ଭାରତୀୟ ବ୍ୟାଡମିଣ୍ଟନ୍ ଷ୍ଟାର ପି ଭି ସିନ୍ଧୁ ବିଡବ୍ଲ୍ୟୁଏଫ୍ ବ୍ୟାଡମିଣ୍ଟନ୍ ବିଶ୍ବ ଚାମ୍ପିୟନ୍ସିପ୍ ଫାଇନାଲ୍ରେ ପ୍ରବେଶ କରିଛନ୍ତି । ସେମିଫାଇନାଲ୍ରେ ଚୀନ୍ର ୟୁଫେଇ ଚେନ୍ଙ୍କୁ ପରାସ୍ତ କରି କ୍ରମାଗତ ତୃତୀୟ ଥର ପାଇଁ ଫାଇନାଲ୍ରେ ପ୍ରବେଶ କରିଛନ୍ତି ସିନ୍ଧୁ । ଶନିବାରର ଏହି ବିଜୟ ସହିତ ଚେନ୍ଙ୍କ ବିପକ୍ଷରେ ନିଜର ବିଜୟ ସଂଖ୍ୟା 8-5ରେ ପହଞ୍ଚାଇଛନ୍ତି ସିନ୍ଧୁ । ଶନିବାର ସିନ୍ଧୁ 21-7 ଏବଂ 21-14ର ସିଧାସଳଖ ସେଟ୍ରେ ଚେନ୍ଙ୍କୁ ପରାସ୍ତ କରିଥିଲେ । ପୂର୍ବ ଦୁଇ ସଂସ୍କରଣରେ ରୌପ୍ୟ ପଦକ ବିଜୟିନୀ ସିନ୍ଧୁ ଚଳିତ ଥର ଫାଇନାଲ୍ରେ ନୋଜୋମି ଓକୁହାରା ଏବଂ ରାଟ୍ଚାନୋକ୍ ଇଣ୍ଟାନୋନ୍ଙ୍କ ବିଜେତାଙ୍କୁ ଭେଟିବେ । ପ୍ରଥମ ସେଟ୍ଟି ସମ୍ପୂର୍ଣ୍ଣ ଏକ ପାଖିଆ ରହିଥିବା ବେଳେ ଦ୍ବିତୀୟ ସେଟ୍ଟିରେ ସିନ୍ଧୁ ଏକ ପାଖିଆ ବିଜୟୀ ହୋଇଥିବା ବେଳେ ଦ୍ବିତୀୟ ସେଟ୍ଟି କଡା ସଙ୍ଘର୍ଷପୂର୍ଣ୍ଣ ରହିଥିଲା । ଏହି ଟୁର୍ଣ୍ଣାମେଣ୍ଟରେ ସିନ୍ଧୁ ଦୁଇଟି ବ୍ରୋଞ୍ଜ ଏବଂ ଦୁଇଟି ରୌପ୍ୟ ପଦକ ହାସଲ କରିଛନ୍ତି ।
