ମାଲକାନଗିରି: ମାଲକାନଗିରି ସ୍ୱାଭିମାନ ଅଞ୍ଚଳରେ ଚାଲିଥିବା ଗୁଳି ବିନିମୟ ଶେଷ ହୋଇଛି । ସୁରକ୍ଷା କର୍ମୀଙ୍କ ଆକ୍ରମଣରେ ମାଓବାଦୀ ଛତ୍ର ଭଙ୍ଗ ଦେଇଥିବାବେଳେ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଛି । ଗୋଟିଏ ଆଇଇଡି ବିସ୍ଫୋରକ, 16 ରାଉଣ୍ଡ ଗୁଳି ଓ ଗୋଟିଏ ମାଗାଜିନ ଜବତ କରାଯାଇଛି । ଏହାଛଡ଼ା 32ଟି ଡିଟୋନେଟର, ରେଡିଓ, ମାଓ ପୋଷ୍ଟର ଓ କିଟ ବ୍ୟାଗ ଜବତ କରାଯାଇଛି । ପାପରମେଟଲା ଥାନା ଗୁଣମାମୁଡ଼ି ଗାଁ ପାଖରେ ସୁରକ୍ଷା କର୍ମୀ ଓ ମାଓବାଦୀ ମୁହାଁମୁହିଁ ହୋଇଥିଲେ । ଗୁଣମାମୁଡ଼ି ଗାଁ ପାଖରେ ସୁରକ୍ଷା କର୍ମୀ କମ୍ବିଂ କରୁଥିବାବେଳେ ନକ୍ସଲ ଗୁଳି କରିଥିଲେ । ସୁରକ୍ଷା କର୍ମୀ ପ୍ରତିଆକ୍ରମଣ କରିବାରୁ ନକ୍ସଲ ଜଙ୍ଗଲକୁ ଖସି ପଳାଇଥିଲେ ।
