ଭୁବନେଶ୍ବର: ଷ୍ଟକ ମାର୍କେଟରେ ବିନିଯୋଗ କରିବା କିଛି ଖରାପ ନୁହେଁ। ହେଲେ ସଂଯତ ଏବଂ ଧ୍ୟାନର ସହିତ ବିନିଯୋଗ କଲେ ବେଶ ଲାଭବାନ ହୋଇପାରିବ। ଏହାର କୌଶଳ ବର୍ତ୍ତମାନ ଛାତ୍ରଛାତ୍ରୀମାନେ ଜାଣିବା ଆବଶ୍ୟକ ବୋଲି ଭୁବନେଶ୍ବର ପୋଖରୀପୁଟ ଡିଏଭି ସ୍କୁଲରେ ଆୟୋଜିତ କର୍ମଶାଳାରେ ବିଶେଷଜ୍ଞମାନେ କହିଥିଲେ।
ସ୍କୁଲର ବାଣିଜ୍ୟ ବିଭାଗ ତରଫରୁ ଆୟୋଜିତ ଏହି କର୍ମଶାଳାରେ ଏଚଡିଏଫସି ମ୍ୟୁଚିୟାଲ ଫଣ୍ଡ କଂପାନୀର ସେଲସ ଆଣ୍ଡ ଡିଷ୍ଟ୍ରିବ୍ୟୁସନ ମ୍ୟାନେଜେର ମାନସ ରଂଜନ ମିଶ୍ର, ମ୍ୟାନେଜର ସେଲସ ସେଫାଳି ସାହାଣୀ, କଳିଙ୍ଗ ବୁଲସର ମ୍ୟାନେଜିଂ ପାର୍ଟନର ପ୍ରଦୀପ ପ୍ରଧାନ ଏବଂ ଅବସରପ୍ରାପ୍ତ ଅଧ୍ୟାପକ ଭବାନୀ ପ୍ରସାଦ ଦାସ ଯୋଗ ଦେଇଥିଲେ।
ଏହି ବିଶେଷଜ୍ଞମାନେ ବାଣିଜ୍ୟ ବିଭାଗର ଛାତ୍ରଛାତ୍ରୀଙ୍କୁ ଷ୍ଟକ ମାର୍କେଟର କୌଶଳ ଉପରେ ଆଲୋକପାତ କରିଥିଲେ। ଏହି କର୍ମଶାଳାକୁ ସ୍କୁଲ ବାଣିଜ୍ୟ ବିଭାଗର ବିଭାଗୀୟ ମୁଖ୍ୟ ମନସ୍ବନୀ ମହାନ୍ତି ଏବଂ ଫରାତ୍ କୟେନେତ୍ ପରିଚାଳନା କରିଥିଲେ।