ବଡ ସଡକ ଦୁର୍ଘଟଣା: ଗତକାଲି ବିଳମ୍ବିତ ରାତିରେ ଏକ ବଡ ସଡକ ଦୁର୍ଘଟଣା ଘଟିଯାଇଛି। ଏକ ଅଡି କ୍ୟୁ 3 କାର ନିୟନ୍ତ୍ରଣ ହରାଇ ଏକ ବିଦ୍ୟୁତ ଖୁଣ୍ଟରେ ପିଟି ହୋଇଗଲା। ଫଳରେ କାରରେ ଥିବା ସମସ୍ତ ସାତ ଜଣ ଯାତ୍ରୀଙ୍କର ମୃତ୍ୟୁ ହୋଇଛି। ଏହି ଦୁର୍ଘଟଣା ଏତେ ଜୋର ଥିଲା ଯେ. ଅଡି କାରର ଆଗପଟଟି ସଂପୂର୍ଣ୍ଣ ଚୁରମାର ହୋଇଯାଇଛି।
ଏହି ଘଟଣାଟି ଘଟିଛି ବାଙ୍ଗାଲୋର ସହରର କରୋମଙ୍ଗଳାରେ ଘଟିଛି। ଦେଖଣାହାରୀଙ୍କ ଅନୁସାରେ ଗତକାଲି ରାତି ପ୍ରାୟ ଗୋଟିଏ ବେଳେ ଏହି କାରଟି ଦ୍ରୁତ ଗତିରେ ଯାଉଥିଲା। ଯେଉଁମାନେ କାରର ଗତି ଦେଖୁଥିଲେ ସେମାନେ ନିଶ୍ଚିତ ହୋଇଥିଲେ ଯେ ଏହା ବାଟରେ କେଉଁଠି ପିଟିହେବ। ସତକୁ ସତ ଏକ ବିଦ୍ୟୁତ ଖୁଣ୍ଟରେ ଏତେ ଯୋଜରରେ ପିଟିହେଲା ଯେ ପାଖ ଘରେ ଶୋଇଥିବା ଲୋକେ ଭୟଭୀତ ହୋଇପଡିଥିଲେ। କାରରେ ଥିବା ଯାତ୍ରୀଙ୍କୁ ତୁରନ୍ତ ହସପିଟାଲ ନିଆଯାଇଥିଲା। ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
