ଭୁବନେଶ୍ବର : ପଶ୍ଚିମବଙ୍ଗରୁ ଆମ୍ପାନ ମୁକାବିଲା ପରେ ଫେରିଥିବା ଜଣେ ଏନ୍ଡିଆରଏଫ୍ ଯବାନ କରୋନା ଆକ୍ରାନ୍ତ ହେବା ପରେ ଅନ୍ୟ 389 ଜଣଙ୍କୁ କ୍ବାରେଣ୍ଟିନ୍ରେ ରହିବାକୁ ନିର୍ଦ୍ଦେଶ ଦିଆଯାଇଛି । ସାମୁଦ୍ରିକ ବାତ୍ୟା ଆମ୍ପାନରେ ପଶ୍ଚିମବଙ୍ଗରେ ବ୍ୟାପକ କ୍ଷତି ଘଟିବା ପରେ ଓଡିଶାରୁ 500 ଜଣ ଓଡ୍ରାଫ୍ ଏବଂ ଅଗ୍ନିଶମ କର୍ମୀଙ୍କ ସହିତ 10ଟି ଏନ୍ଡିଆରଏଫ୍ ଟିମ୍ ପଠାଯାଇଥିଲା । ସଫେଇ ଏବଂ ଉଦ୍ଧାର କାର୍ଯ୍ୟ ଶେଷ କରି ଏହି ଟିମ୍ ଫେରିବା ପରେ ଜଣେ ଏନ୍ଡିଆରଏଫ୍ ଯବାନ କରୋନା ପଜିଟିଭ୍ ସାବ୍ୟସ୍ତ ହୋଇଥିଲେ । ଯବାନ ଜଣକ ପଜିଟିଭ୍ ସାବ୍ୟସ୍ତ ହେବା ପରେ ଅନ୍ୟ 389 ଜଣଙ୍କୁ 14 ଦିନିଆ ହୋମ୍ କ୍ବାରେଣ୍ଟିନ୍ରେ ରହିବାକୁ ନିର୍ଦ୍ଦେଶ ଦିଆଯାଇଥିବା ନେଇ ସହାକାରୀ ମୁଖ୍ୟ ଶାସନ ସଚିବ ପ୍ରଦୀପ ଜେନା ସୂଚନା ଦେଇଛନ୍ତି ।
