ନୂଆଦିଲ୍ଲୀ : କରୋନା ଭାଇରସ୍ ସହ ମୁକାବିଲା କରିବା ପାଇଁ ଦେଶରେ ଲକ୍ ଡାଉନ୍ ଜାରି କରାଯାଇଛି । ସ୍କୁଲ ବନ୍ଦ ରହିଛି । ପିଲାମାନେ ସ୍କୁଲକୁ ଯାଉନଥିବାବେଳେ ସ୍କୁଲ ତରଫରୁ ସ୍କୁଲ ଫିସ୍ ପାଇଁ ଚାପ ପଡୁଛି । ସେହିପରି ଲକ୍ ଡାଉନ୍ ଯୋଗୁଁ କିଛି ଘରୋଇ ସ୍କୁଲର ଶିକ୍ଷକଙ୍କୁ ଦରମା ମଧ୍ୟ ମିଳୁନାହିଁ । ଏହି ସମସ୍ତ ଅସୁବିଧାକୁ ଲକ୍ଷ୍ୟ ରଖି ଦିଲ୍ଲୀ ସରକାର ସ୍କୁଲ ପି’, ଫ୍ରାଇଭେଟ୍ ସ୍କୁଲ, ଅନ୍ଲାଇନ୍ ଫି’, ସ୍କୁଲ କର୍ମଚାରୀଙ୍କ ଦରମାଙ୍କୁ ନେଇ ନିର୍ଦ୍ଦେଶ ଜାରି କରିଛନ୍ତି ।
ଦିଲ୍ଲୀ ସରକାର ପ୍ରାଇଭେଟ୍ ସ୍କୁଲ ଗୁଡିକୁ ସ୍କୁଲ ଫି’ ବଢାଇ ପାରିବେ ନାହିଁ ବୋଲି ନିର୍ଦ୍ଦେଶ ଦିଆଯାଇଛି ।
ଦିଲ୍ଲୀର ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ କହିଛନ୍ତି ଯେ, ସରକାର ନିଷ୍ପତ୍ତି ନେଇଛନ୍ତି ଯେ, କୌଣସି ଘରୋଇ ବିଦ୍ୟାଳୟ (ଯଦି ଏହା ସରକାରୀ ଜମି ଉପରେ ନିର୍ମିତ ହେଉଥାଉ କିମ୍ବା ବେସରକାରୀ ଜମିରେ) ସ୍କୁଲ ଫି’ରେ ବଢାଇପାରିବେ ନାହିଁ । ସରକାରଙ୍କ ବିନା ଅନୁମତିରେ ସ୍କୁଲ ଦରମା ବଢାଯାଇପାରିବ ନାହିଁ ବୋଲି ସୂଚନା ଦେଇଛନ୍ତି ।
ସେହିପରି ଘରୋଇ ବିଦ୍ୟାଳୟଗୁଡିକ ନିଜର ସମସ୍ତ ଶିକ୍ଷକ, ଅଣ ଶିକ୍ଷକ, କଣ୍ଟ୍ରାକ୍ଟ ତଥା ଅନ୍ୟାନ୍ୟ କର୍ମଚାରୀଙ୍କୁ ଦରମା ଠିକ୍ ସମୟରେ ଦେବେ । କରୋନା ସଂକଟ ସମୟରେ ନିଜ ଦାୟିତ୍ବକୁ ବୁଝିବେ ।
ଦିଲ୍ଲୀ ର ଘରୋଇ ସ୍କୁଲ ପିଲାମାନଙ୍କଠୁ ଏକା ସାଙ୍ଗରେ ତିନି ମାସର ଫି’ ନେଇପାରିବେ ନାହିଁ ।
ଘରୋଇ ବିଦ୍ୟାଳୟଗୁଡିକ କେବଳ ଏକ ମାସର ଟ୍ୟୁସନ୍ ଫି’ ନେଇ ପାରିବେ, ଏହା ବ୍ୟତୀତ ଅନ୍ୟ କୌଣସି ପ୍ରକାରର ଫି’ ଆଦାୟ କରିବେ ନାହିଁ ।
ଯଦି କେହି ଛାତ୍ର ଟ୍ୟୁସନ୍ ଫି’ ଦେଇପାରିନାହିଁ, ସେହି ପରିସ୍ଥିତିରେ ତାକୁ ଅନ୍ଲାଇନ୍ କ୍ଲାସ୍ରୁ ବାହାର କରାଯାଇପାରିବ ନାହିଁ ।
ସ୍କୁଲ ବନ୍ଦ ରହିଛି । ଏଥିପାଇଁ ଘରୋଇ ବିଦ୍ୟାଳୟଗୁଡିକ ପରିବହନ ଶୁଳ୍କ ଆଦାୟ କରିପାରିବେ ନାହିଁ । ଯଦି ଏପରି କିଛି କରନ୍ତି ତେବେ କଡା କାର୍ଯ୍ୟାନୁଷ୍ଠାନ ନିଆଯିବ ।