ଭୁବନେଶ୍ବର : ଚିନ୍ତା ବଢାଇଲାଣି ରାଜଧାନୀ । ରାଜଧାନୀରେ ଲୋକାଲ୍ କେସ୍ ବଢି ଚାଲିଛି ।ଆଜି ଭୁବନେଶ୍ବରରୁ 25 ଜଣ ପଜିଟିଭ୍ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ 23 ଜଣ ଲୋକାଲ୍ କେସ୍ ହୋଇଥିବାବେଳେ 2 ଜଣ ହୋମ୍ କ୍ବାରେଣ୍ଟିନ୍ ବୋଲି ସୂଚନା ଦେଇଛି ବିଏମ୍ସି। ହୋମ୍ କ୍ବାରେଣ୍ଟିନ୍ରୁ ଚିହ୍ନଟ ହୋଇଥିବା ଦୁଇଜଣଙ୍କ ମଧ୍ୟରୁ ଜଣେ ଘରୋଇ ହସ୍ପିଟାଲରେ କାର୍ଯ୍ୟରତ 28 ବର୍ଷୀୟା ମହିଳା ଥିବାବେଳେ ଅନ୍ୟ ଜଣେ 44 ବର୍ଷୀୟ ରେଲ୍ଓ୍ବେ କର୍ମଚାରୀ ରହିଛନ୍ତି । ଯୁବତୀ ଜଣକ ନିକଟରେ କୋଲକତାରୁ ଫେରିଥିବାବେଳେ ରେଲ୍ଓ୍ବେ କର୍ମଚାରୀ ଜଣକ ଦିଲ୍ଲୀରୁ ଫେରିଥିଲେ ବୋଲି ସୂଚନା ରହିଛି ।
ସେହିପରି ଅନ୍ୟ 23 ଲୋକାଲ୍ କେସ୍ ମଧ୍ୟରୁ ମଞ୍ଚେଶ୍ବରରୁ 5 ଜଣ ରହିଛନ୍ତି । ସେହିପରି ସାମନ୍ତରାପୁରରୁ ଦୁଇଜଣ ଚିହ୍ନଟ ହୋଇଥିବାବେଳେ ଏମାନଙ୍କ ମଧ୍ୟରୁ ଜଣେ କ୍ବାରେଣ୍ଟାଇନ୍ ସେଣ୍ଟରରେ କାର୍ଯ୍ୟ କରନ୍ତି ବୋଲି ଜଣାପଡିଛନ୍ତି । ସେହିପରି ଚକେଇସିଆଣୀ ମଞ୍ଚନାଥ ହାଇସ୍କୁଲ ନିକଟରୁ 4 ଜଣ ପଜିଟିଭ୍ ଚିହ୍ନଟ ହୋଇଛନ୍ତି । ଏମାନେ ପୂର୍ବ ସଂକ୍ରମିତଙ୍କ ସଂସ୍ପର୍ଶରେ ଆସିଥିଲେ ବୋଲି ସୂଚନା ରହିଛି । ସେହିପରି ଚକେଇସିଆଣିର ହାଡବାଇ ବସ୍ତିରୁ ଦୁଇଜଣ ଚିହ୍ନଟ ହୋଇଛନ୍ତି। ସେହିପରି ପାର୍ଟପୋର୍ଟ ଅଫିସ୍ ବାଲିତୋଟା ସାହି ବସ୍ତିରୁ ଚାରିଜଣ ପଜିଟିଭ୍ ଚିହ୍ନଟ ହୋଇଛନ୍ତି । ଏହି ଚାରିଜଣଙ୍କ ମଧ୍ୟରେ ତିନିଜଣ ପୁରୁଷ ଥିବାବେଳେ ଜଣେ ମହିଳା ରହିଛନ୍ତି । ସେହିପରି ଶିରିପୁର ଲକ୍ଷ୍ମୀବଜାର ବସ୍ତିରୁ ଜଣେ 22 ବର୍ଷୀୟ ଯୁବତୀ ଚିହ୍ନଟ ହୋଇଛନ୍ତି ।
ଅଶୋକ ନଗରରୁ ଜଣେ 50 ବର୍ଷୀୟ ମହିଳା ଚିହ୍ନଟ ହୋଇଥିବାବେଳେ ନୀଳାଦ୍ରି ବିହାର ବୁଦ୍ଧ ପାର୍କ ନିକଟରୁ ଜଣେ 56 ବର୍ଷୀୟ ମହିଳା ଆକ୍ରାନ୍ତ ଚିହ୍ନଟ ହୋଇଛନ୍ତି । ଅନ୍ୟ ଜଣେ 43 ବର୍ଷୀୟା ମହିଳା ନୟାପଲ୍ଲୀରୁ ଚିହ୍ନଟ ହୋଇଛନ୍ତି ।
ସେହିପରି ଘରୋଇ ହସ୍ପିଟାଲରୁ ଜଣେ କର୍ମଚାରୀ ଚିହ୍ନଟ ହୋଇଛନ୍ତି । 22 ବର୍ଷୀୟା ଯୁବତୀ ଜଣକ ପୂର୍ବ ସଂକ୍ରମିତଙ୍କସଂସ୍ପର୍ଶରେ ଆସିଥିବାର ସୂଚନା ରହିଛି । ସେହିପରି ଅନ୍ୟ ଜଣେ ଆକ୍ରାନ୍ତ 37 ବର୍ଷୀୟ ପୁରୁଷ ସରକାରୀ ହସ୍ପିଟାଲରେ କାର୍ଯ୍ୟକରୁଥିବାର ଜଣାପଡିଛି ।
ଆଜି ଭୁବନେଶ୍ବରର ସହରରୁ 7 ଜଣ ସୁସ୍ଥ ହୋଇଛନ୍ତି ।
ନୂତନ ଆକ୍ରାନ୍ତଙ୍କୁ ମିଶାଇ ଭୁବନେଶ୍ବର ସହରରେ ମୋଟ୍ ସଂକ୍ରମିତଙ୍କ ସଂଖ୍ୟା 314ରେ ପହଞ୍ଚିଥିବାବେଳେ ସୁସ୍ଥ ହୋଇଛନ୍ତି 174 ଜଣ । ସେହିପରି 4 ଜଣଙ୍କର ମୃତ୍ୟୁ ହୋଇଥିବାବେଳେ 135 ଜଣ ଏବେ ସକ୍ରିୟ ଅଛନ୍ତି ।
