ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସର ପ୍ରମୁଖ ମମତା ବାନାର୍ଜୀ ନିର୍ବାଚନୀ ଘୋଷଣାପତ୍ର ଜାରି କରିଛନ୍ତି। ଏହି ଘୋଷଣାପତ୍ରରେ ଲୋକସଭା ନିର୍ବାଚନ ପରେ ଯଦି ମେଣ୍ଟ ସରାକର ଶାସନକୁ ଆସନ୍ତି, ତେବେ ବିମୁଦ୍ରାକରଣ ଉପରେ ଯାଞ୍ଚ କରାଯିବ ବୋଲି ଘୋଷଣା କରିଛନ୍ତି। ଏହି ଅବସରରେ ୧୦୦ ଦିନର କାର୍ଯ୍ୟର ଯୋଜନାକୁ ବଢାଇ ୨୦୦ ଦିନ କରାଯିବା ସହିତ ମଜୁରୀକୁ ଦ୍ବିଗୁଣ କରାଯିବ ବୋଲି କହିଛନ୍ତି। ସେହିପରି ଜିଏସ୍ଟି ଉପରେ ମଧ୍ୟ ପୁଙ୍ଖାନୁପୁଙ୍ଖ ଆଲୋଚନା କରାଯାଇ ଏହା ଉପରେ ବିଶେଷ ନିଷ୍ପତ୍ତି ଦିଆଯିବ ବୋଲି କହିଛନ୍ତି ମମତା। ସେହିପରି ମହିଳା, ସାଧାରଣ ବର୍ଗ, ଓବିସି ତଥା ଅନ୍ୟାନ୍ୟ ଲୋକହିତକାରୀ ଯୋଜନା ସମ୍ପର୍କରେ ମଧ୍ୟ ଏହି ଘୋଷଣା ପତ୍ରରେ ଉଲ୍ଲେଖ ରହିଛି। ଏପ୍ରିଲ୍ ୧୧ରୁ ପଶ୍ଚିମବଙ୍ଗରେ ନିର୍ବାଚନ ଆରମ୍ଭ ହେବାକୁ ଥିବାବେଳେ ୭ଟି ପର୍ଯ୍ୟାରେ ନିର୍ବାଚନ ଅନୁଷ୍ଠିତ ହେବ।
ଟିଏମ୍ସିର ଘୋଷଣାପତ୍ର ଜାରି : ସରକାର ଗଢିଲା ପରେ ବିମୁଦ୍ରାକରଣର ହେବ ଯାଞ୍ଚ
Published:
Mar 28, 2019, 6:52 pm IST
