ରମେଶ ମହାନ୍ତି
ଜଗତସିଂହପୁର : ସୈନ୍ୟ ବିଭାଗରେ ଭର୍ତ୍ତି ନିମନ୍ତେ ଆସନ୍ତା ଏପ୍ରିଲ୦୫-୨୦୨୦ରୁ ଏପ୍ରିଲ ୧୬-୨୦୨୦ରିଖ ପର୍ଯ୍ୟନ୍ତ ପାରାଦ୍ୱୀପର ଗୋପବନ୍ଧୁ ଷ୍ଟାଡିୟମ୍ଠାରେ ନିଯୁକ୍ତି ରାଲି ଅନୁଷ୍ଠିତ ହେବ ବୋଲି ନିଯୁକ୍ତି ନିର୍ଦ୍ଦେଶକ, ସୈନ୍ୟ ବିଭାଗ, ନିଯୁକ୍ତି କାର୍ଯ୍ୟାଳୟ, କଟକ ସୂଚନା ଦେଇଛନ୍ତି। ଏହି ନିଯୁକ୍ତି ରାଲିରେ କଟକ, କେନ୍ଦ୍ରାଚଂଳ ଜିଲ୍ଲାର ଇଛୁକ ପ୍ରାର୍ଥୀମାନେ ଆବେଦନ କରିପାରିବେ। ଇଛୁକ ପ୍ରାର୍ଥୀମାନେ ଫେବୃୟାରୀ୦୮ ତାରିଖରୁ ମାର୍ଚ୍ଚ ୨୩,୨୦୨୦ ମଧ୍ୟରେ ଓ୍ବେବ୍ସାଇଟ୍ www.joinindianarmy.nic.in ମାଧ୍ୟମରେ ନାମ ପଂଜିକରଣ କରିପାରିବେ। ଭାରତୀୟ ସୈନ୍ୟ ବାହିନୀରେ ନିଯୁକ୍ତି ନିମନ୍ତେ ସିଧାସଳଖ ନିଯୁକ୍ତି ପ୍ରଦାନ କରାଯାଏ। କୌଣସି ଦଲାଲ୍ କିମ୍ବା ଅସାମାଜିକ ବ୍ୟକ୍ତିଙ୍କଠାରୁ ସାବଧାନ ରହିବାକୁ ନିର୍ଦ୍ଦେଶକ, ସୈନ୍ୟବାହିନୀ ନିଯୁକ୍ତି କାର୍ଯ୍ୟାଳୟ ଜଣାଇଛନ୍ତି। କେନ୍ଦ୍ରାଚଂଳ ରାଜସ୍ୱ ଜିଲ୍ଲାର ଇଛୁକ ପ୍ରାର୍ଥୀମାନେ ସୋଲଜର କ୍ଲର୍କ, ଷ୍ଟୋରକିପର ଟେକ୍ନିକାଲ, ଇନ୍ଭେଣ୍ଟ୍ରିମ୍ୟାନେଜ୍ମେଣ୍ଟ, ନର୍ସିଂ ଆସିଷ୍ଟାଣ୍ଟ ଭେଟେନାରୀ, ସୋଲ୍ଜର ଟ୍ରେଡସ୍ମ୍ୟାନ,ସୋଲଜର ଜେନେରାଲ ଡ୍ୟୁଟି ବିଭାଗରେ ନିଯୁକ୍ତି ନିମନ୍ତେ ଆବେଦନ କରିପାରିବେ। ନିଯୁକ୍ତି ପଦ୍ଧତି ସଂପୂର୍ଣ୍ଣ ସ୍ୱଛ, କୌଣସି ମଧ୍ୟସ୍ଥିଙ୍କର ଭୂମିକା କିମ୍ବା ପ୍ରଭାବ ନାହିଁ। ନିଯୁକ୍ତି ପ୍ରକ୍ରିୟା ସମ୍ପୂର୍ଣ୍ଣ ସ୍ୱୟଂ ଚାଳିତ। ଶାରିରୀକ, ଲିଖିତ ଓ ମେଡିକାଲ ପରୀକ୍ଷାରେ କୌଣସି ବ୍ୟକ୍ତି ସାହାଯ୍ୟ କରିପାରିବେ ନାହିଁ। ଦଲାଲଙ୍କ ପ୍ରତି ସାବଧାନତା ଅବଲମ୍ବନ କରିବା, କେବଳ କଠିନ ପରିଶ୍ରମ ମାଧ୍ୟମରେ ସଫଳତା ମିଳି ପାରିବ। ଜଗତସିଂହପୁର ଜିଲ୍ଲାର ଇଛୁକ ପ୍ରାର୍ଥୀମାନେ ବହୁ ସଂଖ୍ୟାରେ ପରାରାଦ୍ୱୀପର ଗୋପବନ୍ଧୁ ଷ୍ଟାଡିୟମ୍ ଠାରେ ନିଯୁକ୍ତି ରାଲିରେ ଭାଗନେବାକୁ ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି।
