ନୂଆଦିଲ୍ଲୀ : ଅନ୍ତର୍ଜାତୀୟ ବିମାନ ସେବା ବାତିଲ୍ର ସମୟ ସୀମାକୁ ବୃଦ୍ଧି କରାଯାଇଛି । କରୋନା ପାଇଁ ବିମାନ ସେବାକୁ ବାତିଲ୍ କଲା ଡିଜିସିଏ । ଦେଶରୁ କିମ୍ବା ଦେଶକୁ ସମସ୍ତ ଅନ୍ତର୍ଜାତୀୟ ବିମାନ ଉଡାଣକୁ ବାତିଳ୍ କରାଯାଇଛି । ପୂର୍ବରୁ ଜୁନ୍ 30 ଯାଏଁ ବିମାନ ସେବା ବାତିଲ୍ ଥିବାବେଳେ ଏବେ ଏହାକୁ ଜୁଲାଇ 15 ଯାଏଁ ବୃଦ୍ଧି କରାଯାଇଛି । ତେବେ କାର୍ଗୋ ବିମାନ ଆତଯାତ ପାଇଁ କୌଣସି କଟକଣା ନାହିଁ ।
ଅପରପକ୍ଷରେ କରୋନା ସଂକ୍ରମଣକୁ ଦୃଷ୍ଟିରେ ରଖି ଇଣ୍ଡିଆନ୍ ରେଲେଓ୍ୱ ମଧ୍ୟ ବଡ଼ ନିଷ୍ପତ୍ତି ନେଇଛି । ଆସନ୍ତା ଜୁଲାଇ 1 ତାରିଖରୁ ଅଗଷ୍ଟ 12 ତାରିଖ ମଧ୍ୟରେ ସବୁ ଟାଇମ୍ ଟେବଲ ଟ୍ରେନ୍ ବାତିଲ୍ କରାଯିବାକୁ ନିଷ୍ପତ୍ତି ହୋଇଛି। ହେଲେ ଏବେ ଚାଲୁଥିବା ସ୍ପେଶାଲ ରାଜଧାନୀ- ମେଲ୍ ଓ ଏକ୍ସପ୍ରେସ୍ ଟ୍ରେନ୍ କିନ୍ତୁ ଚାଲିବ।