ସୀତାରାମ ଅଗ୍ରଓ୍ବାଲ
ବାଲୁଗାଁ: ଚିଲିକାରେ ପୁଣି ଡଙ୍ଗା ବୁଡି ଅଘଟଣର ସୂଚନା ମିଳିଛି। ଚିଲିକାରେ ଡଙ୍ଗା ବୁଡି ଛଅ ଜଣ ଗୁରୁତର ହୋଇଥିବାବେଳେ ଅନେକ ଆହତ ହୋଇଛନ୍ତି। କାଲିଜାଇର ପିକ୍ନିକ୍ ସାରି ଫେରୁଥିବାବେଳେ ଏହି ଅଘଟଣ ଘଟିଛି। ଚିଲିକା ମଝିରେ ଡଙ୍ଗା ବୁଡିଯିବାରୁ ଛଅ ଜଣ ଗୁରୁତର ହୋଇଛନ୍ତି। ତେବେ ପଛରେ ଆସୁଥିବା ଡଙ୍ଗା ଏହି ଉଦ୍ଧାର କାର୍ଯ୍ୟରେ ଲାଗିଛି। ବୁଡିଥିବା ଡଙ୍ଗାରେ ପ୍ରାୟ ୧୫ରୁ ୧୭ ଜଣ ଲୋକ ରହିଥିବାର ସୂଚନା ରହିଛି। ସମସ୍ତ ଯାତ୍ରୀଙ୍କୁ ଉଦ୍ଧାର କରାଯାଇ ଗୁରୁତରଥିବା ଯାତ୍ରୀଙ୍କୁ ବାଲୁଗାଁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଛି।
ସୁବୁଦ୍ଧିପାଟଣା, ବଡକୁଳ ଏବଂ ଚନ୍ଦ୍ରାପୁଟ ଅଞ୍ଚଳର କିଛି ଲୋକ ତିନୋଟି ଡଙ୍ଗା ସାହାଯ୍ୟରେ ବଣଭୋଜି କରିବାକୁ କାଳିଜାଇ ଯାଇଥିବାବେଳେ ପ୍ରଥମ ଦୁଇଟି ଡଙ୍ଗାର ଯାତ୍ରୀମାନେ ସୁରକ୍ଷିତ ଭାବେ ଫେରି ଆସିଥିବାବେଳେ ତୃତୀୟ ଡଙ୍ଗାରେ ଅଧିକ ଯାତ୍ରୀ ରହିଯାଇଥିଲେ। ଅଧିକ ଯାତ୍ରୀ ରହିଥିବାରୁ ଚିଲିକା ମଝିରେ ଡଙ୍ଗାଟି ଭାରସାମ୍ୟ ହରାଇ ବୁଡି ଯାଇଥିବାର ସୂଚନା ରହିଛି।
