ଭୁବନେଶ୍ବର: ମାଟି କପ ବିକ୍ରି କରି ସେମାନେ ପାଉଛନ୍ତି ମାସକୁ ଲକ୍ଷେ ଟଙ୍କା। ଏହା ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ କଥାଟି ସତ। ବର୍ତ୍ତମାନ ମାଟି କପର ଚାହିଦା ଥିବାରୁ ସେମାନେ ଏହି କପ ତିଆରି କରନ୍ତି। ଆଉ ସ୍ଥାନୀୟ ବଜାରରେ ବିକ୍ରି କରନ୍ତି। ପାଆନ୍ତି ଲକ୍ଷେ ଆଉ ସେଥିରୁ ଲାଭ ଜାଣିଲେ ମଧ୍ୟ ଆଶ୍ଚର୍ଯ୍ୟ ହେବେ। ଲାଭ ହେଉଛି ଅଶି ହଜାର ଟଙ୍କା।
ଏହି କାମ କରି ଦେଖାଇଛନ୍ତି କଟକ ଡମପଡାର ଓଁ ସାଇ ମହିଳା ସ୍ବୟଂ ସହାୟକ ଗୋଷ୍ଠୀ। ଏହି ଗୋଷ୍ଠୀର ଅନେକ ମହିଳା କୁମ୍ଭାର କାମ ପ୍ରତି ରହିଛି ଆଗ୍ରହ। ସେଥିପାଇଁ ସେମାନେ ଏସଏଚଜି ଋଣ ଆଣି ତିଆରି କରିଛନ୍ତି ଭାଟି। ଏଥିରେ ସେମାନେ କାରୁ କାର୍ଯ୍ୟ ଭରା ମାଟି କପ ନିର୍ମାଣ କରି ବର୍ତ୍ତମାନ ସମସ୍ତଙ୍କ ପାଇଁ ଆଦର୍ଶ ପାଲଟିଛନ୍ତି।
