Tag: ndrf

Categories
ଆଜିର ଖବର ଜାତୀୟ ଖବର

ଜୋଶୀମଠ ପାଇଁ 1658.17 କୋଟି ର ପୁନରୁଦ୍ଧାର ଏବଂ ପୁନଃନିର୍ମାଣ ଯୋଜନାକୁ ଅନୁମୋଦନ

ନୂଆଦିଲ୍ଲୀ: କେନ୍ଦ୍ର ସ୍ୱରାଷ୍ଟ୍ର ଓ ସମବାୟ ମନ୍ତ୍ରୀ ଅମିତ ଶାହାଙ୍କ ଅଧ୍ୟକ୍ଷତାରେ ଏକ ଉଚ୍ଚ ସ୍ତରୀୟ କମିଟି ଜୋଶୀମଠ ପାଇଁ 1658.17 କୋଟି ଟଙ୍କାର ପୁନରୁଦ୍ଧାର ଏବଂ ପୁନଃନିର୍ମାଣ (ଆର ଆଣ୍ଡ ଆର) ଯୋଜନାକୁ ଅନୁମୋଦନ କରିଛି । ଏହି ଯୋଜନା ଅଧୀନରେ ଜାତୀୟ ବିପର୍ଯ୍ୟୟ ମୁକାବିଲା ପ।ଣ୍ଠି (NDRF)ର ପୁନରୁଦ୍ଧାର ଏବଂ ପୁନଃନିର୍ମାଣ ୱିଣ୍ଡୋରୁ 1079.96 କୋଟି ଟଙ୍କା କେନ୍ଦ୍ରୀୟ ସହାୟତା ପ୍ରଦାନ କରାଯିବ । ରାଜ୍ୟ ସରକାରଙ୍କ ସହାୟତା ପାଇଁ ରାଜ୍ୟ ବିପର୍ଯ୍ୟୟ ମୁକାବିଲା ପ।ଣ୍ଠି (SDRF)ରୁ 126.41 କୋଟି ଟଙ୍କା ଏବଂ ରାଜ୍ୟ ବଜେଟରୁ 451.80 କୋଟି ଟଙ୍କା ପ୍ରଦାନ କରାଯିବ, ଯେଉଁଥିରେ ପୁନଃଥଇଥାନ ପାଇଁ 91.82 କୋଟି ଟଙ୍କା ଜମି ଅଧିଗ୍ରହଣ ବାବଦ ଖର୍ଚ୍ଚ ମଧ୍ୟ ରହିଛି ।

ଉତ୍ତରାଖଣ୍ଡର ଜୋଶୀମଠ ଭୂସ୍ଖଳନ ଓ ମାଟି ଧସିବା ଯୋଗୁଁ ପ୍ରଭାବିତ ହୋଇଛି ଏବଂ କେନ୍ଦ୍ର ସରକ।ର, ରାଜ୍ୟ ସରକାରଙ୍କୁ ସମସ୍ତ ଆବଶ୍ୟକ ବୈଷୟିକ ଏବଂ ଲଜିଷ୍ଟିକ୍ ସହାୟତା ଯୋଗାଇ ଦେଇଛନ୍ତି। ପ୍ରଧ।ନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏବଂ ଏନଡିଏମଏର ମାର୍ଗଦର୍ଶନରେ ସମସ୍ତ ବୈଷୟିକ ସଂସ୍ଥା ତୁରନ୍ତ ପଦକ୍ଷେପ ନେଇ ଜୋଶୀମଠ ପୁନରୁଦ୍ଧାର ଯୋଜନା ପ୍ରସ୍ତୁତ କରିବାରେ ରାଜ୍ୟ ସରକାରଙ୍କୁ ସାହାଯ୍ୟ କରିଛନ୍ତି ।

ଜୋଶୀମଠ ପାଇଁ ପୁନରୁଦ୍ଧାର ଯୋଜନା ସର୍ବୋତ୍ତମ ଅଭ୍ୟାସ, ବିଲ୍ଡ ବ୍ୟାକ ବେଟର (ବିବିବି) ନୀତି ଏବଂ ନିରନ୍ତରତା ପଦକ୍ଷେପ ପାଳନ କରି ତିନି ବର୍ଷ ମଧ୍ୟରେ କାର୍ଯ୍ୟକାରୀ ହେବ । ଏହା ପରେ, ଜୋଶୀମଠ ପରିବେଶ ସ୍ଥିରତାର ଏକ ଉତ୍କୃଷ୍ଟ ଉଦାହରଣ ଭାବରେ ଉଭା ହେବ।

Categories
ଆଜିର ଖବର ଜାତୀୟ ଖବର

ଓଡିଶା ଆସିବେ ପ୍ରଧାନମନ୍ତ୍ରୀ ମୋଦୀ, ଅନୁଧ୍ୟାନ କରିବେ ଦୁର୍ଘଟଣା ସ୍ଥଳ, ଆହତମାନଙ୍କୁ ମଧ୍ୟ ଭେଟିବେ

ନୂଆଦିଲ୍ଲୀ: ବାଲେଶ୍ଵରରେ ଶୁକ୍ରବାର ସନ୍ଧ୍ୟାରେ ଘଟିଥିବା ଟ୍ରେନ ଦୁର୍ଘଟଣାରେ ପ୍ରଧାନମନ୍ତ୍ରୀ ମୋଦୀ ଆକ୍ସନ୍ ମୋଡକୁ ଆସିଛନ୍ତି। ଏପର୍ଯ୍ୟନ୍ତ ଉଦ୍ଧାର କାର୍ଯ୍ୟ ବିଷୟରେ ଜାଣିବା ପାଇଁ ସେ ଏକ ବୈଠକ ଡାକିଛନ୍ତି। ଏହି ବୈଠକ ପରେ ପ୍ରଧାନମନ୍ତ୍ରୀ ମୋଦୀ ଦୁର୍ଘଟଣା ସ୍ଥଳକୁ ଯାଇ ସେଠାରେ ସ୍ଥିତିର ଅନୁଧ୍ୟାନ କରିବେ ଏବଂ ଏହା ପରେ ସେ ଡାକ୍ତରଖାନାରେ ଆହତମାନଙ୍କୁ ମଧ୍ୟ ଭେଟିବେ।

ଖବର ଲେଖିବା ପର୍ଯ୍ୟନ୍ତ ଏହି ଘଟଣାରେ ୨୮୮ ଜଣଙ୍କର ମୃତ୍ୟୁ ହୋଇଥିବା ବେଳେ ୯୦୦ ରୁ ଅଧିକ ଲୋକ ଆହତ ହୋଇଥିବା କୁହାଯାଉଛି। ଦୁର୍ଘଟଣାସ୍ଥଳରେ ଏନଡିଆରଏଫ, ଭାରତୀୟ ସେନା, ଭାରତୀୟ ବାୟୁସେନା, ରାଜ୍ୟ ବିପର୍ଯ୍ୟୟ ପ୍ରଶମନ ବାହିନୀ, ଆର୍ମି ମେଡିକାଲ ଉଦ୍ଧାରକାରୀ ଦଳ ଉଦ୍ଧାର କାର୍ଯ୍ୟ କରୁଛନ୍ତି। କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଆଜି ସକାଳେ ଘଟଣାସ୍ଥଳ ପରିଦର୍ଶନ କରିଛନ୍ତି ଏବଂ ରେଳମନ୍ତ୍ରୀଙ୍କ ସହ ଏହି ଘଟଣାର ଉଚ୍ଚ ସ୍ତରୀୟ ନିରପେକ୍ଷ ତଦନ୍ତ ନିର୍ଦ୍ଦେଶ ଦେଇଛନ୍ତି।

NDRF ଡିଜି ଅତୁଲ କରୱାଲ କହିଛନ୍ତି ଯେ, ଦୁର୍ଘଟଣା ସ୍ଥଳରେ ୯ ଟି NDRF ଦଳ ମୁତୟନ ହୋଇଛନ୍ତି। ଘଟଣାର ଏକ ଘଣ୍ଟା ପରେ ଆମର ପ୍ରଥମ ଦଳ ସେଠାରେ ପହଞ୍ଚିଥିଲେ। ଉଦ୍ଧାର କାର୍ଯ୍ୟରେ ୩୦୦ ରୁ ଅଧିକ ଲୋକ ନିୟୋଜିତ ଅଛନ୍ତି ଏବଂ ଆମେ ଆଜି ସନ୍ଧ୍ୟା ସୁଦ୍ଧା ସେଠାରେ ଅପରେସନ୍ ସଂପୂର୍ଣ୍ଣ କରାଯାଇପାରେ।

ଟ୍ରେନ୍ ଦୁର୍ଘଟଣାରେ ଆହତମାନଙ୍କୁ ସାହାଯ୍ୟ କରିବା ପାଇଁ ଲୋକମାନେ ରକ୍ତଦାନ ପାଇଁ ଜିଲ୍ଲା ଡାକ୍ତରଖାନାରେ ପହଞ୍ଚିଛନ୍ତି। ରକ୍ତ ଦାନ କରିବାକୁ ଆସିଥିବା ଜଣେ ବ୍ୟକ୍ତି କହିଛନ୍ତି, “ଲୋକଙ୍କ ଅବସ୍ଥା ଅତ୍ୟନ୍ତ ଗୁରୁତର, ସେଠାରେ ଅନେକ ଲୋକ ଅଛନ୍ତି ଯେଉଁମାନଙ୍କର ଗୋଡ ଓ ହାତ ନାହିଁ। ମୁଁ ରକ୍ତ ଦାନ କରିଥିଲି ଯାହା ଦ୍ଵାରା କାହାର ଜୀବନ ରକ୍ଷା ହୋଇପାରିବ ଏବଂ ସେମାନେ ନିଜ ଘରକୁ ଯାଇପାରିବେ।”

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ଭୂମିକମ୍ପଜନିତ ମୃତ୍ୟୁ ସଂଖ୍ୟା ୪୩୬୫କୁ ବୃଦ୍ଧି, ତୁର୍କୀ ଅଭିମୁଖେ ଭାରତୀୟ ଉଦ୍ଧାରକାରୀ ଦଳ

ନୂଆଦିଲ୍ଲୀ: ସୋମବାର ଦିନ ତୁର୍କୀ ଏବଂ ପଡୋଶୀ ସିରିଆରେ ଘଟିଥିବା ୭.୮ ମ୍ୟାଗ୍ନିଚ୍ୟୁଡର ଭୂମିକମ୍ପରେ ଏପର୍ଯ୍ୟନ୍ତ ୪୩୬୫ ଜଣଙ୍କର ମୃତ୍ୟୁ ଘଟିଛି। ଏଥି ସହ ହଜାର ହଜାର ଲୋକ ଆହତ ହୋଇଛନ୍ତି। ଶକ୍ତିଶାଳୀ ଭୂମିକମ୍ପ ଯୋଗୁଁ ପ୍ରବଳ କ୍ଷୟକ୍ଷତି ହୋଇଛି। ଅନେକ ଅଟ୍ଟାଳିକା ତାସ ଘର ପରି ଭୁଷୁଡି ପଡିଛି।

ସର୍ବଶେଷ ଆକଳନ ଅନୁଯାୟୀ, ଭୂକମ୍ପ ପରେ ତୁର୍କୀ ଏବଂ ସିରିଆରେ ୪୩୬୫ ରୁ ଅଧିକ ଲୋକ ପ୍ରାଣ ହରାଇଥିବାବେଳେ ୧୪୦୦୦ ରୁ ଅଧିକ ଲୋକ ଆହତ ହୋଇଛନ୍ତି।

ସୂଚନା ଅନୁଯାୟୀ ଭୂକମ୍ପ ଯୋଗୁଁ ୫ ହଜାର ୬୦୬ ଟି କୋଠା ଭୁଶୁଡି ପଡିଛି। ୬ ହଜାର ୮୦୦ ଲୋକଙ୍କୁ ଆବର୍ଜନାରୁ ଉଦ୍ଧାର କରାଯାଇଛି।

ଏହି ଅଞ୍ଚଳରେ ପ୍ରାୟ ୯୭୦୦ ଉଦ୍ଧାର କର୍ମଚାରୀ କାର୍ଯ୍ୟ କରୁଛନ୍ତି ବୋଲି ବିପର୍ଯ୍ୟୟ ଏବଂ ଜରୁରୀକାଳୀନ ପରିଚାଳନା ସଭାପତି (AFAD) କହିଛନ୍ତି। ତୁର୍କୀର ସ୍ୱାସ୍ଥ୍ୟମନ୍ତ୍ରୀ କୋକା କହିଛନ୍ତି ଯେ, ବିପର୍ଯ୍ୟୟ କ୍ଷେତ୍ରରେ ପର୍ଯ୍ୟାପ୍ତ ସଂଖ୍ୟକ ଦଳ କାର୍ଯ୍ୟ କରୁଛନ୍ତି ଏବଂ ସେମାନଙ୍କର ଅନୁସନ୍ଧାନ, ଉଦ୍ଧାର ଏବଂ ସ୍ୱାସ୍ଥ୍ୟ ସେବା ଜାରି ରହିଛି।

ସେହିଭଳି ଭାରତୀୟ ବାୟୁସେନା ସି-୧୭ ଜାତୀୟ ବିପର୍ଯ୍ୟୟ ମୁକାବିଲା ଫୋର୍ସ (NDRF) ର ସର୍ଚ୍ଚ ଏବଂ ଉଦ୍ଧାରକାରୀ ଦଳ ସହିତ ତୁର୍କୀ ଅଭିମୁଖେ ଯାତ୍ରା କରିଛନ୍ତି। ଏହି ବିମାନ ଏକ ବୃହତ ରିଲିଫ ପ୍ରୟାସର ଏକ ଅଂଶ ଯାହାକି ଅନ୍ୟ ଭାରତୀୟ ସଂଗଠନ ସହିତ IAF ଦ୍ୱାରା କରାଯିବ।

Categories
ଆଜିର ଖବର ଜାତୀୟ ଖବର

ଦୁର୍ଗା ବିସର୍ଜନ ସମୟରେ ହଠାତ୍ ନଦୀରେ ଆସିଲା ବନ୍ୟା, ଆଠ ମୃତ, ଅନେକ ନିଖୋଜ

ଜଲପାଇଗୁଡି: ବିଜୟାଦଶମୀ ଅବସରରେ ଜଲପାଇଗୁଡି ଜିଲ୍ଲାର ମାଲ ନଦୀରେ ଏକ ଅଭାବନୀୟ ଘଟଣା ଘଟିଯାଇଛି। ଦେବୀ ଦୁର୍ଗାଙ୍କ ମୂର୍ତ୍ତି ବିସର୍ଜନ ସମୟରେ ଅତି କମରେ ଆଠ ଜଣ ବୁଡ଼ିଯାଇଥିବା ବେଳେ ଅନେକ ଲୋକ ନିଖୋଜ ହୋଇଯାଇଛନ୍ତି। ଜଣେ ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି। ଘଟଣା ସମୟରେ ଶହ ଶହ ଲୋକ ବିସର୍ଜନ ପାଇଁ ମାଲ ନଦୀ କୂଳରେ ଏକାଠି ହୋଇଥିଲେ।

ନଦୀରେ ଜଳ ସ୍ତର ହଠାତ୍ ବୃଦ୍ଧି ହେତୁ ଲୋକମାନେ ପାଣିରେ ଭାସିଯାଇଥିଲେ। ବର୍ତ୍ତମାନ ସୁଦ୍ଧା ଆଠଟି ମୃତଦେହ ଉଦ୍ଧାର କରାଯାଇଛି ଏବଂ ୫୦ ଜଣଙ୍କୁ ଉଦ୍ଧାର କରାଯାଇଛି।” ସାମାନ୍ୟ ଆହତ ୧୩ ଜଣଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି। ବର୍ତ୍ତମାନ ଏନଡିଆରଏଫ୍ (ଜାତୀୟ ବିପର୍ଯ୍ୟୟ ମୁକାବିଲା ଫୋର୍ସ), SDRF (ରାଜ୍ୟ ବିପର୍ଯ୍ୟୟ ମୁକାବିଲା ଫୋର୍ସ), ପୋଲିସ ଏବଂ ସ୍ଥାନୀୟ ପ୍ରଶାସନ ଦ୍ୱାରା ସର୍ଚ୍ଚ ଓ ଉଦ୍ଧାର କାର୍ଯ୍ୟ ଜାରି ରହିଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ବାତ୍ୟା ‘ୟାସ୍‌’ ମୁକାବିଲା କରିବା ପାଇଁ ସଶସ୍ତ୍ର ସେନାଙ୍କୁ ରଖାଗଲା ସଜାଗ

ବାତ୍ୟା ‘ୟାସ୍‌’ ମୁକାବିଲା କରିବା ପାଇଁ ସଶସ୍ତ୍ର ସେନାଙ୍କୁ ରଖାଗଲା ସଜାଗ

ଭୁବନେଶ୍ବର, ଆସନ୍ତା ୨୬ତାରିଖ ଦିନ ପୂର୍ବ ଉପକୂଳରେ ମାଡ ହେବାକୁ ଥିବା ସମ୍ଭାବ୍ୟ ବାତ୍ୟା ‘ୟାସ’ ପ୍ରଭାବର ମୁକାବିଲା ନିମନ୍ତେ ସଶସ୍ତ୍ର ସେନା ପ୍ରସ୍ତୁତି ଆରମ୍ଭ କରିଦେଇଛି । ଭାରତୀୟ ବାୟୁସେନା ଦ୍ୱାରା ୯୫୦ଜଣ ଜାତୀୟ ବିପର୍ଯ୍ୟୟ ପ୍ରଶମନ ବଳ ବା ଏନଡିଆରଏଫ ଯବାନ ଓ ୭୦ଟନ୍ ଓଜନର ସାମଗ୍ରୀ ସହ ଜାମନଗର, ବାରଣାସୀ, ପାଟନା ଓ ଆରାକୋନ୍ନମରୁ କୋଲକାତା, ଭୁବନେଶ୍ୱର ଓ ପୋର୍ଟ ବ୍ଲେୟାରରେ ୧୫ଟି ପରିବହନ ଏୟାରକ୍ରାଫ୍ଟ ଦ୍ୱାରା ଆଜି ସୁଦ୍ଧା ପହଂଚାଯାଇଛି ।

୧୬ଟି ପରିବହନ ଏୟାରକ୍ରାଫ୍ଟ ଓ ୨୦ଟି ହେଲିକପ୍ଟର ତତ୍କାଳ ମୁତୟନ ପାଇଁ ସଜାଗ ରହିଛନ୍ତି । ପଶ୍ଚିମାଞ୍ଚଳରେ ମାନବିକ ସହାୟତା ଓ ବିପର‌୍ୟ୍ୟୟ ପ୍ରଶମନ କାର‌୍ୟ୍ୟରୋ ନିୟୋଜିତ ଭାରତୀୟ ନୌସେନାର ଦଶଟି ଏଚଏଡିଆର ଦଳକୁ ଭୁବନେଶ୍ୱର ଓ କୋଲକାତା ପଠାଇଥିବାବେଳେ ୫ଟି ମାନବିକ ସହାୟତା ଓ ବିପର‌୍ୟ୍ୟୟ ପ୍ରଶମନ (ଏଚଏଡିଆର)ଦଳ ପୋର୍ଟବ୍ଲେୟାରରେ ପ୍ରସ୍ତୁତ ଅଛନ୍ତି ।

ପୂର୍ବ ନୌକମାଣ୍ଡ, ଆଣ୍ଡାମାନ ଓ ନିକୋବର କମାଣ୍ଡର ଆଠଟି ଜାହାଜ ସମ୍ଭାବ୍ୟ କ୍ଷତିଗ୍ରସ୍ତ ଲୋକଙ୍କ ସାହାଯ୍ୟ ପାଇଁ ପ୍ରସ୍ତୁତ ରହିଛନ୍ତି । ଚାରିଟି ବୁଡାଳୀ ଓ ଦଶଟି ବନ୍ୟା ସହାୟତାକାରୀ ଦଳ କୋଲକାତା, ଭୁବନେଶ୍ୱର ଓ ଚିଲିକାରେ ଡେରା ପକାଇଛନ୍ତି । ପ୍ରଶାସନରୁ ସୂଚନା ପାଇବାମାତ୍ରେ ସେମାନେ ସହାୟତା କାର‌୍ୟ୍ୟରେ ଲାଗିଯାଇପାରିବେ ।

ଯେକୌଣସି ବିପତ୍ତିର ମୁକାବିଲା ନିମନ୍ତେ ସାତୋଟି ବନ୍ୟା ରିଲିଫ ଦଳ ଓ ଦୁଇଟି ବୁଡାଳୀ ଦଳ ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜର ବିଭିନ୍ନ ସ୍ଥାନରେ ମୁତୟନ ଅଛନ୍ତି । ଆବଶ୍ୟକସ୍ଥଳେ ଉଦ୍ଧାର ଓ ଖୋଜ ପାଇଁ ବିଶାଖାପାଟନମ୍ ଓ ପୋର୍ଟବ୍ଲେୟାର ଠାରେ ନୌସେନା ଏୟାରକ୍ରାଫ୍ଟ ଓ ହେଲିକପ୍ଟର ମଧ୍ୟ ପ୍ରସ୍ତୁତ ଅଛନ୍ତି।

ବେସାମରିକ ପ୍ରଶାସନର ବରାଦ କ୍ରମେ ଭାରତୀୟ ସଶସ୍ତ୍ର ସେନାର ଆଠଟି ଉଦ୍ଧାରକାରୀ ଦଳ ଓ ତିନିଟି ଇଞ୍ଜିନିୟର ଟାସ୍କଫୋର୍ସ ସାହାଯ୍ୟ ପାଇଁ ପ୍ରସ୍ତୁତ ଅଛନ୍ତି । ସଶସ୍ତ୍ର ସେନା ସମ୍ଭାବ୍ୟ କ୍ଷତିଗ୍ରସ୍ତ ହେବାକୁ ଥିବା ରାଜ୍ୟଗୁଡିକର ବେସାମରିକ ପ୍ରଶାସନିକ କଳ ସହ ଯୋଗାଯୋଗରେ ଅଛନ୍ତି ।

କୋଭିଡ-୧୯ ହସ୍‌ପିଟାଲଗୁଡିକୁ ଔଷଧପତ୍ର ଓ ଅମ୍ଳଜାନ ବିନା ବାଧାରେ ପହଂଚାଇବା ପାଇଁ ସଡକ ଓ ରେଳ ଯୋଗାଯୋଗ ନେଇ ମଧ୍ୟ ସଶସ୍ତ୍ର ସେନା ବେଶ୍ ଅବଗତ ଅଛନ୍ତି । ସେ ଦୃଷ୍ଟିରୁ ସଶସ୍ତ୍ର ସେନା ସମ୍ଭାବ୍ୟ ବାତ୍ୟାର ପ୍ରଭାବକୁ ପ୍ରତିହତ କରିବା ସହ ଧନଜୀବନ ରକ୍ଷା ଓ ନାଗରିକମାନଙ୍କ ମନରେ ସାହାସ ସଂଚାର ପାଇଁ ପ୍ରସ୍ତୁତ ହୋଇରହିଛି ।

Categories
ଫଟୋ ଖବର

ଆଜି ହେଉଛି ଜାତୀୟ ବିପର୍ଯ୍ୟୟ ପ୍ରଶମନ ବଳ ର 16 ତମ ପ୍ରତିଷ୍ଠା ଦିବସ

ଆଜି ହେଉଛି ଜାତୀୟ ବିପର୍ଯ୍ୟୟ ପ୍ରଶମନ ବଳ ର 16 ତମ ପ୍ରତିଷ୍ଠା ଦିବସ

ନୂଆଜିଲ୍ଲୀ, ଆଜି ହେଉଛି ଜାତୀୟ ବିପର୍ଯ୍ୟୟ ପ୍ରଶମନ ବଳର ସ୍ଥାପନା ଦିବସ। ଆଜିକୁ ଠିକ 16 ବର୍ଷ ପୂର୍ବେ ଦେଶରେ ବିପର୍ଯ୍ୟୟକୁ ଦେଖି ଏହି ବାହିନୀ ଗଠନ କରାଯାଇଥିଲା। NDRF Foundation Day

Categories
ଫଟୋ ଖବର

ପ୍ରବଳ ବର୍ଷାରେ କର୍ଣ୍ଣାଟକର କୋଡାଗୁରେ ମାଟି ଅତଡା ଖସିବା ପରେ ଏନଡିଆରଏଫ କରୁଛନ୍ତି ଉଦ୍ଧାର କାର୍ଯ୍ୟ

Kodagu: NDRF teams conduct rescue operations at the site of landslides at Bhagamandala in Kodagu district of Karnataka on Aug 8, 2020. (Photo: IANS)

Kodagu: NDRF teams conduct rescue operations at the site of landslides at Bhagamandala in Kodagu district of Karnataka on Aug 8, 2020. (Photo: IANS)

Categories
ଆଜିର ଖବର ରାଜ୍ୟ ଖବର

21ଟି ଜିଲ୍ଲାରୁ 304 ପଜିଟିଭ୍‌ ଚିହ୍ନଟ : ଜାଣନ୍ତୁ କେଉଁ ଜିଲ୍ଲାରୁ କେତେ

ଭୁବନେଶ୍ବର : ଆଜି ରାଜ୍ୟରେ ସର୍ବାଧିକ 304 ପଜିଟିଭ୍‌ ଚିହ୍ନଟ ହୋଇଛନ୍ତି । 21ଟି ଜିଲ୍ଲାରୁ 304 ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ପଶ୍ଚିମବଙ୍ଗ ଆମ୍ପାନ୍‌ ଉଦ୍ଧାର କାର୍ଯ୍ୟରୁ ଫେରିଥିବା ଏନ୍‌ଡିଆର୍‌ଏଫ୍‌ ଓ ଅଗ୍ନିଶମ କର୍ମଚାରୀଙ୍କ ମଧ୍ୟରୁ 42 ଜଣ କରୋନାରେ ସଂକ୍ରମିତ ହୋଇଥିବାର ସୂଚନା ରହିଛି । ସେହିପରି  ଗଜପତିରୁ ସର୍ବାଧିକ 47, ଗଞ୍ଜାମରୁ 40,  ଜଗତସିଂହପୁରର 29, ଝାରସୁଗୁଡାରୁ 25, ଯାଜପୁରରୁ 21, ବାଲେଶ୍ବରରୁ 17, ବରଗଡରୁ 14, କଟକରୁ 13, କନ୍ଧମାଳରୁ 12, ଭଦ୍ରକରୁ 11, ମୟୂରଭଞ୍ଜରୁ 6, କେନ୍ଦ୍ରାପଡା ଓ ଖୋର୍ଦ୍ଧାରୁ 5, ସୋନପୁରରୁ  ଜଣ ଚିହ୍ନଟ ହୋଇଛନ୍ତି। ନୟାଗଡ ଓ ପୁରୀରୁ 3 ଜଣ ଲେଖାଏଁ ଆକ୍ରାନ୍ତ ରହିଥିବାବେଳେ, ମାଲକାନଗିରି ଓ ସୋନପୁରରୁ 2 ଜଣ ଲେଖାଏଁ ରହିଛନ୍ତି । ସେହିପରି ବଲାଙ୍ଗିର, ସୁନ୍ଦରଗଡ ଓ ଢେଙ୍କାନାଳରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି ।

ଜିଲ୍ଲା ପଜିଟିଭ୍‌ ସୁସ୍ଥ ସକ୍ରିୟ ମୃତ ମୃତ (ଅନ୍ୟାନ୍ୟ ରୋଗ)
ଗଞ୍ଜାମ 893 658 228 7 0
ଖୋର୍ଦ୍ଧା 444 362 76 4 2
କଟକ 394 313 80 1 0
ଯାଜପୁର 382 326 56 0 0
ବାଲେଶ୍ବର 294 201 92 0 1
ଅନ୍ୟାନ୍ୟ* 266 0 266 0 0
ଗଜପତି 238 80 158 0 0
ପୁରୀ 214 115 97 1 1
ଜଗତସିଂହପୁର 208 130 78 0 0
କେନ୍ଦ୍ରାପଡା 203 174 29 0 0
ଭଦ୍ରକ 196 175 21 0 0
କନ୍ଧମାଳ 159 101 58 0 0
ବଲାଙ୍ଗିର 151 129 22 0 0
ସୁନ୍ଦରଗଡ 147 125 22 0 0
ମୟୂରଭଞ୍ଜ 145 90 55 0 0
ନୟାଗଡ 116 107 9 0 0
କେଉଁଝର 98 54 44 0 0
ନୂଆପଡା 79 71 8 0 0
ବରଗଡ 66 18 47 1 0
କଳାହାଣ୍ଡି 64 38 26 0 0
ଅନୁଗୁଳ 55 33 22 0 0
ମାଲ୍‌କାନଗିରି 53 24 29 0 0
ଢେଙ୍କାନାଳ 53 46 7 0 0
ଝାରସୁଗୁଡା 46 18 28 0 0
ଦେବଗଡ 41 38 3 0 0
ବୌଦ୍ଧ 40 35 5 0 0
ସୋନପୁର 35 29 6 0 0
ସମ୍ବଲପୁର 26 18 8 0 0
କୋରାପୁଟ 24 17 7 0 0
ରାୟଗଡା 17 7 10 0 0
ନବରଙ୍ଗପୁର 13 2 10 0 1
ମୋଟ୍‌ 5160 3534 1607 14 5
Categories
ଆଜିର ଖବର ରାଜ୍ୟ ଖବର

20ଟି ଜିଲ୍ଲାରୁ 186 ପଜିଟିଭ୍‌ ଚିହ୍ନଟ : ଜାଣନ୍ତୁ କେଉଁ ଜିଲ୍ଲାରୁ କେତେ ଆକ୍ରାନ୍ତ ଚିହ୍ନଟ

ଭୁବନେଶ୍ବର : ଆଜି ରାଜ୍ୟରେ 186 ଆକ୍ରାନ୍ତ ଚିହ୍ନଟ ହୋଇଛନ୍ତି । 20ଟିଜିଲ୍ଲାରୁ ଆଜି ମୋଟ୍‌ 186 ଜଣ ଚିହ୍ନଟ ହୋଇଛନ୍ତି । ଏହି ଆକ୍ରାନ୍ତଙ୍କ ମଧ୍ୟରେ କନ୍ଧମାଳରୁ ସର୍ବାଧିକ 22 ଆକ୍ରାନ୍ତ ରହିଛନ୍ତି । ସେହିପରି ଖୋର୍ଦ୍ଧାରୁ 21, ବରଗଡଓ କଳାହାଣ୍ଡିରୁ 16 ଜଣ ଲେଖାଏଁ ଚିହ୍ନଟ ହୋଇଛନ୍ତି ।  ଗଜପତିର 15, ମୟୂରଭଞ୍ଜରୁ 13,  କଟକଓ ଯାଜପୁରରୁ 12 ଜଣ ଲେଖାଏଁ ରହିଛନ୍ତି । ଜଗତସିଂହପୁର ଓ କେନ୍ଦୁଝରରୁ 11 ଜଣ ଲେଖାଏଁ ଚିହ୍ନଟ ହୋଇଛନ୍ତି । ସେହିପରି ପୁରୀରୁ 7, ଗଞ୍ଜାମରୁ 4, ସୁନ୍ଦରଗଡରୁ 3,  ଢେଙ୍କାନାଳ, ଝାରସୁଗୁଡା ଓ ବଲାଙ୍ଗିରରୁ 2 ଜଣ ଲେଖାଏଁ ଚିହ୍ନଟ ହୋଇଥିବାବେଳେ କେନ୍ଦ୍ରାପଡା, ଭଦ୍ରକ, ଅନୁଗୁଳ, ମାଲ୍‌କାନଗରିରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି । ଆଜି ଚିହ୍ନଟ  186 ଆକ୍ରାନ୍ତ ମଧ୍ୟରେ ପଶ୍ଚିମବଙ୍ଗ ଆମ୍ପାନ୍‌ ଉଦ୍ଧାର କାର୍ଯ୍ୟରୁ ଫେରିଥିବା13 ଜଣ ଏନଡିଆର୍‌ଏଫ୍‌/ ଓଡ୍ରାଫ୍‌/ ଅଗ୍ନିଶମ କର୍ମଚାରୀ  ରହିଛନ୍ତି ।

 

 

Categories
ଆଜିର ଖବର ରାଜ୍ୟ ଖବର

ନୂତନ 136 ପଜିଟିଭ୍‌ ଚିହ୍ନଟ ପରେ, ଜାଣନ୍ତୁ କେଉଁ ଜିଲ୍ଲାରୁ କେତେ ରହିଛନ୍ତି ଆକ୍ରାନ୍ତ

ଭୁବନେଶ୍ବର : ଆଜି ଚିହ୍ନଟ ହୋଇଥିବା 136 ଆକ୍ରାନ୍ତଙ୍କ ମଧ୍ୟରେ  ପଶ୍ଚିମବଙ୍ଗ ଆମ୍ପାନ୍‌ ଉଦ୍ଧାର କାର୍ଯ୍ୟରୁ ଫେରିଥିବା ଏନ୍‌ଡିଆର୍‌ଏଫ୍‌ / ଓଡିଆରଏଫ୍‌/ଫାୟାର ସର୍ଭିସ୍‌ର 54 ଜଣ କର୍ମଚାରୀ ରହିଛନ୍ତି ।

ସେହିପରି ଖୋର୍ଦ୍ଧା ଜିଲ୍ଲାରୁ ଆଜି ସର୍ବାଧିକ 17 ଜଣ ଚିହ୍ନଟ ହୋଇଛନ୍ତି । କନ୍ଧମାଳରୁ 15 ଜଣ,  ମୟୂରଭଞ୍ଜରୁ 9, କେଉଁଝରରୁ 8,  କଟକ ଓ ଗଜପତିରୁ 7 ଜଣ ଲେଖାଏଁ ରହିଛନ୍ତି ।   ଝାରସୁଗୁଡାରୁ 4,  ଢେଙ୍କାନାଳ, ଗଞ୍ଜାମ, ପୁରୀ ଜିଲ୍ଲାରୁ ତିନି ଜଣ ଲେଖାଏଁ ଚିହ୍ନଟ ହୋଇଛନ୍ତି । ସେହିପରି ନୂଆପଡା ଓ କଳାହାଣ୍ଡିରୁ ଦୁଇ ଜଣ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ସମ୍ବଲପୁର ଓ କେନ୍ଦ୍ରାପଡାରୁ ଜଣେ ଲେଖାଏଁ ରହିଛନ୍ତି ।

ଜିଲ୍ଲା ପଜିିଟିଭ୍‌ ସୁସ୍ଥ ଆକ୍ରାନ୍ତ ମୃତ ମୃତ (ଅନ୍ୟାନ୍ୟ ରୋଗ)
ଗଞ୍ଜାମ 652 498 150 4 0
ଯାଜପୁର 326 287 39 0 0
ଖୋର୍ଦ୍ଧା 307 183 118 4 2
କଟକ 216 119 96 1 0
ବାଲେଶ୍ବର 197 159 37 0 1
କେନ୍ଦ୍ରାପଡା 171 161 10 0 0
ଭଦ୍ରକ 152 135 17 0 0
ଜଗତସିଂହପୁର 130 76 54 0 0
ବଲାଙ୍ଗିର 124 80 44 0 0
ପୁରୀ 118 92 26 0 0
ସୁନ୍ଦରଗଡ 118 69 49 0 0
NDRF-ODRF 115 0 115 0 0
ନୟାଗଡ 97 75 22 0 0
ମୟୂରଭଞ୍ଜ 92 16 76 0 0
ଗଜପତି 79 33 46 0 0
ନୂଆପଡା 74 57 17 0 0
କେଉଁଝର 54 25 29 0 0
କନ୍ଧମlଳ 52 22 30 0 0
ଢେଙ୍କାନାଳ 42 21 21 0 0
ଦେବଗଡ 38 32 6 0 0
କଳାହାଣ୍ଡି 38 15 23 0 0
ବୌଦ୍ଧ 35 34 1 0 0
ଅନୁଗୁଳ 33 25 8 0 0
ସୋନପୁର 29 7 22 0 0
ମାଲ୍‌କାନଗିରି 22 21 1 0 0
ବରଗଡ 18 11 7 0 0
ସମ୍ବଲପୁର 18 12 6 0 0
କୋରାପୁଟ 17 8 9 0 0
ଝାରସୁଗୁଡା 13 7 6 0 0
ରାୟଗଡା 7 0 7 0 0
ନବରଙ୍ଗପୁର 2 2 0 0 0
ମୋଟ୍‌ 3386 2282 1092 9 3
Categories
ଆଜିର ଖବର ରାଜ୍ୟ ଖବର

ଏନ୍‌ଡିଆରଏଫର 50 ଯବାନଙ୍କୁ କରୋନା

ଭୁବନେଶ୍ୱର: କଟକ ମୁଣ୍ଡଳୀ ଏନ୍‌ଡିଆରଏଫ୍‌ କ୍ୟାମ୍ପର 50 ଜଣ ଯବାନ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହି ଯବାନ୍‌ମାନେ ଆମ୍ପାନ୍‌ ଉଦ୍ଧାର କାର୍ଯ୍ୟ ପାଇଁ ପଶ୍ଚିମବଙ୍ଗ ଗସ୍ତ କରିଥିଲେ । ତିନି ଦିନ ପୂର୍ବରୁ ଏହି ଯବାନ ମାନେ ଓଡ଼ିଶାରେ ପହଞ୍ଚିବା ପରେ ସେମାନଙ୍କ ମଧ୍ୟରୁ ଜଣଙ୍କଠାରେ କରୋନା ପଜିଟିଭ୍‌ ଚିହ୍ନଟ ହୋଇଥିଲା । କିନ୍ତୁ ଗତକାଲି ଆଉ 49ଙ୍କଠାରେ ଏନ୍‌ଡିଆରଏଫ୍‌ ଯବାନ କରୋନାରେ ସଂକ୍ରମିତ ହୋଇଥିବାର ସୂଚନା ଦେଇଛନ୍ତି ଏନ୍‌ଡିଆରଏଫ୍‌ ଡିଜି । ପଶ୍ଚିମବଙ୍ଗରୁ ଆସି କ୍ବାରେଣ୍ଟିନ୍‌ରେ ରହିଥିଲେ । ଏମାନଙ୍କ ପାଖରେ କୌଣସି କରୋନା ଲକ୍ଷଣ ନଥିଲା ।  ସୂଚନାଯୋଗ୍ୟ, 167 ଜଣ ଏନ୍‌ଡିଆରଏଫ୍‌ ଯବାନ ଆମ୍ଫାନ ମୁକାବିଲା ପାଇଁ ପଶ୍ଚିମବଙ୍ଗ ଯାଇଥିଲେ ।  ପଶ୍ଚିମବଙ୍ଗରୁ ଫେରିବା ପରେ ସମସ୍ତେ କ୍ୱାରେଣ୍ଟିନ୍‌ରେ ଥିଲେ।

Categories
ଆଜିର ଖବର ରାଜ୍ୟ ଖବର

ପଶ୍ଚିମବଙ୍ଗ ଫେରନ୍ତା ଏନ୍‌ଡିଆରଏଫ୍‌ ଯବାନଙ୍କୁ କରୋନା : କ୍ବାରେଣ୍ଟିନ୍‌ରେ 372 ଜଣ

ଭୁବନେଶ୍ବର : ପଶ୍ଚିମବଙ୍ଗରୁ ଆମ୍ପାନ ମୁକାବିଲା ପରେ ଫେରିଥିବା ଜଣେ ଏନ୍‌ଡିଆରଏଫ୍‌ ଯବାନ କରୋନା ଆକ୍ରାନ୍ତ ହେବା ପରେ ଅନ୍ୟ 389 ଜଣଙ୍କୁ କ୍ବାରେଣ୍ଟିନ୍‌ରେ ରହିବାକୁ ନିର୍ଦ୍ଦେଶ ଦିଆଯାଇଛି । ସାମୁଦ୍ରିକ ବାତ୍ୟା ଆମ୍ପାନରେ ପଶ୍ଚିମବଙ୍ଗରେ ବ୍ୟାପକ କ୍ଷତି ଘଟିବା ପରେ ଓଡିଶାରୁ 500 ଜଣ ଓଡ୍ରାଫ୍‌ ଏବଂ ଅଗ୍ନିଶମ କର୍ମୀଙ୍କ ସହିତ 10ଟି ଏନ୍‌ଡିଆରଏଫ୍‌ ଟିମ୍‌ ପଠାଯାଇଥିଲା । ସଫେଇ ଏବଂ ଉଦ୍ଧାର କାର୍ଯ୍ୟ ଶେଷ କରି ଏହି ଟିମ୍‌ ଫେରିବା ପରେ ଜଣେ ଏନ୍‌ଡିଆରଏଫ୍‌ ଯବାନ କରୋନା ପଜିଟିଭ୍‌ ସାବ୍ୟସ୍ତ ହୋଇଥିଲେ । ଯବାନ ଜଣକ ପଜିଟିଭ୍‌ ସାବ୍ୟସ୍ତ ହେବା ପରେ ଅନ୍ୟ 389 ଜଣଙ୍କୁ 14 ଦିନିଆ ହୋମ୍‌ କ୍ବାରେଣ୍ଟିନ୍‌ରେ ରହିବାକୁ ନିର୍ଦ୍ଦେଶ ଦିଆଯାଇଥିବା ନେଇ ସହାକାରୀ ମୁଖ୍ୟ ଶାସନ ସଚିବ ପ୍ରଦୀପ ଜେନା ସୂଚନା ଦେଇଛନ୍ତି ।

Categories
ଫଟୋ ଖବର

ସାମୁଦ୍ରିକ ଝଡ ନିସର୍ଗର ମୁକାବିଲା ପାଇଁ ଭଟିଣ୍ଡାରୁ ଗୁଜରାଟରେ ପହଞ୍ଚିଛନ୍ତି 5ଟି ଏନ୍‌ଡିଆରଏଫ୍‌ ଟିମ୍‌

Bhatinda: Five teams of National Disaster Response Force (NDRF) being airlifted from Bhatinda to be sent to Gujarat in the wake of Cyclone Nisarga, on June 2, 2020. Cyclone Nisarga brewing in the Arabina Sea is likely to hit coastal districts of Maharashtra and Gujarat on Wednesday. (Photo: IANS)

Categories
ଆଜିର ଖବର ଜାତୀୟ ଖବର

ଆମ୍ଫାନ ଘୂର୍ଣ୍ଣିବାତ୍ୟାର ସମୀକ୍ଷା କଲେ ପ୍ରଧାନମନ୍ତ୍ରୀ : ୨୫ ଏନଡିଆରଏଫ ଦଳ ମୁତୟନ

ନୂଆଦିଲ୍ଲୀ : ଆଜି ଏକ ଉଚ୍ଚ ସ୍ତରୀୟ ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବଙ୍ଗୋପସାଗରରେ ସୃଷ୍ଟି ହୋଇଥିବା ଘୂର୍ଣ୍ଣିବାତ୍ୟା ଆମ୍ଫାନକୁ ସାମନା କରିବା ଲାଗି ନିଆଯିବାକୁ ଥିବା ପଦକ୍ଷେପର ସମୀକ୍ଷା କରିଛନ୍ତି । ପ୍ରଧାନମନ୍ତ୍ରୀ ପରିସ୍ଥିତିର ସମ୍ପୂର୍ଣ୍ଣ ସମୀକ୍ଷା କରିବା ସହ ଜାତୀୟ ବିପର୍ଯ୍ୟୟ ପ୍ରଶମନ ବଳ (ଏନଡିଆରଏଫ) ପକ୍ଷରୁ କରାଯାଇଥିବା ପ୍ରସ୍ତୁତିର ମଧ୍ୟ ସମୀକ୍ଷା କରିଛନ୍ତି । ଏନଡିଆରଏଫର ଯୋଜନା ସମ୍ପର୍କରେ ସୂଚନା ଦେଇ ଏହାର ମହାନିର୍ଦ୍ଦେଶକ କହିଛନ୍ତି ଯେ, ଘଟଣାସ୍ଥଳରେ ୨୫ଟି ଟିମ ମୁତୟନ ହୋଇଥିବା ବେଳେ ଆହୁରି ୧୨ଟି ଟିମକୁ ସଜାଗ ରଖାଯାଇଛି । ଏନଡିଆରଏଫର ଆହୁରି ୨୪ଟି ଟିମ ମଧ୍ୟ ଦେଶର ବିଭିନ୍ନ ସ୍ଥାନରେ ସମ୍ଭାବ୍ୟ ବିପର୍ଯ୍ୟୟ ମୁକାବିଲା ପାଇଁ ପ୍ରସ୍ତୁତ ରହିଛନ୍ତି । ବୈଠକରେ କେନ୍ଦ୍ର ସ୍ଵରାଷ୍ଟ୍ର ମନ୍ତ୍ରୀ ଅମିତ ଶାହ, ପ୍ରଧାନମନ୍ତ୍ରୀଙ୍କ ମୁଖ୍ୟ ପରାମର୍ଶଦାତା ପି.କେ ସିହ୍ନା, କ୍ୟାବିନେଟ ସଚିବ ରାଜୀବ ଗୌବା ଓ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ । (ପିଆଇବି)

Categories
ଆଜିର ଖବର ରାଜ୍ୟ ଖବର

ଆମ୍ଫାନ୍‌ ମୁକାବିଲା : 6ଟି ଜିଲ୍ଲାକୁ ଗଲା ଏନ୍‌ଡିଆରଏଫ୍‌ ଟିମ୍‌

ଭୁବନେଶ୍ବର : ବାତ୍ୟା ଆମ୍ଫାନର ମୁକାବିଲା ପାଇଁ ଓଡିଶା ସରକାର ତତ୍ପର ରହିଥିବା ବେଳେ ଆଜି 6ଟି ଜିଲ୍ଲାକୁ ଯାଇଛି ଏନ୍‌ଡିଆର୍‌ଏଫ୍‌ ଟିମ୍‌ । ପୂର୍ବରୁ 4ଟି ଜିଲ୍ଲାରେ ଏନ୍‌ଡିଆରଏଫ୍‌ ଟିମ୍‌ ମହଜୁଦ ରହିଥିବା ବେଳେ ଆଜି ଆଉ 6ଟି ଜିଲ୍ଲାକୁ ଏନ୍‌ଡିଆରଏଫ୍‌ ଟିମ୍‌ ପଠାଯାଇଛି । ପୁରୀ, ଜଗତସିଂହପୁର, ମୟୁରଭଞ୍ଜ, କେନ୍ଦ୍ରାପଡା, ଯାଜପୁର ଏବଂ ଭଦ୍ରକକୁ ଏହି ଟିମ୍‌ ଗୁଡିକ ଯାଇଛି । ପ୍ରତି ଜିଲ୍ଲାକୁ ଗୋଟିଏ ଲେଖାଏଁ ଏନ୍‌ଡିଆରଏଫ୍‌ ଟିମ୍‌ ପଠାଯାଇଛି । ଉଲ୍ଲେଖଯୋଗ୍ୟ ଯେ, ଆସନ୍ତାକାଲିଠୁ ବାତ୍ୟାର ରୂପ ନେବାକୁ ଯାଉଥିବା ଆମ୍ଫାନ ଓଡିଶ ଏବଂ ପଶ୍ଚିମବଙ୍ଗ ସୀମାନ୍ତରେ ଲ୍ୟାଣ୍ଡଫଲ୍‌ କରିବାର ସମ୍ଭାବନା ରହିଛି ।

Categories
ଆଜିର ଖବର ଜାତୀୟ ଖବର

ଓଡିଶା ସମେତ ୮ଟି ରାଜ୍ୟପାଇଁ ୫୭୫୧.୨୭ କୋଟି ଟଙ୍କାର ଅତିରିକ୍ତ କେନ୍ଦ୍ରୀୟ ସହାୟତାକୁ ଅନୁମୋଦନ

ନୂଆଦିଲ୍ଲୀ, କେନ୍ଦ୍ର ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହାଙ୍କ ଅଧ୍ୟକ୍ଷତାରେ ଗଠିତ ଉଚ୍ଚସ୍ତରୀୟ କମିଟି ଦେଶର ୮ଟି ରାଜ୍ୟପାଇଁ ୫୭୫୧କୋଟି ୨୭ ଲକ୍ଷ ଟଙ୍କାର ଅତିରିକ୍ତ ସହାୟତା ରାଶି ଅନୁମୋଦନ କରିଛି। ବନ୍ୟା, ମରୁଡ଼ି, ଭୂସ୍ଖଳନ ଓ ବାତ୍ୟାଭଳି ପ୍ରାକୃତିକ ବିପତି ପାଇଁ ଓଡ଼ିଶା, ବିହାର,ମହାରାଷ୍ଟ୍ର, କେରଳ, ନାଗାଲାଣ୍ଡ, ରାଜସ୍ଥାନ, ପଶ୍ଚିମବଙ୍ଗ ଓ କର୍ଣ୍ଣାଟକ ଏହି ସହାୟତା ପାଇବେ। ପ୍ରାକୃତିକ ବିପର୍ଯ୍ୟୟ ରେସପନ୍ସ ଫଣ୍ଡ (ଏନଡିଆରଏଫରୁ ଏହି ଫଣ୍ଡ ଯୋଗାଇ ଦିଆଯିବ।

ତେବେ ଏହି ଅର୍ଥ ପ୍ରଦାନ ପାଇଁ କମିଟି କେତେକ ସର୍ତାରୋପ କରିଛି ।୨୦୧୯ରେ ହୋଇଥିବା ପ୍ରାକୃତିକ ବିପତି ନିମନ୍ତେ ସଂପୃକ୍ତ ରାଜ୍ୟଗୁଡ଼ିକୁ ଏହି ଅତିରିକ୍ତ ସହାୟତା ଦିଆଯିବ। ଏପ୍ରିଲ ପହିଲା ଆର୍ଥିକ ବର୍ଷ ଆରମ୍ଭ ସୁଦ୍ଧା ସଂପୃକ୍ତ ରାଜ୍ୟମାନେ ଏନଡିଆରଏଫରୁ ଯଦି ଅଗ୍ରୀମ ଆକାରରେ ଅର୍ଥ ନେଇଛନ୍ତି ତାହାହେଲେ ତାହାର ୫୦ ଭାଗ ଅର୍ଥ ମଦୁରା ହେବ ତା ତାହାକୁ ଆଡଜଷ୍ଟ କରାଯିବ। ବିହାର ଏହି ଅତିରିକ୍ତ ସହାୟତା ବାବଦରେ ୯୫୩.୧୭ କୋଟି ଟଙ୍କା ପାଇବାକୁ ଥିବାବେଳେ ଇତିମଧ୍ୟରେ ୪୦୦ କୋଟି ଟଙ୍କା ରାଜ୍ୟକୁ ଦିଆସରିଛି।

ସେହିଭଳି କେରଳ ୪୬୦କୋଟି ୭୭ଲକ୍ଷ, ନାଗାଲାଣ୍ଡ ୧୭୭.୩୭ କୋଟି, ଓଡ଼ିଶା ୧୭୯ କୋଟି ୬୪ ଲକ୍ଷ, ମହାରାଷ୍ଟ୍ର ୧୭୫୮ କୋଟି ୧୮ଲକ୍ଷ, ପଶ୍ଚିମବଙ୍ଗ ୧୦୯୦ କୋଟି ୬୮ଲକ୍ଷ, ରାଜସ୍ଥାନ ୧୧୧୯ କୋଟି ୯୮ଲକ୍ଷ ଟଙ୍କା ପାଇବେ।ଏହାଛଡ଼ା କର୍ଣ୍ଣାଟକକୁ ୨୦୧୮-୧୯ ବର୍ଷର ବକେୟା ବାବଦରେ ୧୧କୋଟି ୪୮ ଲକ୍ଷଟଙ୍କା ମିଳିବ।

୨୦୧୯-୨୦ ଆର୍ଥିକ ବର୍ଷର ଦେୟ ବାବଦରେ ଆଜିପର୍ଯ୍ୟନ୍ତ କେନ୍ଦ୍ର ସରକାର ଏନଡିଆରଏଫ ପାଣ୍ଠି ଓ ଅତିରିକ୍ତ ସହାୟତା ଆକାରରେ ୨୯ଟି ରାଜ୍ୟକୁ ୧୦୩୭ କୋଟି ୬୨ ଲକ୍ଷ ଟଙ୍କା ଯୋଗାଇ ଦେଇଛନ୍ତି। ଏହାମଧ୍ୟରେ ଜାମ୍ମୁକାଶ୍ମୀର ମଧ୍ୟ ଅନ୍ତର୍ଭୁକ୍ତ।

Categories
ବିଶେଷ ଖବର

ଫନି ଖାଇଗଲା ଭୁବନେଶ୍ବରର ସୌନ୍ଦର୍ଯ୍ୟ, ସ୍ମାର୍ଟ ସିଟି ପୁଣି ଥରେ ରୂପ ଫେରିପାଇବାକୁ ଲାଗିବ ଆହୁରି ଅନେକ ବର୍ଷ

Bhubaneswar situation after Fani
Bhubaneswar situation after Fani

ସମୀକ୍ଷା ବ୍ୟୁରୋ

ବାତ୍ୟା ଫନିର ପ୍ରଭାବ ରାଜଧାନୀରେ ଏତେବେଶୀ ପଡିବ ବୋଲି କେହି କେବେ ଚିନ୍ତା କରି ନ ଥିଲେ। ପୁରୀରେ ଫନି ସ୍ଥଳଭାଗ ଛୁଇଁବାର ଅଧ ଘଣ୍ଚା ମଧ୍ୟରେ ଭୁବନେଶ୍ବରକୁ ଉଜାଡି ଦେଇଥିଲା। ଭୁବନେଶ୍ବରର ହଜାର ହଜାର ଗଛ ଉପୁଡି ପଡିଥିବା ବେଳେ ଶହ ଶହ ସଂଖ୍ୟାରେ ବିଜୁଳି ଖୁଣ୍ଟ ଓ ଟ୍ରାନସଫରମର ଧ୍ବସ୍ତବିଧ୍ବସ୍ତ ହୋଇଯାଇଛି। ସହରର ଏମିତି କୌଣସି ରାସ୍ତା ନାହିଁ ଯାହା ଗଛ ପଡି ଅବରୋଧ ହୋଇ ନ ଥିଲା। ଫନି ଅତିକ୍ରମ କରିବା ପରେ ରାଜ୍ୟ ସରକାରଙ୍କ ଅଗ୍ନିଶମ ବିଭାଗ, ଓଡ୍ରାଫ ଟିମ ଓ ଏନଡିଆରଏଫ 24 ଘଣ୍ଟା ମଧ୍ୟରେ ରାସ୍ତା ସଫା କାମ ସାରିଛନ୍ତି। ରାଜଧାନୀରେ ଇଣ୍ଟରନେଟ ଓ ଟେଲିଫୋନ ସେବା ସଂପୂର୍ଣ୍ଣ ଭାବେ ବ୍ୟାହତ ହୋଇଛି। ତେବେ ମେ 4 ତାରିଖ ଅପରାହ୍ନ ବେଳକୁ ସାମୟିକ ଭାବେ ଟେଲିଫୋନ ଓ ଇଣ୍ଟରନେଟ ସେବା ବାହାଲ ହୋଇଛି। ତେବେ ବିଜୁଳି ସେବା ଆସିବାକୁ ଆହୁରି କିଛି ଦିନ ଲାଗିଯାଇପାରେ।

Bhubaneswar situation after Fani

ପାନୀୟ ଜଳ ଯୋଗାଣ ପାଇଁ ରାଜ୍ୟ ସରକାର ତତ୍ପରତା ପ୍ରକାଶ କରି ଆଜି ସକାଳୁ ପାଇପ ଯୋଗେ ପାଣି ଯୋଗାଇବାରେ ସଫଳ ହୋଇଛନ୍ତି। 1999 ମହାବାତ୍ୟା ସମୟରେ ରାଜଧାନୀ ଭୁବନେଶ୍ବରର ବହୁ ପୁରୁଣା ଗଛ ଉପୁଡି ପଡିଥିଲା। ସେଥିରୁ ବର୍ତ୍ତି ପଡିଥିବା ଅନେକ ଗଛ ଫନି କବଳରେ ଧରାଶାୟୀ ହୋଇଛନ୍ତି। ହକି ବିଶ୍ବପକ ପାଇଁ ରାଜଧାନୀକୁ ଯେଉଁ ନୂଆ ରୂପ ଦିଆଯାଇଥିଲା, ତାହା ଧ୍ବସ୍ତବିଧ୍ବସ୍ତ ହୋଇଯାଇଛି। ରାଜଧାନୀର ପ୍ରମୁଖ ପାର୍କଗୁଡିକ ପୁରା ଉଜୁଡି ଯାଇଛି। ଏକାମ୍ର କାନନ, ଆଇଜି ପାର୍କ, ଫରେଷ୍ଟ ପାର୍କ, ଜୟଦେବ ବାଟିକା ଇତ୍ୟାଦିରେ ଫନି ତାଣ୍ଡବ ରଚନା କରିଛି।

ଭୁବନେଶ୍ବର ସହିତ ପୁରୀ କାକଟପୁର ଅସ୍ତରଂଗ, କଟକ ଓ ଜଗତସିଂପୁର ଅଞ୍ଚଳରେ ଫନିର ପ୍ରଭାବ ଦେଖିବାକୁ ମିଳିଛି। ସରକାରୀ ଭାବେ ପ୍ରାୟ 11 ଲକ୍ଷ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିଲା। ଯାହା ଫଳରେ ବାତ୍ ୟାରେ ମୃତାହତଙ୍କ ସଂଖ୍ୟା କମ ରହିଛି। ସରକାରୀ ଭାବେ ବାତ୍ୟା ଜନିତ ମୃତ୍ୟୁ ସଂଖ୍ୟା 9 ବୋଲି ସରକାରୀ ସୁତ୍ରରୁ ଜଣାପଡିଛି। ରିଲିଫ ଓ ପୁନର୍ବାସ ବ୍ୟବସ୍ଥା ଉପରେ ସରକାର କଡା ନଜର ରଖିଛନ୍ତି। ଆସନ୍ତା 6 ତାରିଖରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ଭୁବନେଶ୍ବର ଆସି ବାତ୍ୟା ପରବର୍ତ୍ତି ସ୍ଥିତିର ସମୀକ୍ଷା କରିବେ ବୋଲି ଜଣାପଡିଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାତ୍ୟା ପୂର୍ବରୁ ଓ ପରେ ଘଟଣାର ସମୀକ୍ଷା କରିଛନ୍ତି। ଭୁବନେଶ୍ବରରେ ସାଧାରଣ ସ୍ଥିତି ଫେରାଇ ଆଣିବାକୁ ଯୁଦ୍ଧକାଳୀନ ଭିତ୍ତିରେ ଉଦ୍ୟମ ଆରମ୍ଭ ହୋଇଛି। ବହୁ ସଂଖ୍ୟକ ବିଜୁଳି ବିଭାଗର

Bhubaneswar situation after Fani

କର୍ମଚାରୀ ଏହି କାର୍ଯ୍ୟରେ ନିୟୋଜିତ ଅଛନ୍ତି। ଆସନ୍ତା 48 ଘଣ୍ଟା ମଧ୍ୟରେ ସହରର ବିଦ୍ୟୁତ ବ୍ୟବସ୍ଥା ବାହାଲ ହୋଇପାରିବ ବୋଲି ଆଶା କରାଯାଉଛି।

ସହରତଳି ଅଞ୍ଚଳ ଓ ବିଭିନ୍ନ ବସ୍ତିରେ ରହୁଥିବା ଲୋକଙ୍କୁ ରିଳିଫ ଖାଦ୍ୟ ଯୋଗାଇ ଦିଆଯାଉଛି। ଭୁବନେଶ୍ବରର ସ୍ଥିତି ଯଥାଶିଘ୍ର ସୁଧୁରି ଯିବାରେ ସ୍ଥାନୀୟ ନାଗରିକ ସହଯୋଗ କରନ୍ତୁ ବୋଲି ସରକାର ଅନୁରୋଧ କରିଛନ୍ତି। ଇତି ମଧ୍ୟରେ ସ୍ବତନ୍ତ୍ର ରେଳ ଓ ବିମାନ ସେବା ଆରମ୍ଭ କରାଯାଇଛି। ଭୁବନେଶ୍ବର ରେଳ ଷ୍ଟେସନ ଓ ବିମାନ ବନ୍ଦରରେ ବ୍ୟାପକ କ୍ଷୟକ୍ଷତି ହୋଇଥିଲେ ମଧ୍ୟ 4 ତାରିଖ ଅପରାହ୍ନରୁ ଏହା କାର୍ଯ୍ୟକ୍ଷମ ହେବା ଆରମ୍ଭ କରିଛି। ଆମେ ଆଶା ରଖିବା ଫନିର ପ୍ରଭାବରୁ ଭୁବନେଶ୍ବର ଶିଘ୍ର ମୁକ୍ତ ହେବ ଓ ଏହାର ପୁରୁଣା ସୌନ୍ଦର୍ଯ୍ୟ ଯଥା ଶିଘ୍ର ଫେରି ଆସିବ।