି ଚାଲିଯାଇଥିଲେ। ପ୍ରାୟ ୧୧ଟା ୩୦ରେ ଜଣେ ଯୁବକ ଶୋ’ରୁମ୍‌ ନିକଟରେ ପହଞ୍ଚିଥିଲା। ସେ ଦେବୀଙ୍କ ଫଟୋ ଧରିଥିବା ବେଳେ ବର୍ଷା ଆରମ୍ଭ ହେବା ପରେ ଏକ ବ୍ୟାନର ଚିରି ନିଜକୁ ଘୋଡ଼ାଇ ଦେଇଥିଲା।

ପରେ କଟର ସାହାଯ୍ୟରେ ଶୋ’ରୁମ୍‌ର କାଚ ଦ୍ୱାର କାଟିବାକୁ ଲାଗିଥିଲା। ଅଧଘଣ୍ଟାରୁ ଅଧିକ ସମୟର ଚେଷ୍ଟା ପରେ କାଚ ଭାଙ୍ଗି ସେ ଶୋ’ରୁମ୍‌ ଭିତରକୁ ପଶିଥିଲା।

ଶୋ’ରୁମ୍‌ ଭିତରକୁ ପଶିବା ପରେ ଚୋରର ଅଜବ କାରନାମା ଆରମ୍ଭ ହୋଇଥିଲା। ସେ ନିଜ ପାଇଁ କଫି ତିଆରି କରି ପିଇଥିଲା। ଏହାପରେ ନିଜ ପୋଷାକ ଧୋଇ ଶୁଖାଇବା ସହ ଶୋ’ରୁମ୍‌ରେ ଗାଧୋଇଥିଲା। ଏପରିକି ବାଇକ୍‌ କଭରକୁ ଲୁଙ୍ଗି ଭଳି ବ୍ୟବହାର କରି ନାଚିଥିବା ଦୃଶ୍ୟ ମଧ୍ୟ ସିସିଟିଭିରେ କଏଦ ହୋଇଛି।

ଯିବା ପୂର୍ବରୁ ସେ ଶୋ’ରୁମ୍‌ର ବ୍ରାଣ୍ଡେଡ୍‌ ଟି-ସାର୍ଟ ଓ କ୍ୟାପ୍‌ ପିନ୍ଧିଥିଲା। ପରେ ଭୋର ପ୍ରାୟ ୪ଟା ସମୟରେ ମ୍ୟାନେଜରଙ୍କ ନୂଆ KTM Adventure ବାଇକ୍‌ ନେଇ ଶୋ’ରୁମ୍‌ରୁ ଚମ୍ପଟ ମାରିଥିଲା।

ସକାଳେ ଶୋ’ରୁମ୍‌ର ଗାର୍ଡ ଭଙ୍ଗା କାଚ ଦେଖି ମ୍ୟାନେଜରଙ୍କୁ ଖବର ଦେଇଥିଲେ। ଏହାପରେ ପୁଲିସକୁ ସୂଚନା ଦିଆଯାଇଥିଲା। ସିସିଟିଭି ଫୁଟେଜ୍‌ ଯାଞ୍ଚ କରିବା ପରେ ପୁଲିସ ଅଭିଯୁକ୍ତର ଗତିବିଧି ସମ୍ପର୍କରେ ସୁରାକ୍‌ ପାଇଥିଲା। ଘଟଣାସ୍ଥଳରୁ ମିଳିଥିବା ଆଙ୍ଗୁଠି ଛାପ ମଧ୍ୟ ତଦନ୍ତରେ ସହାୟକ ହୋଇଥିଲା।

ବାରାଣସୀ ପୁଲିସ ଅଭିଯୁକ୍ତକୁ ଗିରଫ କରିବା ସହ ତା’ ବିରୋଧରେ ମାମଲା ରୁଜୁ କରିଛି। ଚୋରି ହୋଇଥିବା KTM Adventure ବାଇକ୍‌ ମଧ୍ୟ ଜବତ କରାଯାଇଛି। ଅଭିଯୁକ୍ତକୁ ପଚରାଉଚରା କରି ଚୋରି ପଛରେ ତା’ର ଉଦ୍ଦେଶ୍ୟ ଓ ଅନ୍ୟ କୌଣସି ବ୍ୟକ୍ତିର ସମ୍ପୃକ୍ତି ରହିଛି କି ନାହିଁ, ସେନେଇ ତଦନ୍ତ ଚାଲିଛି।

ତେବେ ଚୋରିଠାରୁ ଅଧିକ ଏବେ ଚର୍ଚ୍ଚାରେ ରହିଛି ଅଭିଯୁକ୍ତର ଅଜବ କାରନାମା। କଫି ପିଇବାଠାରୁ ଆରମ୍ଭ କରି କଭରରେ ଲୁଙ୍ଗି ପିନ୍ଧି ନାଚିବା ପର୍ଯ୍ୟନ୍ତ ସମସ୍ତ ଦୃଶ୍ୟ ସିସିଟିଭିରେ କଏଦ ହୋଇଥିବାରୁ ଭିଡିଓଟି ସୋସିଆଲ ମିଡିଆରେ ମଧ୍ୟ ବେଶ୍‌ ଚର୍ଚ୍ଚା ସୃଷ୍ଟି କରିଛି।

KTM Adventure Robbery Case
Share. Facebook Twitter LinkedIn Email WhatsApp Copy Link

Related Posts

Cyclone Akvan Landfall: ସ୍ଥଳଭାଗ ଛୁଇଁବା ପରେ ଦୁର୍ବଳ ହେଲା ବାତ୍ୟା ଅକଭାନ, ଟଳିଲା ବଡ କ୍ଷୟକ୍ଷତି

November 20, 2026

ମୁଖ୍ୟମନ୍ତ୍ରୀ ଯୋଗୀଙ୍କ ମାତା ସାବିତ୍ରୀ ଦେବୀଙ୍କର ୯୧ ବର୍ଷ ବୟସରେ ପରଲୋକ

November 20, 2026

ପ୍ରଥମ ଟେଷ୍ଟରେ ସ୍ଥିତି ମଜବୁତ କଲା ଭାରତ: ଜାଣନ୍ତୁ ଦ୍ୱିତୀୟ ଦିନର ବିବରଣୀ

November 20, 2026

‘KGF 2’ ର ରେକର୍ଡ ଭାଙ୍ଗି ଭାରତର ଚତୁର୍ଥ ସବୁଠାରୁ ବଡ଼ ଫିଲ୍ମ ହେଲା ‘ରାମାୟଣ’

November 20, 2026
Latest News

Cyclone Akvan Landfall: ସ୍ଥଳଭାଗ ଛୁଇଁବା ପରେ ଦୁର୍ବଳ ହେଲା ବାତ୍ୟା ଅକଭାନ, ଟଳିଲା ବଡ କ୍ଷୟକ୍ଷତି

November 20, 2026

ମୁଖ୍ୟମନ୍ତ୍ରୀ ଯୋଗୀଙ୍କ ମାତା ସାବିତ୍ରୀ ଦେବୀଙ୍କର ୯୧ ବର୍ଷ ବୟସରେ ପରଲୋକ

November 20, 2026

ପ୍ରଥମ ଟେଷ୍ଟରେ ସ୍ଥିତି ମଜବୁତ କଲା ଭାରତ: ଜାଣନ୍ତୁ ଦ୍ୱିତୀୟ ଦିନର ବିବରଣୀ

November 20, 2026

ବିଶ୍ୱ ଶାନ୍ତି ଦିଗରେ ଐତିହାସିକ ପଦକ୍ଷେପ: ଟ୍ରମ୍ପ, ଜିନପିଙ୍ଗ ଓ ପୁଟିନଙ୍କ ମିଳିତ ଘୋଷଣାପତ୍ର ଜାରି

November 20, 2026

‘KGF 2’ ର ରେକର୍ଡ ଭାଙ୍ଗି ଭାରତର ଚତୁର୍ଥ ସବୁଠାରୁ ବଡ଼ ଫିଲ୍ମ ହେଲା ‘ରାମାୟଣ’

November 20, 2026
Load More
The Samikhsya Odia
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use

Chief Editor: Sarat Paikray

© 2018-2026 All rights resorved by S M Network | Designed by Ratna Technology.

Type above and press Enter to search. Press Esc to cancel.