ମୁମ୍ବାଇ : ଦଲାଲ୍ ଷ୍ଟ୍ରିଟ୍ରେ ବ୍ଲାକ୍ ଫ୍ରାଇଡେ ପ୍ରଭାବରେ ନିବେଶକଙ୍କୁ ବଡ କ୍ଷତିର ସମ୍ମୁଖୀନ ହେବାକୁ ପଡିଛି । କୋରୋନା ଭାଇରସ୍ ପ୍ରଭାବରେ ସପ୍ତାହର ଅନ୍ତିମ ଦିନରେ ସେୟାର ବଜାର ତଳୁଆ ରହିଛି । ସପ୍ତାହର ଅନ୍ତିମ ଦିନର ଟ୍ରେଡିଂରେ ନିବେଶକ ମାନେ 15 ମିନିଟ୍ରେ 12 ଲକ୍ଷ କୋଟି ହରାଇଛନ୍ତି । ଦିନର ଆରମ୍ଭରୁ ବଜାର ନକରାତ୍ମକ ଥିବାରୁ ପ୍ରାୟ 45 ମିନିଟ୍ ଧରି ଟ୍ରେଡିଂ ବନ୍ଦ ରହିଥିଲା । 10.05ରେ ପୁନର୍ବାର ଟ୍ରେଡିଂ ଆରମ୍ଭ ହେବା ପରେ ବଜାର ସବୁଠାରୁ ତଳେ ରହିଥିଲା । ଇଣ୍ଟ୍ରାଡେ ଟ୍ରେଡିଂରେ ଏହା ସର୍ବାଧିକ ପରିମାଣର ହ୍ରାସ । ସେନସେକ୍ସରେ 9.43 ପ୍ରତିଶତର ହ୍ରାସ ଘଟିଥିବା ବେଳେ ନିଫ୍ଟୀରେ 10 ପ୍ରତିଶତର ହ୍ରାସ ଘଟିଥିଲା । ସେନ୍ସେକ୍ସ 3090 ପଏଣ୍ଟ ତଳକୁ ଖସିବା ସହିତ 29687.52 ପଏଣ୍ଟରେ ରହିଥିବା ବେଳେ ନିଫ୍ଟୀରେ 1000 ପଏଣ୍ଟର ହ୍ରାସ ଘଟି 8700 ପଏଣ୍ଟରେ ପହଞ୍ଚିଥିଲା । (ଏଜେନ୍ସି)
