ସମୀକ୍ଷା ବ୍ୟୁରୋ
କୋଣାର୍କ: କୋଣାର୍କର ଦର୍ଶନ ନାୟକ ଚଳିତଥର ଆରଡିସି ୨୦୨୦ରେ ଯୋଗଦାନ କରି ନିଜ ସ୍କୁଲ ତଥା ଅଞ୍ଚଳ ପାଇଁ ଗୌରବ ଅର୍ଜନ କରିଛନ୍ତି। କୋଣାର୍କର ଏସ୍ଏସ୍ଡି ସରକାରୀ ଉଚ୍ଚ ବିଦ୍ୟାଳୟର ନବମ ଶ୍ରେଣୀର ଛାତ୍ର ହେଉଛନ୍ତି ଦର୍ଶନ ନାୟକ। ଚଳିତ ୭୧ତମ ସାଧାରଣତନ୍ତ୍ର ଦିବସ ପ୍ୟାରେଡ୍ରେ ଯୋଗଦାନ କରିବା ସହିତ ପ୍ରଧାନମନ୍ତ୍ରୀ, ନୌସେନା ମୁଖ୍ୟ, ବାୟୁସେନା ମୁଖ୍ୟ ଓ ସ୍ଥଳସେନା ମୁଖ୍ୟଙ୍କ ସହିତ ସାକ୍ଷାତ ମଧ୍ୟ କରିଛନ୍ତି। ରାଉଳ ପାଟଣା ୬ ନଂ ଓ୍ବାର୍ଡରେ ରହୁଥିବା ପବିତ୍ର ନାୟକ ଓ ଡଲି ନାୟକଙ୍କ ଜ୍ୟେଷ୍ଠ ସନ୍ତାନ ହେଉଛନ୍ତି ଦର୍ଶନ। ତାଙ୍କର ଆଉ ଜଣେ ସାନ ଭାଇ ମଧ୍ୟ ରହିଛନ୍ତି। ତାଙ୍କର ଏହି ସଫଳତା ପାଇଁ ସେ ତାଙ୍କ ଏନ୍ସିସି ସାର୍ ପ୍ରଦୀପ କୁମାର ପଣ୍ଡାଙ୍କୁ ଶ୍ରେୟ ଦେଇଛନ୍ତି। ସାର୍ଙ୍କ ତତ୍ତ୍ବାବଧାନରେ ସେ ଏପରି କୃତିତ୍ବ ଅର୍ଜନ କରିପାରିଥିବାର ପ୍ରକାଶ କରିଛନ୍ତି।
Tags:
