ସମୀକ୍ଷା ବ୍ୟୁରୋ
କଟକ,22/12 : ଭାରତ ଏବଂ ଓ୍ବିଣ୍ଡିଜ୍ ମଧ୍ୟରେ ଅନୁଷ୍ଠିତ ଦିନିକିଆ ଶୃଙ୍ଖଳାର ନିର୍ଣ୍ଣାୟକ ମ୍ୟାଚ୍ରେ ଭାରତ ଦୃଢ ସ୍ଥିତିରେ ରହିଛି । 316 ରନ୍ର ବିଜୟ ଲକ୍ଷ୍ୟର ପିଛା କରୁଥିବା ଭାରତୀୟ ଦଳ ପକ୍ଷରୁ ଦୁଇ ଓପ୍ନର ଦୃଢତାର ସହ ଇନିଂସ ଆରମ୍ଭ କରିଛନ୍ତି । ଦୁଇ ଓପ୍ନର କେ ଏଲ୍ ରାହୁଲ୍ ଏବଂ ରୋହିତ ଶର୍ମା ବ୍ୟକ୍ତିଗତ ଅର୍ଦ୍ଧଶତକ ହାସଲ କରିବା ସହିତ ଶତକୀୟ ଭାଗିଦାରୀ କରିଛନ୍ତି । ଗତ ମ୍ୟାଚ୍ରେ ଶତକ ହାସଲକାରୀ ଦୁଇ ଓପ୍ନର ବାରବାଟୀରେ ଅର୍ଦ୍ଧଶତକ ହାସଲ କରିବା ସହିତ ଭଲ ମୂଳଦୂଆ ପକାଇଛନ୍ତି । 18 ଓଭର ଶେଷ ସୁଦ୍ଧା ଭାରତ 103 ରନ୍ ସଂଗ୍ରହ କରିଛି । ରାହୁଲ 53ଟି ବଲ୍ର ସମ୍ମୁଖୀନ ହୋଇ 7 ଚୌକା ସହାୟତାରେ 50 ରନ୍ କରିଥିବା ବେଳେ ରୋହିତ 52 ଟି ବଲ୍ର ସମ୍ମୁଖୀନ ହୋଇ 6ଟି ଚୌକା ଏବଂ ଗୋଟିଏ ଛକ୍କା ମାରିଛନ୍ତି ।
