ରମେଶ ମହାନ୍ତି
ଜଗତସିଂହପୁର: ପ୍ରସିଦ୍ଧ ଝଙ୍କଡ଼ ଶାରଳା ପୀଠର ସୌନ୍ଦର୍ଯ୍ୟକରଣ ନିମନ୍ତେ ରାଜ୍ୟ ସରକାରଙ୍କ ପକ୍ଷରୁ ଏକକୋଟି ଟଙ୍କା ଅନୁଦାନର କାର୍ଯ୍ୟକାରୀତା ନେଇ ପ୍ରଶାସନ ତରଫରୁ ତତ୍ପରତା ପ୍ରକାଶ ପାଇଥିବା ଦେଖିବାକୁ ମିଳିଛି। ଆଜି (ରବିବାର ଦିନ) ଜେସିବି ମେସିନ୍ ଦ୍ୱାରା ଚନ୍ଦନ ପୋଖରୀର ଦକ୍ଷିଣ ପାର୍ଶ୍ଵରେ ଥିବା ବହୁ ପୁରାତନ ଜରାଜୀର୍ଣ୍ଣ କୋଠା ସହିତ କେତେକ ଦୋକାନ ଘର ଭଙ୍ଗାଯାଉଥିବା ଦେଖିବାକୁ ମିଳିଥିଲା। ଜଳସମ୍ପଦ ବିଭାଗ ତରଫରୁ ନିର୍ମାଣ କରାଯାଇଥିବା ଝଙ୍କଡ଼ ବିଶ୍ରାମଗାରର ପ୍ରାଚିରକୁ ଭଙ୍ଗାଯାଇନାହିଁ। ଆବଶ୍ୟକ ପଡିଲେ ଏହି ପ୍ରାଚିରକୁ ଉଚ୍ଛେଦ କରାଯିବ ବୋଲି ସୂଚନା ମିଳିଛି।
